|
اقتباس:
هذي الحين عزبته .... ؟؟؟؟ دله وكم ملقمه وقدر ظغط ... وماعون فناجيل ... ؟؟؟ انتبه لاتصير ياشويب الصمان .... تنقلب وتشوف الباطل حق ... صحصح رآسك .... واذا ماصحصحت دورنا لك يالشويب بنت ترد اعلومك .... ههههههههه وش ذي تعدهآ عزبة .... ؟؟؟ عموماً مانيب مستعجل بالحكم .... بس النظر في الحقيقة وعلى الطبيعة اجود ... موفق ياشويب ... محبك ابو حمد ... |
ياناس قلنا ورددنا الصور ماتنفع للحكم
التجربة خير برهان ابوعبدالله ما تقول الا درر على فكرة غيرنا صورة التوقيع عشان ما يزنبنا بعض الناس ولحفظ الحقوق هذا التوقيع من تصميم الاخ العزيز الاكثر من رائع سهيل |
اقتباس:
أبوفراس الجارمن لوحظ على الاخ راعي الهدد التطنز والتقليل من عزبكم الشهيره !!!!!:D :D لاتخاذ الازم حيال ماصرح من الاخ راعي الهدد ...... ;) :cool: |
اقتباس:
الحين تأكد لي انك تبي ... من يزوجك وبس ... ياشويبنا المبجل ... هههههههههههههههههههه |
اقتباس:
وبعدين عمرك سمعت عن شايب بعمري ومتزوج له ثانيه .:eek: ... أقول ودنا نكمل باقي الصيف باالبيت الله يجزاك خير وتراي بمثل هاالامور خواف باالحيل وخاصة باالصيف وماعندي أستعداد أنام برا البيت باالصيف :) .... الله يخلينا أم العيال راعة البيضاء .,,,,,,,,,,,,,,,,,,,,,,,,,,,,,,, .وخلك :cool: |
اقتباس:
هههههههههههههههههههههههههه ولايهمك نأجل الموضوع الى مع دخول الوسم .... ههههه نعود لموضوعنا الأهم .... وينكم ياهل العزب .... وينكم ... ماعاد لهم حس ... يالله الخيرة .... |
ذلحين يالجارمن .... لك ساعة وانت اشوف اسمك حدر بالموضوع .... ولا رديت برد ....
اجل والله شكل ابو فراس غلبك وبس .... ههههههه كل ذا خوف من ابوفراس .... ياكافي ... |
ياناس انا مت من الضحك على ها لهواش الله يجزاك خير يابو فراس انت والجارمن موضوع في غاية الطرافه. لكن يابو فراس الموضوع من 26 محرم، الشتا والصيف عدى وانتم ما طلعتوا، اذا ناوين على الكشته علموني متى، ودي أخاويكم وأحط صوتي . |
انا اعتقد والله اعلم :
ان التلميذ ( ابو نواف ) يمكن ان يتفوق على الاستاذ العم ( ابو فراس) في حاله واحده انه يحاول ان يستميل العم شايب الصمان في صفه لاني اعتقد والله اعلم ان اغلب الادله المصوره والحجج الدامغه موجوده عند شايب الصمان والظاهر ان العمده مالي ايده من الفوز لانه ظامن شايب الصمان بصفه . |
مزااااين عزب الدهو15 رمضان ابشركم جاكم الفرج وبتشوفون مزااااااااين العزب لابو فراس راعي الاوله بالعزب لكنه مظلوم اعلاميا لكنه يحسب خطواته بركاده. والقارمن ابو الاعلام .لكن مع الهاله الاعلاميه الي تصاحبه يخوف وما يمنع ان القارمن يعترف بااقدميه ابو فراس بالعزب والمكاشيت انا حقيقه ماقابلتهم ولا شفت عزبهم لكن ابتشرف واشوفهم وعزبهم اليوم واحكم اذا رجعت |
اخيراااااااااااااااااااااااااااااااااااااااااااااا ااااا
شفت بل تشرفت بشوفة عزبة ابو فراس صحيح ان الوقت ليلا ولكن العزبة بسم الله ماشاء الله ضخمة جدا(ملاحظة تراي شفت العزب من برا يعني اللي جوا مدري عنه) عقبال ماشوف عزبتك يابو فراس مفلولة من اكبر قدر الى اصغر ملعقة |
ياالله يأهل العزب الصيف قرب يجينا وحنا ماشفنا عزبكم ;) ;) ;) :confused: :confused: :) :) :D
|
ليش ما تشركونا معكم في الحكم ويكون تصويت يعني كل واحد يصور عزبته قطعة قطعة ويضعها هنا ويتم التصويت كذا نعرف العزب ونستفيد من الخبرة وتكون مرجع لكل من أراد تأسيس عزبة أشوف الصفحات وصلت إلى سبعة بارك الله فيكم جميعا |
السلام عليكم ورحمة الله وبركاته مساكم الله بالخير ولو اني مثل بعض الاخوان ما شفت شي لكن ودي ادلي بدلوي معهم لاصار كل ٍ على ما قيل يختار حزبه = ماني من اللي يصفق اخماس باسداس إحرص على صاحبك والطيب فز به = لو ما تلاقيه الا بدله تقعد الراس ودام النقاش الحين من شان عزبه = فانا بدون نقاش صوتي لبو فراس يمكن تعجب ابوفراس ويقول إملأوا موتره عزبه على وزن إملأوا فمه ذهبا |
وعليكم السلام ورحمة الله وبركاته صح لسانك ياللي متعب معاميله ومساك الله بالخير ياحاجب (شايب الصمان)اعطووووووه ما تمنى |
| الساعة الآن 06:46 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir