طب وتخير أسهل طريقه للإشعال النار في البر (كل عضو يشارك بطريقتة)

[أبو حطب 2008]

بسم الله الرحمن الرحيم

السلام عليكم ورحمة الله وبركاته
أعزائي اعضاء منتدى رحلات مايخفى عليكم ان الشتاء قرب
وان اكثر طلعات البر في الشتاء :)
واكثر شيء يعلك في الطلعه شبت النار (الضويه):mad:
فلو يتكرم كل واحد من الاعضاء ويكتب في موضوع المتواضع :o
طريقته في شبت النار ويذكر الجنود المجهولين (العده) :cool:
وتكفى ترى تكفى تهز الرجاجيل
لولا ظروف الوقت ماقلت تكفى

رد حتى لو انك تشب بكرتون قاز;)

[بران]

طيب أخوي أبو حطب لعيونك

أنا أفضل الله يسلمك المكعبات سريعة الاشتعال و الخفة في الوزن ؟

أو هدب الرمث علشان يعطي ريحة فلة ؟

[أبو حطب 2008]

يابعد حيي يا اخوي بران
كفو والله هذولي الاعضاء
مهب الي يستخسر بموضوعي
انه يحرك اصابعه اشوي
ولكن نحسن الظن ونقول اشاء الله انهم 20 زائر واحد عضو

وتكفون ارجو التفاعل

[ابو فراس]

السلام عليكم ورحمة الله وبركاته

اخوي هالحين انت ابو الحطب وجاي تسألنا

الطرق مختلفه واسرعهن الدافور خاصة اذا كان الحطب رطب

او المكعبات

او اي كرتون اذا كان حطبكم ناشف

[أبو حطب 2008]

اقول انت جاي تحطم ولا ترد<<امزح
موشكور على الرد الجميييييل<<التحطيييييييييم

[ولد ناصر]

بسم الله الرحمن الرحيم

السلام عليكم ورحمة الله وبركاته

حياك الله اخوي ابو حطب 2008

قبل كم سنة كنت اخذ لي عسبان النخل لكن الحين ما فية نخل بالبيت ( :1aa:) من كثر ما شبيت ضو لكن يوجد الدافور اليدوي الصغير ما ادري وش اسمة لكن الوالد يسمية دافور الحسحسة :thumbup: شكلة على شكل البخاخ .. ممتاز جداً ولا تحتاج الى المكعبات او ورق او كراتين :smailes26:

تحياتي لك

ولد ناصر
73

[Abdullah K. AL-Hassan]

وعليكم السلام ورحمة الله وبركاته

أخي أبوحطب 2008

بخصوص إشعال النار فهي تختلف

وعلى حسب الظروف

يعني إذا كان واحد ممخمخ ومروق .. مكعبات

وإذا كان مستعجل .. الدافور

وحقيقة هناك أنواع من المكعبات تستخدم لأكثر من مره ولاأدري هل هي تباع حالياً أم أنقطعت عن السوق ؟

ولاتنسا حجم الحطب ..!! فله دور كبير في إشعال النار !!.. ;)

خالص الود والتقدير

اخوكــ عبدالله

[أبو حطب 2008]

اخوي ولد ناصر ,,مشكووور على الرد وان شاء الل ابروح لبرق الحياة وبسالهم عن دافور الحسحسه وسلملي على الوالد
اخوي عبد الله تسلم على الرد المنتاز وجعل هالاصابع تشهدلك يوم القيامه انت ومن شارك,,امين

[الانيق]

السلام عليكم ورحمة الله وبركاته
اخونا ابو حطب الله يسلمك

هو التنافس بين الدافور والمكعبات

للدافور مميزات ومخاطر والمكعبات لها مميزات وسيئات

مثلا قمت الفجرقبل الصلاة بساعة وما بك نوم وش تسوي

ان ولعت الدافور مزعج للربع النائمين هنا ما لك الا المكعبات هادية ولا هناك صوت

الاحسن ان عزبك ما تخلى من هالثنين

[عبدالرحمن الدرويش]

أبو حطب 2008

هلا بك وبالحضور الكرام
عن نفســي أفضل إستخدام أعواد الكبريت والمكعبات البيضاء يعني لا غاز ولا ولاعة
أما الإشعال البداية بالقشور الصغيرة والتدرج إلى الحطب ((ما جبنا شيء جديد))
في حالة وجود هواء شديد إستخدام ذراية ملائمة
صورة إيضاحية للدافور.. ((للمستعجلين))
http://www.t63ysup.com/up/ko10.JPG

:)

أبو فهــد

[ثامرالماضي]

نعم على حسب الظروف ...

إذا كان معي الدافور مثل اللي بالصوره اللي فوقي ... وهذا يسمى (( كاروش )) ...
لأنه يكرش للضو ههههههه

ولكن إذا ماصار معك لا كاروش ولا مكعبات ... عليك بقشر الحطب الصغير ... أكومه وأولعه ... وأهف عليه شوي شوي لين تكبر الضو ...

مشكور يابو حطب على هالموضوع ...

وننتظر جديدك


,,,,,,,,,,,,,,,,,, تحياتي ,,,,,,,,,,,,,,,,,,,

[عبدالرحمن الدرويش]

:smailes81: مرحباً بالجميع

بصراحة أخطأت وشكراً للغالي أبو شعلان على التنبيه

ومرة أخرى هذه صور للدافور

http://www.alrahalat.com/vb/uploaded/13_11209926260.jpg

:1aa:

[المثالي]

مشكور اخوي

[HAGAANAF]

حسب خبرتي ومعرفتي جربت عدة طرق ووجدت أسهل لطرق هي المكعبات البيضاء ، غير أنها مضرة بالصحة حسب معلوماتي ، وبالتالي تحولت الى دافور اللحام ، يمكن توليفه ليتم ربطه في إسطوانات الغاز الصغيرة والكبيرة ، ضعه تحت الحطب وشف النتيجية حتى وأن هان الحطب رطب وهناك مقاسات منه ، أنا عندي الكبير

[أبو حطب 2008]

اخواني
الانيق
ع.ف الدرويش
ابو شعلان
المثالي
kagaanaf
مشكورين على الردود
وجعل هاالأصابع ما تمسها النار.... امين
وارجو التفاعل من البقيه

[حامد الغامدي]

انا أحسن طريقه أشب بها الحطب صيف وشتاء الدافور اللي مثل بخاخ الفليت واسم شركته kovea وقبلها كنت أولع بالقاز، وكنا نعاني معاناة في المطر ( اذا صار الحطب رطب) وفي الهواء الشديد.

شكرا يابو حطب على هذا الموضوع اللي فيه فايده للجميع عن طرق اشعال النار في البر