السلااااام عليكم

من جديد اتيت لكم بموضوع جديد .. وبعض الصور خصصتها لمنتداي رحلات فقط لاغير .. طبعا

بسم الله الرحمن الرحيم
نبدا حتسينا

في (العطله الطويييييييله جدا) الي قبل العيد اعادها الله علينا اعواما عديده وازمنة مديده وأقر أعيننا بأختها الي بين الترمين .. المهم قررنا نسافر الى بلاد الصمان أو ماتسمى باريس البــر ..

خط سير رحلتنا : بطحا ثم النظيم ثم أطراف الرياض ثم مسكنا خط الدمام وبعدها خط الرماح ومن ثم مرينا على روضة خريم ثم .. لاتدققووون.. دخلنا فجأه برماح وكان فيها دوارات عظيمه وخطيره وواااااسعه لدرجة خفت ابوي يوقّف السياره ويسون علينا دوار ..ومن هذه الدوارات .. دوار المبخره وله عدة فروع .. دوار الكره الارضيه .. دوار الساعة وغيرها كثير
http://www.alrahlat.com/vb/uploaded/92_1169920388.jpg

http://www.alrahlat.com/vb/uploaded/92_1169920467.jpg

أتوقع لوتمشي سيارتين بنفس الدوار لامجال للاصطدام ..
http://www.alrahlat.com/vb/uploaded/92_1169920430.jpg

ومعلم تاريخي اسميته فنجان القهوه
http://www.alrahlat.com/vb/uploaded/92_1169920481.jpg

طبعا عندهم أسلوب في جذب الزباين .. ويلاحظ الجانب الديني

على وزن حديث الرسول صلى الله عليه وسلم (تهادوا تحابوا)
http://www.alrahlat.com/vb/uploaded/92_1169920559.jpg

خرجنا من دولة الرماح ومرينا على قليل مدري شويه وكانوا يوزعون فيها شاصات وفيها لافته ممنوع الدخول لغير الشاص

ومشينا بعدها 7كلم ومن ثم الى ابراج الكهرباء وخشينا من عندها ومشينا 35كلم ودخلنا يمين فقابلتنا فيضة العميا وكان من ضمن الفياض الي مرينا عليها " أم قرين .. أم الحجول أم المصارعه والهوشات أم الكلى والمصارين أم حديجان ام خماس أم الجماجم ام الهياكل العظميه أم محمد وأخيرا أم عبدالله "

دايم أتسائل يعني قلة الاسامي عشان يسمون بهالاسماء اسم احلا من اسم ..شكله الي سماهم يايستهبل أو يستهبل والارجح القول الثالث؟؟؟

ولفينا يمين ومشينا 100كيلو وبعدها يسار 200كيلو ووصلنا الى فيضه جديده اعتبرت نفسي اول من اخترعها وسميتها أمـــي اقصد فيضة طليحه .. وهذا محور حديثنا


الوصف:

حجم المكان : medium

وقت الزياره: مفتوحه 24ساعه

الموقع: انظر الى الاعلى{يوجد شرح مطول}

اقرب فيضه: لايوجد

وضوح الطريق: بالليل لايرى الا بالكشافات

نوع السياره: جمل أو حمار ويفضل الدابه (لاياشيخه)

وبما ان لكم امير رحلة وخبير كشته ..
فقد كانت ملكة الرحله : أنا .. واخواتي الوصيفات
ومديرة المخيم أمي وابوي الوزير حق الرحله

وكان المكان بارد جدا 8 تحت الصفر لدرجة ان قازنا تجمد والاغراض تجمدت حتى حنا تجمدنا وصرنا مانتحرك الى ان طقتنا الشمس وذاب الثلج <<خيال طفولي رائع

ولما ذبنا كلنا بقت بنت اختي ماذابت حطينا فيها صيخ وحميتاها عالفحم لما استوت واكلناها <<= ترا بنت اختي هذي اكله لاتحسبونها شي ثاني لاسمح الله!!!


ماودي اطول عليكم .. هذي بعض الصور للفيض :

طبعا لابد من مؤنة الرحله ..
http://www.alrahlat.com/vb/uploaded/92_1169922369.jpg

صوره للجاده الي مشينا عليها

http://www.alrahlat.com/vb/uploaded/92_1169922352.jpg

المغاره الي وجدناها على الارض .. كانت حفره كبيره جدا وعميــقه {الظاهر تسمونها دحل}

http://www.alrahlat.com/vb/uploaded/92_1169922403.jpg

طبعا بغيت ارمي وحده من خواتي عشان يطلع لي طير واصيده << ابد ماتقلد أحد!!


وهذه صورة ديناصور ميت من ذاك العهد :
http://www.alrahlat.com/vb/uploaded/92_1169922466.jpg

والحمدلله استطعنا بفضل الله ومنته اصطياد طائر غريب اتوقع انه دينصور طائر:

http://www.alrahlat.com/vb/uploaded/92_1169922853.jpg


واخذت لقطة للقمر .. حيث كان يمسك باليد {كم انها فيضة عجيبه}
مارأيكم بالحركتات
1.
http://www.alrahlat.com/vb/uploaded/92_1169922996.jpg
2.
http://www.alrahlat.com/vb/uploaded/92_1169923122.jpg
3.
http://www.alrahlat.com/vb/uploaded/92_1169923086.jpg

صوره خرافيه أسريه رائعه :

http://www.alrahlat.com/vb/uploaded/92_1169924059.jpg


وهذه بعض صور الفياض الي مرينا عليها:

http://www.alrahlat.com/vb/uploaded/92_1169923465.jpg

http://www.alrahlat.com/vb/uploaded/92_1169923781.jpg

http://www.alrahlat.com/vb/uploaded/92_1169918267.jpg

هذا الحلقه الاولى من مسلسل فيضة طليحه كشته لاتنسى .. ستشاهدون في الحلقه القادمه: .. صور اللفيضة بتاعتي .. صور أروع وأروع وستكون الحلقه 2 والاخيره ..
بس لأني حسيت اني نزلت صور كثيرة .. فنويت الباقي في المرة الجاية ان شالله طبعا فيضتي بتكون صور في الجنوب في الصيفية اللي فاتت ..

وبسس .. أتمنى انه يعجبكم موضوعي

بنتظر تعليقاتكم وردودكم
ولكم خالص تحياتي

ابنتكم واختكم
طليحه

يااااحياكم الله ...

أبوذيب

آمييييين الله يجزاك خير
هلا والله بسميي .. أسفرت وانورت
الله يسلمك اشكرك على نرحيب واطرائك اخي الكرييييييم
ابو ذيب انت مكشاتي مخضرم .. ورحالة السعودية ..
تسلم عالرد المزركششش

راعي الذوووق

يسلموووووووو عالرد .. لقد اخجلتم التواضع الذي بداخلنا

ههههههههههههه اجل عجبتك ترا وماخفي كان أعظم .. أبد حنا دوام من الصبح بالسدحان والا العثيم
ابوي الله يخليه لنا ويطول بعمره يودينا بفجر يوم الكشته رحله خاصة لشراء مقاضينا الخاصة ..
ومايحتاج وصفه للمؤنه ..
طبعا لابد من حليب الجلكسي والكولا .. الحليب للي يصحى متاخر ويفوته الفطور
والكولا العصر مع الخرافيش والمؤونه الباقية ..
ولاتنسون انواع الشكولاته عشان القهوة للي مايحب التمر ..
تشكراااات اخي راعي الذووووق عالمرور العطرررر

الجارمن

الله يجزاك ألف خير .. ويرفع من مقدارك .. وكذا التشجيع
معليش ودي أفضفض شوي ((في منتدى الله يستر علينا وعليه نزلت موضوع شبيه لهالموضوع وبعدها حذفوا الردود كلها وخلوا {وقرن في بيوتكن ولاتبرجن تبرج الجاهلية الأولى} اجزم انه لم يفهم معنى الاية؟؟ بس ياأني شلت عالمنتدى والاعضاء حسيت انه بنظر الرجال خروج المرأة للبر مع محارمها .. فاسقه))
اخي الجارمن .. مرورك زاد من قيمة موضوعي .. ومنكم ومن مواضيعكم نستفيد

راعي الشاص

الله يبارك فيك .. ومشكوور عالشرطه اقصد المرووور

عاشق المطر

الاجمل مرورك اخي المحترم .. والله يجزاك خير

ثهلان

الله يسلمك .. وطبعا لانصل لتميز موضوعاتك وصورك اخي ثهلان
تشكرااات عالمرووور

أبو سديم

الله يجزاك خير على مروروك العطر .. شفت هذا وهو مديم شلون اذا كان اكس لارج<<الظاهر الصمان كلها؟؟
ترا كنت اعلق على موضوع لأخ في منتدى اخر كاتب هالاشياء بس طبعا الحجم يكتب كبير وصغير .. والسياره جيب
عاد أنا فيضتي غير ....
تسلم اخي ابو سديم

أبو شعلان

مشكوووور اخي عالرد .. والأروع مرورك اخي الكريم
ايه هذي مؤونة الرحلة متعة البر .. هذا اذا بغينا نقنق بين الوجبات ..
الرحلة الله يسلمك .. كانت بمعدل 8 قبل العيد و 5 أيام بعد العيد


الليل

يسلمووو اخي المحترم

أبو صقر

طبعا بنفصفص موضوعك حبة حبه

الله يعطيك المزولا يابو صقر

مشكوووور اخوي على اطرائك الرائع .. لقد اخجلتم التواضع الذي يكمن بداخلنا
مدري حسيت اني سويت شي خارج عن العادة .. اذكر الله طيب .. اشوا بس مانزلت باقي الصور اخاف تبصم بالعشرة اني من كوكب ثاني ..

أتوقع وبمشيئة الله تعالى اني تلفزيون ..

طبعا هنا خربتها الله يصلحك .. معليش انواااع الاحراج بغنننه .. حسيت انه ضفي عفشتس الا شوي .. تراي بنت واحب البر فقد أبعد في هذا المجال ..
لكن للمعلومية لاتستهويني مواقع الازياء والطبخ كثر مايستهويني موقعكم العظيم ..
لا اخفيك انه لابد من زيارة مواقع الطبخ لابتكار حركات جديده في الطبخ .. لكن الازياء اكتفي بزيارة السوق لان النت يجيب الصالح والطالح ومو موجود هنا بالعربي مانستفاد حيل من دخولها ..
ولابد من المشاركة في المواقع النسائية لحاجتنا لها في المعلومات المتخصصة بنا ..
لكن لايخفى عليك ان مافي أمل تلقى قسم حق البر والمكشات الا في بعض المنتديات المتفتحة جدا .. ومنتداكم محافظ ولله الحمد .. وهذا اكثر ماشدني اليه ..

الله يجزاك ألف خير ويعطيك ألف عااافية .. والصور هذي بالذات الله يسلمك صارت بالصدفة.. كان القمر بدرا في الاجازة اللي بعد العيد .. نويت اسويها نفس اللي قبلها وشغلت كاميرة الجوال واكتشفت ان القمر صغير مرة قلت لاختي سوي هذي الحركه وطلع هذا الابداع .......
الله يجزاك خير ويسعدك ويسلموا على هالرد ..


أهمــد << متعيجزة تحوله انجليزي

الله مير يسلمك .. تشكرات خيووووووو .. واذا عالمكان كنا في فيضة تدعى (العميـــا) والصور في أم المصران ..
والاحداثيات لاتدقق حيل .. ان شالله بطلعتنا الجاية اعطيك اياها نورث وساوث ومدري ايش .. بس اللي متأكده منه ان وصفي في موضوعي دقيييق لوتمشي عليه بتلقاها .أما احداثيات طليحه .. فتوي ماحطيت لها تحديد في الجارمن .. ان شالله بنزلها بالجارمنات الجديده (ترا في ميموري توه نازل فيه خرايط فيضة طليحه وتوابعها)

خشم الحصان

العفو اختــي خشم العان اقصد خشم الحصان ..
يسلمووو خيتي عالشرطه اقصد المرور .. وربي يرفع من مقدارك
وتراي بنت لاهنت .. .. ..

تحياتي

طليحه