منتديات الرحلات - من النعيريه للمستوي

منتديات الرحلات (http://www.alrahlat.com/vb/index.php)

- رحلات برية وبحرية وجوية (http://www.alrahlat.com/vb/forumdisplay.php?f=7)

- - من النعيريه للمستوي (http://www.alrahlat.com/vb/showthread.php?t=313)

من النعيريه للمستوي

http://www.mekshat.com/pix/upload/im..._besmellah.gif

هلا وغلا بالشباب كلهم
صبحكم ومسيكم بالخير جميعا
بحمد الله طلعنا كشته مع الوالد والاخوان والعيال
وكنا مخططين اننا نطلع من النعيريه باتجاه ام عشر وساموده والحسكي ومن ثم المستوي وان كان باقي وقت مرينا فياض ورياض شرق الرياض
ولكن بعد ما شفنا اراضي ام عشر الناشفه(الله يجيب الخير) غيرنا وجهتنا وكان اقرب مالنا البريكه والا مشذوبه بالنهايه اتفقنا على البريكه حيث انه اقرب للقصيم ومنها للمستوي
وبدينا نقطع النفود
وماتوفقنا اننا نمسك لنا درب سهل وكان من حظ الشباب الصغار استانسو بالتطعيس والتحدي بين النيسان بترول واللكزس
والا الشاص الديزل ماحد يتحداه(حيث ان به الGPS)فهو دايمآ الاول بلا منازع :D
وهذه نتيجة التحدي تغريزة بترول قير عادي(الله يخلف على السواق بس):cool:

http://www.alrahlat.com/vb/uploaded/28_1171628815.jpg

وكل شوي وقفة استراحه وتمتع باجواء رائعه مع رذاذ مطر
http://www.alrahlat.com/vb/uploaded/28_1171629324.jpg

وبعد وصولنا للبريكه لقيناه ماتسوى العنوه ولا حتى النومه فيها
فقررنا قبل الليل اننا ننام بحدى النقر بالنفود الي شرق من البريكه
وكانت ليلة متعبه نفسيا لنا
دفنا السافي والهوا شمالي صلف حتى بالنقر اللي بالنفود
ومن بكرا توجهنا لـ قبه ومنها لأم حزم والمستوي

والحين اترككم مع الصور
ارجو انها تجوز لكم وترتقي لمستوى ذوقكم
http://www.alrahlat.com/vb/uploaded/28_1171629558.jpg

http://www.alrahlat.com/vb/uploaded/28_1171629919.jpg

http://www.alrahlat.com/vb/uploaded/28_1171629958.jpg

http://www.alrahlat.com/vb/uploaded/28_1171629989.jpg

http://www.alrahlat.com/vb/uploaded/28_1171630019.jpg

يتبع

ياعلك سالم .
بيان وتبيان وصور دالة ..

الحمد الله على السلامة ورحلة موفقة
وصور اكثر من رائعة

الحمدلله على السلامه
صور رائعة وجميلة وأنا كنت بالنعيريه الأسبوع الماضي ولاكن مافيه ربيع يسوى الله يجيب الخير إن شاء الله.

صور جميلة
تشكر عليه

بسم الله الرحمن الرحيم

لاهنت أخوي كشات على هالصور الرائعة ... وبكل صراحة تقرير مميز ماشاءالله تبارك الله ...

شكلها كشته وناسة في وناسه ... الله يهنيكم ويخلفها عليكم ....

مشكور وماقصرت ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

أخوي كشات

رحله جميله في أجواء أجمل

مشكور على امتاعنا بمثل هذه المناظر

تقبل تحياتي

حني ...... ( مشكور بس الى هالحين ماجاءة الشرهه ) :)

الغالى كشات

الله يحييك ويسعدك .. هارد لك على مشوار أم عشر !!
يازينها العام الماضى .. كانت ملكة المنتزهات
حتى الآن يبدو أن أفضل الربيع فى جنوب وجنوب شرق الصمان
لكنا عشنا معكم الرحلة بالصور الجميلة (مو كن بعضها يحتاج
زيادة التباين Contrast)؟ .. لكن حاشوفها برضو!!
أما اطارات الصور .. شئ ثانى .. رهيبة ماشاء الله

الف شكر اخوي كشات
مشوار والله ، والله يعينكم.

ام حزم تستاهل العنوة .

اخوي ابو علي

رحله موفقه والحمد الله على السلامه

جزاك الله خير

بسام

ابو علي الحمد لله على السلامة

تقرير مصور رائع كالحلم

وبعدين ما شفناك بهالطلعات مع راعي الونين

عسا ما شر

شكرا شكرا ..
أخوي كشات على هالصور الرائعة
وليت تشرح لنا طريقت تنسق الصور ...

بسم الله

ماشاء الله تبارك الله الردود واجد
والوقت قصير
ولي عوده قريبه ان شاء الله
واللي عجبهم اخراج الصور تراني مسويها ببرنامج اسمه Photo Shaman من تصغير واطارات وتحديد جودة الصوره ونوعية الاطار وخرابيط واجد
واللي يبيه يبشر به

ولي رجعه بحول الله وقوته