الطريق من الرياض حتى وادي بن هشبل

[برنس الروضة]

السلام عليكم ورحمه الله وبركاته

كيفكم اخواني

ابي مساعدتكم

انا مسافر الاربعاء القادم من الرياض الى وادي بن هشبل

أريد منك تفيدوني بتالي :

1) كم المسافه من الرياض لوادي بن هشبل

2) هل في الخط تحويلات او تصليحات

3) ماهو احسن وقت لسفر مع العلم اني اسافر لوحدي

4) اين افضل مطعم او شقق على هذا الخط

5) اريد وصف الخط من بعد مخرج 17 الرياض حتى وادي بن هشبل لاني اول مره امشي بر على هذا الخط

[محمد بن سيف]

السلام عليكم ورحمة الله وبركاته
اتجه من مخرج 17 على الدائري الشرقي جنوبا الى وادي الدواسر عن طريق محافظة الخرج
الخرج 80كيلو من الرياض .
اتبع سهم وادي الدواسر تخرج من الخرج مرورا بالدلم على بعد 20كيلو وبعد الدلم بمسافة تقريبا 65كيلو تجد مفرق الحوطه
خل على الطريق متجه للوادي وبعد مسافه يمكن 265كيلو تصل مدينه ليلى (الافلاج) استمر متجه الى
وادي الدواسر بعد تقريبا 167كيلو تصل السليل .
من السليل اتجه الى الوادي حوالي 85كيلو وانت بوادي الدواسراتجه مع اللوحات التي تشير الى ابها
تمشي تقريبا 150كيلو الى ان تصل مفرق تثليث استمر على الطريق حتى تصل الى رغوه على مفرق بيشه واستمر الى ان تصل وادي بن هشبل اثناء سيرك باتجاة ابها والخميس.
الطريق حينما تخرج من وادي الدواسر قبل كم شهر فيه تحويلات والطريق سريع الى الوادي .
اذا كنت لوحدك انصحك بالمشي بعد صلاة الفجر او تصلي بالطريق اقل شيء بعد الخرج بعد ان تاخذ
كفايتك من النوم قبل السفر .
افحص السياره وشيكها لان امامك اكثر من الف كيلو .
جنب السرعه الزايده عن الحد لان اللي يمشي بسرعة 160واللي يمشي بسرعة130الفرق تقريبا30دقيقه
وهي لاتحمل المخاطره .
عليك بالراحه كل ساعتين لمده 10دقايق وتكشف غطاء المحرك ولاتطفي السياره على طول.
احمل مع كفايتك من الماء وزياده للطواري .
اذا كنت اول مره تروح مع الطريق اسئل عن الطريق بالمحطات لكي تطمئن.
الله يطوي سفرك وياقاك من الخطر ياكريم
عليك بادعيه السفر
موفق خير
لا هنت

[برنس الروضة]

لاهنت يا الذيب وبيض الله وجهك يا الغالي

[ابو فراس]

بعد هالوصف يابو سيف ياليت يثبت هالموضوع لحاجة الكثير له هالايام

[برنس الروضة]

كم كيلو من وادي الدواسر حتى وادي بن هشبل

[القلب المحروم]

قرابة 250 كم