المراوح الكهربائية (موضوع مهم) [الأرشيف]

عبدالرحمن الدرويش

21-09-07, 07:09 AM

السلام عليكم ورحمة الله وبركاته

:) الإخوة الكرام.. مشكلة تواجه الكثير منّا في سيارته.. وتحديداً في فئة الدفع الرباعي بإختلاف أنواعها.. هذه المشكلة تتمثل بالصوت المزعج للمحرك ، والضعف العام عند اللزوم وبالتالي ضياع العزم ، وإرتفاع الحرارة بشكل غير طبيعي (بالذات في أجوائنا الجميلة) تستدعي هذه المشكلة إستبدال المروحة الميكانيكية بأخرى كهربائية وأحياناً إثنيتن ونلاحظ كثرة الأنواع وبالتالي إختلاف المزايا والعيوب فسمعنا عن مروحة الفورد ومشكلة سحب الكهرباء ومروحة السوبارو وميزة تنوع الحجم وقلة التكلفة ومروحة المكسيما بكثرة تعطلها وأخيراً مروحة الجراند شيروكي بإرتفاع سعرها وأحياناً حسن أدائها.. فالتساؤل (هنا) والآن عن مدى جودة هذه العمليـة.. فهل هي ذات فائدة ملحوظة.. وهل لها أضرار.. شاركوني بآرائكم (فضلاً) ولكم كل الشكر والتقدير..@@

ملاحظة لمن جربها.. أرجو أن يتم ذكر مدة الإستخدام..!!

أخوكم.. أبو فهــد..:cool:

أبوأحمد98

21-09-07, 07:23 AM

حياكـ الله (أبوفهد)
بالنسبة لمراوح الكهرب انا جربته على هايلكس لمدة سنه ونص قسم بالله علاج رهيب فعلا فيه فرق واضح من عدة نواحي الصوت وصرف البنزين ونشاط الموتر ياخي صوت المروحه يطربك هاذي تكفي
نوع المروحه سوبارو ثنتين وسط على مااظن ركبتهن عند الكهربائي السعودي المعروف عبدالرحمن الدغيري
ومشكور ابوفهد على طرح الموضوع اتمنا الفايدة للجميع

عبدالرحمن الدرويش

21-09-07, 01:05 PM

أبو أحمد 98.. ما شاء الله تبارك
حضورك جميل.. ومن ناحية المراوح فالبشر فريقين الأول يثني عليها وينصح بها والثاني يحذر منها وهنا يحتار الواحد لأي فريق ينضم
لكن لدي سؤال.. المبروك اللي بالصورة (الله يطعمك خيره ويكفيك شره) ركبت له مراوح او لا..؟

شكراً لك.. أبو فهد

محمد المعارك

21-09-07, 01:11 PM

هلا ابو فهد

موتري باترول صالون ديزل ( تيربو)

أنا اشتريت مراوح سوبارو ( غير متأكد ) ونويت اركبهن واخذتهن للكهربائي السعودي محمد العثيم ببريدة وأخبرني أن البطارية لن تتحمل ورجعتهن.

أرجو أن أكون أفدتكم.

عبدالرحمن الدرويش

21-09-07, 03:46 PM

الأخ الكريم صقر.. بداية حياك الله

يليه اعتقد كل سيارات الديزل كهربها دائماً ضعيف
وغير كذا ما تحتاج مراوح كهربائية
لأنها ما شاء ما تعطيك أفضل أداء إلا نوعاً ما لما ترتفع حرارتها شوي (والله أعلم)
الديزل بارد علّة ومشكلة

أخوك .. أبو فهـد

ابو لافي

21-09-07, 04:36 PM

السلام عليكم

انا جربت مراوح السوبارو على جيب شروكي مده سنتين ولا قد اشتكيت منها

ومن فوائدها قله صرف البنزين وتقليل واضح من ارتفاع الحراره (للشروكي)

وزياده العزم بشكل واضح وترتاح من صوت مروحه المكينه المزعجه ....

هذا الي جربته وامل اني وصلت المعلومه...

ولك جزيل الشكر....

راعي الهدد

21-09-07, 05:17 PM

يوووووووووووووه يووووووووووه

موضوع طويل عريض ...

المراوح الكثير جربها ... ومنهم من يرفضها بتاتاً ...

انا كنت باركبها على الربع الي عندي الباترول ...

ولكن المهندس فوزان نصحني ما اركبها ...

وقال لي كلام منطقي وعقلاني وهو يقول عن تجربه صارت له ...

يقول ان الموتر اذا احميت عليه بالدعس خصوصاً في النفود ...

فالمروحه لها سرعة قصوى تتوقف عندها ...

لكن الموتر موآصل السرعه ... مما يتطلب من المروحة زيادة لف ودوران لكنها تقف عاجزه خلاص هذه نهايتها ....

فبالتالي يحتر الموتر ويسخن خصوصاً في النفود ... ومع الدعس المتوآصل ...

اخونا فوزان يقول صارت له مع ربع سخن وتأثر الرآس يقول وغيرت الرآس ولانفع صارت الحرارة مبتله فيه ...

يقول الين بعته وافتكيت منه ...

فالمروحة والله مخيفه ... وشغل اليابان ترى ماهو هين ....

انا عن رأيي مانيب مركبها ابد ... والسلامة مايعدلها شي ...

شاكر لك هالموضوع الحواري الطيب ...

محبك ابو حمد ...

ابو ســــاره

21-09-07, 07:24 PM

سمعت عنها من فترة وقررت اركبها رحت لم كذا كهرباء وما اعجبنى شغل مراوح السوبارو اخر حل توصلت له
1- رحت لم التقوى وشريت منهم مروحة فرد جديده مع الهواية تجي بحدود 400 ريال تجي سرعتين
2- بعدين فصلت قاعدة ماسكه في صدر المكينة وتمسك المروحة من عند الدينمو يعنى الي يشوفها كنها
مروحة ميكنيكة .
3- بعدين فصلت عند حقين الديترات قطعة معدنية يتم تركيبها في الخرطوش حق موية الديتر ويثبت فيه حساسات الحرارة
3- بعدين رحت لم كهربائي طيب بالحيل وصفه لي احد الاخوان في السويدي شايب فلبيني شغله نظيف بالحيل لو ما يجيك منه الا انه يلحم الاسلاك بالكتاوت تلحيم اظمن من المشكوبيات الي تنفصل .

الشاهد من هذا كله ان السيارة خفة بشكل كبير و ما عاد فيه حنة وسافرت عليها خطوط طويلة منها خط ابها والامارات مريحة ولا شفت منها اي مشاكل لمدة ثلاث سنوات ومن ناحية النفود ما شفت منها شي مع اني مناب راعي مطاعس بس قطعت نفد الثوير مره وطلعت على جراب وما ارتفت الحرارة ولاشي .
السيارة كانت باثفيندر مديل 2000

أبوأحمد98

21-09-07, 07:42 PM

أبوفهد
الله يباركـ بايامكـ
بالنسبة للباترول نويت اركب مراوح ورحت لرفيقنا الكهربائي الدغيري وقال ماانصحك تركب قلت ليش.؟!!
قال عندك الاديتر كبير وجاي بالطوول مهب مثل الباترول الي قبله جااي بالعرض يقول تبي تروح الحنه لكن يقول يمكن الحراره ترتفع شوي بعني على الربع او اقل
قلت خلنا على مهبولنا لايجينا اهبل منه

مريقب العيفار

22-09-07, 01:02 AM

حياك اخونا ع. الدرويش

انا ركبت مراوح لومينا على جيب لاند كروزر

والصراحة ما شفت فرق

لا عزم ولا توفير بنزين

اذا مسكت خط طويل بالشمس الحرارة تعدى الربع وأول ما كانت تاصل الربع

والصراحة أظن اني برجع شد البلد لأني خاطري ما ارتاح

كل ما سافرت خفت لا تخرب علي

سيد النشاما

22-09-07, 08:00 PM

مامثل شد البلد يالربع

ولامانع من تركيب مروحة تبريد صغيرة إذا كانت إضافية (( في الوسط ................. بين الشبك والراديتر ))

حامد الغامدي

23-09-07, 10:09 AM

الواقع كنت اود الرد بالتفصيل عن هذا الموضوع ولكن مشغول، لكن باختصار:
سمعت من واحد ميكانيكي جيوب شيروكي يقول انها تأثر على البطاريه بسحب الكهرباء، وان شاء الله ارد عليكم بالتفصيل، شكرا على هذا الموضوع الهام.

الصمت

24-09-07, 06:24 AM

في عنيزة .......
رأيتها مركبة على جيب شاص من الجدد يمدحها راعيها
و ما شاء الله تركيبها رائع كأنها من بلدها
و مركبة مروحتين سوبارو على vxr موديل 2005 و يقول أيضا ممتازة جدا
===========================
و لكن ...!!! لإخلاء المسؤولية : يقول لي واحد يفهم في الكهرباء
ان هذه المراوح غير آمنة لسببين :
1- تتعطل فجأة بسبب عدم جودة ( الحساسات ) المصاحبة لها
2- كونها ملاصقه للراديتر حيث تؤثر عليه عند عدم
وجود دعامة قوية و التعرض لصدمة بسيطة لا قدر الله

جيب النفود

28-09-07, 01:01 PM

:

كل اللي جربوها على السيارات التاليه : باثفندر , هايلوكس , شروكي , جيب ربع , شاص

يمدحونها مره ويقولون تقلل صرفية البنزين وتخفف على الموتر بدال مايكون ثقيل

وهاذي أنا شفته بعيني .. مع أخوي باثفندر له الحين تقريباً سنتين وزود .. وماشاء الله ماشيه معه زي الحلاوه

وبعدها تحمست أني أركبها على جيب لاندكروزر ..

لكني تفاجئت بأنه على اللاند كروزر ماتصلح نهائياً وأيضاً الباترول الـ 4800 ..

أنا ويا راعي باترول رايحين مركبين سوى .. والحين فاكينه سوى ..

الحق ينقال ماتنفع على هالسيارتين ... أبد

يعني مافرقت معي لا خفه ولاصرفية بنزين ولانشاط ولاشي مغير خسارة فلوس

لكن على اللي قلت لك بالبدايه .. ممتازه جدأ جداً .. وأولهم أخوي وكثير من أخوياي .. ولاإشتكوا منها نهائياً

سلبياتها بشكل عام :

مع المطامر الشين والجلعده قد إن الأسلاك تحتر أو الكتاوت يجيه شي ... وأنت بالنفود مالمك أحد .. وتطفى

وصارت لي كم مره .. لكن الحمدلله كان معي أخوياي .. وجبنا له كتاوت وركبناه ..

طبعاً قلت لك ماتطفى منا والطريق .. لكن مع المطامر قد تتحرك .. لكن تمشي بدربك مظبوط لاتخاف منه ..

أخيراً بالنسبه للموضوع بيع المراوح .. قد إنها تركب على موتر ثاني غير اللاند كروزر .. الله أعلم

طيرت سوقنا الله يهديك :)
شكرا لكم

مريقب العيفار

29-09-07, 04:27 AM

اذاً كلام الاخ جيب النفود نفس الكلام اللي انا ذكرته

وكلانا ينطلق من تجربة

وانا الحين ناوي على فكة المراوح الكهرب واعادة الشد بلد

مطفوق

24-07-08, 06:23 AM

السلام عليكم ورحمة الله وبركاته

هذي اول مشاركه لي بهالمنتدى واتمنى ان استفيد وافيد

تجربتي كانت على لاندكروزر موديل 2001 Gxr

ركبت عند واحد سعودي اسمه ابو عبدالله بمحطة السعوي على ما اتذكر بمخرج 16 طبعا بالرياض
صار لي مركبها ثلاث سنوات تقريبا اذا مو اكثر .
كل من شاف تركيبه قال وكاله ( ماشاء الله ) جرجور وكلبسات وشغل مرتب .
نوع المراوح سوبارو مروحتين .
ومن مزاياها اثناء الوقوف الطويل والمكيف شغال ما ترتفع الحراره وهذا شي حلو مقارنه بشغل الوكاله .
الميزه الثانيه واللي اعجبتني وضع لي داخل السياره قاطع لتشغيل المراوح يدويا اثناء الحاجه .

ومن تجربتي اقول عنها ممتازه .

وشاكر لكم الطرح والتجاوب . تقبلو تحياتي

مطفي النور

24-07-08, 11:37 AM

السلام عليكم ورحمة الله وبركاته الحمدلله اخواني احب اشكركم على هاذا الموضوع وحبيت اشارك معكم في هاذ الموضوع واليكم التجربه
1 جربتها على هايلكس وصارت احسن ابداع من 5 سنوات ولم يوجد اي خلل ولله الحمد
2جربتها على جيب نيسان ولله الحمد سنه ونص ولا مشكله بس يوجد بعض السلبيات
1اذا كان الهوا مقفيك وانت شابك الدبل يعني في رمل وغراز يعني هاذا ان الحراره ترتفع شوي لازم تفره بعض الاحيان وتخليه يشم هوا خاصه اذا كان الجو ظهر يعني{قايله}
2في اشد انواع الصيف في الرياض اكنت في القايله وزحمه اشاره ومكيف على4 وحر ترتفع شوي بس
واليكم الايجابيات
1مافيه حنه 2اخف نفس3 اقل صرفيه4تختلف عليك السياره 180 درجه
وانا جربتها في الدهنا في عز الصيف ولم اشتكي وكذالك في الربع الخالي ولم اشتكي وغالبيه انواع البراري في السعوديه من جبال ورمال وانا مافكر افكها ابدا لاني حسيت بالفرق
اما بالنسبه لنوعها سوبارو من نوع المقاس الكبير ثنتين ومركباها على شاص
وهاذي تجبتي لها :smailes44::smailes42::thumbup::Taj43: وودي تعطوني رايكم
وشككككككككككككككككككككككككككككككككككككرا:Taj43:

حامد الغامدي

24-07-08, 03:41 PM

انا من خلال بحثي في الأنترنت وجدت ان مروحة الفورد التورس أو الميركوري سابل ( Taurus - Sable) محرك 3.8 لتر، ذات السرعتين هي أكبر مروحه تسحب الهواء بمقدار 2800 قدم مكعب في الدقيقه على السرعه المنخفضه و4500 قدم مكعب في الدقيقه على السرعه العاليه وهذا كفيل بتخفيض حرارة أي سياره في أكثر الأجواء حرارة اذا اتبعت الطريقه الصحيحه للتركيب.
تحتاج الى سوتش وكتاوت نوعين وأسلاك ومنظم حراره لا أقدر على كتابة تفاصيلها لأن لها عدة طرق في التركيب على حسب نوع السياره.
عند بداية تشغيلها تسحب تقريبا 90 أمبير لذلك تحتاج الى كتاوت أكبر من 75 أمبير وعند استمرارها في التشغيل تسحب 33 أمبير متواصل ولهذا تحتاج الى كتاوت أصغر في حدود 30 أمبير.

رقم المروحه RF-18 والرقم الأصلي F4DZ-8C607-CA سعرها من 400 الى 430 ريال جديده ويمكن تحصلها في التشليح على موديلات الفورد التورس أو الميركري سابل من أخر الثمانينات الى موديل 1995، محرك 3.8 سرعتين بما لا يزيد عن 150 ريال.

http://www.alrahalat.com/vb/uploaded/227_11216902936.jpg (http://[URL]http://www.alrahalat.com/vb)

واذا كان لك هوايه في ترهيمها بنفسك فقط ضع هذه الجمله في المتصفح ( Ford Taurus electric fan) سوف تجد عشرات المواقع اللتي تتحدث عن هذه المروحه، أرجو ان أكون قد أفدتك ولك الشكر على قراءة الموضوع,

Abdullah K. AL-Hassan

24-07-08, 04:52 PM

الغالي أبو فهد والأخوة الغالين

بارك الله فيكم وجزاكم الله خير الجزاء

موضوع رائع

أستفدت كثيراً من الموضوع

أخوكمــــــ عبدالله

راعي الطلعات

19-09-08, 02:55 PM

موضوع جميل يستحق المشاركه فيه لتعم الفائده بين الجميع ان شاءالله

كان عندي هايلوكس اول مركبة المراوح طبعا كانت حرارة الموتر معقوله جدا وكان عزم الموتر شي عجيب ولا عاد فيها ازعاج من المكينه

لكن مع الزمن اختلفة الحراره والظاهر ان السبب كان لإنتها مدة الرديتر وكان فيه عفوط في الريض والراس مكسور شوي وصار الحراره قبل النص بشوي وكان يزعجني هالشي

يعني المراوح الكهرب راح تعطيك شي ويمكن تاخذ منك اشياء

وعذا واعلم

ودمتم بحفظ الله

راعي الطلعات

10-03-09, 09:54 AM

المراوح الكهربائية صراحه ممتازه لكن خذ عندك هالمعلومات

اذا بتركب ركب لك مروحتين كهرب وحده بسرعه واحده والثانيه بسرعتين يعني سرعه اقوى في اللزوم انا ركبتها على هايلوكس ثنتين بس المشكله انها كانت كلها سرعه واحده فا كانت برودة المكينه عاديه يعني مروحة الوكاله كانت افظل منها

وافظل النوع الياباني علشانه اضمن بئذن الله

ومن ناحية الصرف والعزم فهذا شي صحيح ونتيجته صحيحه

موفق ان شاءالله

عبدالرحمن الدرويش

10-03-09, 11:55 AM

بالنسبة للمراوح الكهربائية فأفضل الموجود هي مراوح السوبارو إستهلاكها قليل وصيانتها سهلة ومناسبة لسيارات كثيرة حتى في عالم التعديل يستخدمونها ومتوفرة ، لكن مروحة الجراند شيروكي و مروحة الفورد تستهلك كهرباء السيارة وتتعطل وقطعها مكلفة جداً وأحياناً ما تؤدي الغرض منها ، لذلك أنصح بتركيب مراوح السوبارو والورش ما شاء الله تبارك الله كثيرة بالذات في الرياض ، وموفقين ان شاء الله لكل خير

:)

حامد الغامدي

07-07-09, 12:42 AM

اللي يبغى الحراره تروح يركب مراوح كهربائيه،

انا ركبت المروحه اللي في ردي السابق، وممكن أجلس ساعه كامله بالمكيف في وسط النهار والحراره ما تتعدى النصف، وعن تجربه، لكن لا بد اللديتر يكون ألمونيوم، وشكرا.

(ابو عبدالله)

25-07-09, 09:34 PM

سيارتي برادو هل تتوقوعون يناسب لي مروح الكهربا حقت السوبارو

وهل لها صوت

امل الرد

وللجميع تحياتي

xbn

11-05-10, 06:00 AM

السلام عليكم ورحمة الله وبركاته

وانا ايضا هل تناسب المراوح للاكسبديشن2005

xbn

11-05-10, 06:06 AM

يا ليت القى خبر قريب
انا في الرياض

عبدالرحمن الدرويش

16-05-10, 01:05 PM

حيا الله الطيبين ،،

ابو عبدالله و xbn كل المواتر امريكي او ياباني تركب لها مراوح كهربائية واللي بالرياض يسأل عن الخطيب أو الدغيري ويفيدونكم ان شاء الله .. :)

المتزن

16-05-10, 08:49 PM

أبو فهد الله يعطيك العافية على هالموضوع
حقيقة انا من المؤيدين لتركيب مراوح الكهرب من واقع تجربة اربع سنوات او اكثر على باترول 93 والحمدلله بر وبلد ولا واجهتني اي مشكلة من فضل الله
المراوح اللي انا مركب سوبارو الحجم الكبير سرعتين وحساس اضافي حق مورسدس تشتغل المراوح مجرد وصول امبير الحراره للخط الأول سرعه اولى والسرعة الثانيه لها طريقتين مع تشغيل المكيف اذا اشتغل الكمبرسر وتفصل مع فصلة الكمبرسر والطريقة الثانية بقسام بالغماره اذا احتجت لها وارتفعت الحراره
المميزات كثيره منها اختفا الحنة وزحير السياره وتخف نفسها وتشعر بزود عزمها ويقل صرف البانزين
والتجربة خير برهان ان حصل ولقى اللي ماركب مراوح مثل سيارته مركب لها مراوح كهرب يجرب ويحكم اتوقع بيلقى الفرق 180 درجه للأحسن
هذا اللي حبيت اشارك فيه من واقع تجربتي وآسف على الإطالة وشكرا للجميع

أبوخالد التويجري

17-05-10, 03:57 PM

من أفضل المراوح بشكل عام مراوح السوباروا لسعرها وجودتها وادائها

وعلى حسب السيارة تحتاج لنوعها المفضل ولكن بشكل ام السوباروا افضل

ولا عليها خوف للي راعين بر إلا اللي يطرقون بعيد من باب الحيطة ياخذ المروحه والتماتيك ويركبها لو تعطلت من باب الحيطة

وميزتها

اقصد واقوى عزم وابرد للمكينة في الديرة والخط ( للبنزين ) اما في النفود الأبرد مروحة الوكاله ( للي راعي لعب ) اما القيادة العادية ماعليها كلام توفي وزيادة

وانا من سنين عمري وانا مع مراوح كهرب ( طبعا السوبارو )

وأفضل واحد بحكم تجربتي ابو اسامه الدغيري واللي يبيه يرسل لي ع الخاص

والخطيب ممتاز بس يعيبه الهواية مفتوحه من فوق وتحت يعني ماياخذ حقة من المروحه بسبب ضياع جهدها

والسموحه

ابوخالد

اسدهم

25-05-10, 09:45 PM

وعليكم السلام ورحمة الله وبركاته
عندواحد من اشباب جمس 2000z17دبل شال المروحة بتماتيك وركب مراوح جمس 2006بصراحة كذا الحرارة نوم

موفق بإذن الله ... لك مني أجمل تحية .

أبو البراء

29-05-10, 06:41 AM

مامثل شد البلد يالربع

ولامانع من تركيب مروحة تبريد صغيرة إذا كانت إضافية (( في الوسط ................. بين الشبك والراديتر ))

السلام عليكم ورحمة الله وبركاته

يا جماعة الخير اللي صنعو السيارة أبخص باللي تبيه ليش نغير ونرهم ونغامر بمواترنا ؟ الواحد في يدفع له عشرات الألوف علشان يشتري سيارة وبعدين يتعبث في أشياء المفروض ما يتعرض لها.

الله يوفق الجميع

راعي الشاص

29-05-10, 09:28 AM

الف شكر اخوي عبدالرحمن على طرح الموضوع والفائدة في النقاش

موفق بإذن الله ... لك مني أجمل تحية .

المركاز

31-05-10, 02:27 PM

المراوح الكهربائية لها ايجابيات وسلبيات ،،،،
1 الايجابيات تريح الموتر وتعطيه عزم بالنسبة لتجربة على يوكون 2001 والشد بلد افضل لكن اللي هاوي ترهيم انصح بالمراوح السبارو،،
2 من السلبيات دائما تتعطل الكتاوت وخاصة في فترة الصيف يعني اللي يبي يرهم يرهم على اصوله ويحط كتاوت الماني عالي الجودة حتى لا تحدك وتخرب عليك على الطريق وخاصة في فترة الصيف بدرجة حرارة 45 والاهم من هذا وهذا الكهربائي اذا كان شااااااااااااطر يظبطها لك ،،،،

راعي الجمس454

14-06-10, 03:10 AM

السلام عليكم ورحمة الله وبركاته

الأخ العزيز أبو فهد .

يقال إذا عرف السبب بطل العجب . أولا يجب معرفة سبب إرتفاع حرارة المحرك وليس حلا وضع مروحه كهربائيه.

جميع ماذكر صحيح 100%

من المشاكل ( طرمبة الماء , المروحه أو كلتش المروحه , الريديتر , تهريب .

هناك أهم مشكله وهي ترسبات تتجمع على جدار مجرى الماء من داخل المكينه وتكون مثل العازل
وكذا يمنع الماء من تبريد المكينه .

أنا سمعت ورش بالرياض لتصيخ الرديترات يستخدمون مكينة غسيل لونها أخضر يضعون ماء +وفلاش وماده أخرى يضيفونها هذي مكينة الغسيل مع الماء والمواد ينظف مجرى الماء لتبريد يخرج ماء لونه داكن وبالإستمرار بتنظيف يخف لون الماء وبعدها شوف كيف حرارة المكينه.

وأتمنى من أخواني أهل الرياض أعطاءنا معلومات عنها لانها موجوده حسب ما سمعت بالرياض

وبالتوفيق

أخوكم راعي الجمس454

VTC 4X4

18-07-11, 10:04 AM

الله يعطيكم العافية يا شباب ع الموضوع المفيد والجميل
انا جاي للرياض بكرا سيارتي نيسان باترول م 91
ابغى اركب مراوح ولا اعرف محل يا ريت يا شباب اللي يعرف محل
يوصفه لي لاني من اهل الشرقية ومحتاج احد يوصف لي
وهذا رقم جوالي بعد اذن الاداره\0568700021
وله دعوة الي ينفعني