نهاية الجهل بالكهرباء للسيارة

[فهدالدوسري]

الاخوه الغالين
السلام عليكم

احد الاخوان جزاه الله خير ارسل لي صور سيارةاحترقت عند بيته و السبب حربثة كهربائي غشيم تعلم الحلاقه في راسه
والنتيجة احتراق السيارة
المقصد ياخوان انه مهوب كل واحد يجيد الكهرباء وتصليحها. !
انتبهو !!
ترى الصناعيات مليانة من هالنمونة (نوعية)
والنتيجة احتراق السيارة الله يخلف علي راعيها بالجنة

عموما ،، حطيت هالموضوع للتذكير لأن الوقت بدأ لتجهيز السيارات والعدة
واترككم مع الصور.

http://www.alrahalat.com/vb/uploaded/13_11217674001.jpg (http://www.alrahalat.com/vb)

http://www.alrahalat.com/vb/uploaded/13_11217674083.jpg (http://www.alrahalat.com/vb)

http://www.alrahalat.com/vb/uploaded/13_11217674143.jpg (http://www.alrahalat.com/vb)

http://www.alrahalat.com/vb/uploaded/13_11217674193.jpg (http://www.alrahalat.com/vb)


هذي صورة البطل يقف بجانب السيارة حيث جاب اللي الماء حق الخزان وشغل الدينمو ومده وطفو به السيارة الله يجزاه عنا كل خير

http://www.alrahalat.com/vb/uploaded/13_11217674434.jpg (http://www.alrahalat.com/vb)

اخواني ترى الامور بالنسبة لمثل هالشي تبي ركادة يعني هاللوحات (كهربائي فني تحت اشراف (نقنق بن شنق ينق)
تشق السبد والمخبات
ولو ان السيارة شبة عند محطه والا حولها ،، تهقون وش بيصير العواقب الله يكافينا وياكم الشر


اخوكم
خشم الحصان

نغزة.....الي متى نغتر بالوحات الدعائية للورش.......... .
دقشة.....والمثل يقول(حط ريالك في الشمس وقعد في الظلال).......... يعني لا تدور الرخيص تراه مخيس
صدمة ..... الصور بالجوال.........لك عليها شوي

[يعقوب الوهيب]

الله اكبر ، الله اكبر
والحمد لله على السلامة
ونسال الله العافية والسلامة فعلا الكهرباء خطرة ، وما ودك كل احد يتعبث بها

مشكور يا بو يراح على هالنصيحة

[محمد الديحاني]

الله المستعان


عزالله انك اصبت


والحبرشة الى مالها سنع ما لها سنع


ادي الخبز لخبازة......



شكرا يابو جراح على هالنصيحة

[Bader_M]

وعليكم السلام ورحمة الله وبركاته

الكهرباء لا يستهان به وخاصة في السيارات الحديثة لن اي التماس قد
يؤثر على الكمبيوتر وكما تعلمون ان الكمبيوتر السيارة مكلف جدا .

تحياتي اليك

[حامد الغامدي]

الحمد لله على السلامه، معوض صاحب السياره،

انا اشوف ان المشكله في بعض الأخوان يريد ان يعمل تعديلات واضافات كهربائيه بنفسه وبدون سابق درايه و مثل ماقال الأخ اعطي العيش لخبازه ولو أكل نصه،

عليك أخي بالأستشاره، والأستعانه بأهل الخبره بعد الله.

[عبدالرحمن الدرويش]

أبو جراح.. الإخوة الكرام

أسعد الله صباحكم بكل خير

وشكراً لك على التنبيه ، أتذكر احد الزملاء بالعمل يتكلم عن مشكلة واجهت اخوه بسبب الكهرباء واللعب بدون دراية عاد اخوه اشترى Gx-r جديد على وقته وحب يضيف الإنارة إذا فتح كبوت السيارة فوداها عند محل من محلات الزينة وقال للعامل يركبه ويمدد اسلاكها فالظاهر انه مددها ووصلها وصار مصدر الكهرباء من داخل السيارة ، عاد هو طالع للبر ولا يدري الا الموتر قابس وستر الله وتلاحقوا هو وكم واحد عليها وطفوها لكن بعد ايش داخلية الموتر راحت فتخيلوا الخسائر والله يخلف عليه وعلى راعي الشاص بالخير.. وبارك الله فيكم جميعا

اخوكم .. أبو فهد

[Abdullah K. AL-Hassan]

وعليكم السلام ورحمة الله وبركاته

الغالي أبوجراح

جزاك الله كل خير على الإفادة والتنبيه

أغلب الناس يستهين بكهرباء السيارة ويقول ماعليك 12 V ماتسوي شيء !!

ومايدري أن التمديدات يبيلها شغل مرتب وأسلاك معينة

وللأسف أغلب السوق هالأيام من الأسلاك الرديئة الصنع والتحمل

شكراً لك يالغالي

والله يعوض على أخينا راعي السيارة

تقبل مني خالص الود والتقدير

محبكــ عبدالله