منتديات الرحلات - رحلتنا أنا وإكزايل وطراد وعبادي ... لم الغضا الممتازي

<<< تسمع بالسجع بالعنواين
بسم الله ...
أولا يا أحبتنا في الرحلات أحب أن أهدي هالموضوع للعزيز مهراس وأتمنى أن يحوز على رضاكم جميعا
ثانيا إكزايل ..وطراد ..وعبادي أسماء أشخاص من خارج الرحلات والموضوع طرح في موقع آخر لذلك جرى التنبيه
ثالثا بعد اللقاء اللي تشرفت فيه بمقابلة كلا من أبو فراس وشايب الصمان وماجلان وأبو صقر وبهكالنفود اللي الصراحة خش مزاجي وخلان أفكر أطلع لمه كل ماحصل لي ..صارت هالطلعة الخفافية
همانا يوم السبوت اللي راح أو هو يوم الأحود قلت لطراد يانا كشت كشتة يوم الربوع اللي راح لم الغضا ياهو شي ياخي فلة فلة ... تسيف إنه نخشش بمزاجي هكالمكان وهكالتكية بالقمرا
مع إني منول خال العيال محمد كلمانشدته وين تتروح قال أبروح أكشت بالغضا أقول في بالي والله ياهو فاضي .. وش يبي بالنفود وهو ماجاه مطر .... لكن يوم رحت لهالمحلات فعلا روعة مانقصه إلا المطر بس
الجو عليل ... والنفود تليل << ترى ماله معنى بس عشان القافلة << قصدك القافية << إيه صح
إتفقت مع مجموعة الرحله اللي هم طراد وإكزايل إنهم يلحقونن هناك ... حركت قبلهم ... ووصلت لمكان عقيب غروب الشمس بقليل عقيب يعني " عقب " هماهم يقولو قبيل يعني " قبل " وش حيث عقب مايصير له عقيب
المهم .. وأوقف بهالكمان وأنا اللي أصلي المغرب لأني تأخرت عنه .... وأجلس وأولع اللمبة وأزين التكية ...وأحط الفرشات المخصصات للشبة ... وأقرب العزبة .. وأروح أكسر لي حطبتين ...وأنزل الحطيبات اللي معي ... وأشب ...وأجلس أهيجن على روحي أحتريهم يجون ..وأقعد أشوف النجوم .. تخبرون أعرف للنجوم ودلالاتهن ..لدرجة إني أعرف إسم كل نجمة ...والرقم الصحي حقه << أقول تلايط >> طيب
المهم مالكم بالطويلة هذي الصور
هنا جالسن لحالي وأصور جسلتنا
http://www.alqosman.net/vb/uploaded/13_1193957287.jpg
ترى الموتر آخذه إيجار مهوب موتري
.
.
المهم وكل شوي متصل طراد .. لو يبي ياقف عند محطة إتصل يقول آقف عنده أو لا ... يقول أخاف نضيع .. المهم يوم قربوا لم المفرق للبر إتصل ووصفت له معين ينزل خبركم مامن دلولة ولامن سواقة ولامن موتر بدبل .. يعني على من كل النواحي ماهناش .. نزل مع الجلد << بفتح الجيم واللام وحنا بالرس نسمي الطريق الممسوح أو الممهد جلد .. يعني مهوب سفلت بس مارن عليه الموس ...والصراحة كان بطناج ويبي له الواحد يايمشي شوي شوي أو يطير ويصير مثل عويطة << وش دخل عويطة ... المهم قلت له إنزل وإمش لك تقريبا 3 كم قال أنت بعيد عن الجلد قلت له تقريبا 500 متر .. أنت إلامنك شفت علي يمينك لمبة بيضاء تراه أنا ... قال طيب تشوفنا إلامننا وصلنا قلت له ههههههههههههههههه وش لون أبشوفكم يالذهين أنتم تتشوفونن همن إتصل علي إلامنك شفت اللمبة قال زين ... شوي وإلا أشوف ذاك الموتر ينزل من الجلد ... ويوم دريت ولا أشوف إلا النفود العالي عليه إنارة ..أثر أبو الشباب عافطن الموتر يقال لي سواق ومغرس والنور حق موتره طالعن فوق تقل يكبس للطيارات ههههههههههههههه
إتصل علي قال ترانا غرزنا تعال قلت إنا لله طيب هذاي أبجي زاد فيه أحد يشري موتر بدون دبل .. يوم جيت أبمشي ويتصل قال خلاص طلعنا .. قلت زين ...
وأشوفهم جايين لمي بس هم تحت ...لأني بمكان مرتفع شوي ... المهم مادريت إلا عررررررررررر <<< هذا صوت عرة الموتر " عرة الموتر يعني الدوس له بقوة " وإلا يوم بان النور ووقف ... ويوم دريت وأسمع اللي نزلوا من السيارة بيني وبينهم رفاعة وأثل على قولة طراد ههههههههههه أجل أثل ههههههههههههههههههههههههههههههههههههههه << مات ضحك
يقصد الغضا يقول له أثل .. ياناس تسيف مادفنته بالنفود وجيت وخليته http://www.alqosman.net/vb/images/smilies/bs27.gif
المهم وأقوم أبروح لمهم أثر اللي يصوت .. أبو نبيل أبو نبيل << يقال له يموه ...http://www.alqosman.net/vb/images/smilies/bs27.gif
أثره إكزايل جاي على رجليه من بعيد أنا تركت اللي يصوت ورحت لمهم ... وأثر الأخو طراد جاين مع درب مهوب درب المسلمين يبي يرقا .. ياخوي متورك مابه دبل والكفرات ملياناتن تبن << واحد حمق ...أقصد ملياناتن هواء ومع ذلك تبي تطلع مع مطلاع عسر لاتخلينا يالمرهم ... قلت له إنا لله ياخوي ماتشوف الطريق اللي وصفته لك تسان جيت مع جادة السيارات من فوق شوي .... قال وش درانا أنا .. المهم وأرجع أجيب موتري ..ونحط السبته من قدام نبي نسحبه أثري ماقدرت أسحبه ... يوم دريت وهو اللي يتحرك على قدام يبي يطلع من نفسه وأقوم أتقدم وأحجره ما أبيه يطلع من الغراز ههههههههههههههه وهو اللي ينقهر ويبد يخرط بهرج ما أدري وش يبي
قلت له ماهنا إلا نسحبك من ورى يالنوال المتوكل ..وأجيب الموتر من الخلف ونمتل موتره بعد ماتعلق ...وهذي صورة موتري وهو يسحب موتره المعاق ههههههههههههههههه
أنا من اليوم ورايح أبسمي موترك المعاق http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193958006.jpg
يوم طلعت موتره جينا وتكينا بمحلنا ... قسم إنه تكية ولا أروع شي رهيب فعلا شكلي أنا إنسحرت بهالمحل وأنا منول أضحك على خال العيال لأنه يكشت به دايم

المهم ... نسيت أقول شي
كنت موصي طراد على خبز من الحطب << الحطب ذائه محل عندنا يعني مخبز آلي
وموصيه منه على حمص .. لأن حمصه زين ...وعلى حطب لأن اللي عندي صار شوي ...
إتصل علي وقال إني عند الحطب أجيب حمص كيلو أو نص كيلو هههههههههههههههههههههه
وين يالأخو ... وش اللي كيلو ونص كيلو .. جب ثلاث علب من الصغار وبس وجب خبز بر .... المهم إتصل علي قال تراي ماجبت إلا أثنين حمص وكيسين خبز
وراه يالأخو طيب ؟
قال ماعندهم نقاط بيع ...الأخو يموت على إستخدام الشراء ببطاقة الصراف http://www.alqosman.net/vb/images/smilies/000200C6.gif
قلت له مهيب مشكلة وأنت جاي مر المحطة وجب معك ماء للشاهي وإشر زود خبز << صار ماجاب شي أبد http://www.alqosman.net/vb/images/smilies/bs07.gif
نرجع لمحور حديثنا
يوم جا وتكا طرودي قال تراي نسيت أجيب زود خبز ...ومير أحقد عليه جدا ... قال إكزايل .. أصلا أنا مسوي رجيم ومنب آكل خبز ... قلت له أصلا من قال لك إنك أنت وطراد تتاكلون خبز .. إن مديتوا يديكم على الخبز قطعتهن وشويتهن لكم http://www.alqosman.net/vb/images/smilies/bs27.gif
ونسمر ونتكي ذيك التكية اللي ودي إلاي ماجيت إلا هالحين ... ويوم شبينا بالحطيبات ...وجمرن ...جمممممرن ....وبعد ماتقهوينا وعينا من الله خير ... بدأ مشروع الأكل ... أثر
أثر أثر إكزايل جايبن مفاجأة .. وشي ؟
جايبن لحم نعام ... يقول أنا عشاي يبي يكون لحم نعام بالقصديرة .... يقولون لحم النعام صحي ... قلت له أقول يامريم نور لاتقعد كل شوي لاجنا ذا صحي وذا مهوب صحي إنثبر وسو اللي تبي http://www.alqosman.net/vb/images/smilies/bs28.gif
وهذي صورة لمقادير قصديرة إكزايل ولحم النعام تحت
http://www.alqosman.net/vb/uploaded/13_1193958943.jpg
.
.
يوم تكتك إكزايل الصينية طلعت بهالشكل ولطه صورة
http://www.alqosman.net/vb/uploaded/13_1193959006.jpg

أنا ما أدري وش سنع البقدونس فوق القصديرة لو تشوفونه لومنه طلعه صاير تقلنه سلك خارجي حق تلفون أسود محترق ههههههههههه أكرم الله النعمة
.
.
جيت أنا ونزلت القصديرتين اللي معي وكانن عبارة عن خضار ودجاج يم يم وهذي الصورة ...قصديرة إكزايل وقصاديري أنا
http://www.alqosman.net/vb/uploaded/13_1193959112.jpg
.
.
ويوم أحرينا إن النعام يبي يستوي << بادين به من يوم الثلوث العصر ويالله إستوى http://www.alqosman.net/vb/images/smilies/bs27.gif
ونجيب لكم الشوي ... وهذي صورته بس إنه أعمان الدخان تخبرون يلحق اللي بانزين موتره باقي به النص http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193959247.jpg

وهذي صورة ثانية ...نسيت أقول لكم إن بعض الصور كانت بالجوال لأن الكاميرة أصيبت بعطب http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193959336.jpg
.
.
لايفوتكم الشاهي والله يا إنحكر حكرة على الكيف ....
وراح وقتنا بسواليف ومنا ومنا وخذ من هالتسذب كلن يتسذب على الثاني .. والصراحة ويشهد الأخ إكزايل إننا قبل العشاء بشوي جلسنا نتناقش بمواضيع مهمة جدا ومناسبة لظرف الزمان والمكان ..علمهم إكزايل وش كنا نسولف به http://www.alqosman.net/vb/images/smilies/bs27.gif

وهنا لزمت عليهم إلا أن أحمي لهم الخبز ... هالخبز الثلاث هن الوحيدات اللي إحترقن http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193959413.jpg
.
.
تحمية الخبز كانت هي المرحلة الأخيرة لأن الشباب ماقصروا وولموا السفرة ...
وهذي صورة السفرة ...قصديرتين دجاج وخضار ودجاج مشوي وقصديرة نعام
http://www.alqosman.net/vb/uploaded/13_1193959554.jpg
.
.
ههههههههههههههههههههههههههه <<< ميت من الضحك على الصورة التالية
.
.

لايفوتكم وش لون صار البقدونس ... تذكرون منول نمط شريط المسجل همن يصير صخيف
هههههههههههههههههههههه البقدونس بالقصديرة صاير مثله http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193959633.jpg

.
.
وباقي بعهدتي آآآآخر صورة ...صورة قصديرة الدجاج اللي كانت من لمي ...توي أدري إنه ماكان به إلا أفخاذ بس ...زاد أنا من البارح لمين اليوم أقول وراي ما أكلت صدور دجاج أبد http://www.alqosman.net/vb/images/smilies/bs27.gif
http://www.alqosman.net/vb/uploaded/13_1193959736.jpg
.
.