|
أول الخيرات ... رطب الربيعه
السلام عليكم ورحمة الله وبركاته على الوعد ،،،، واللي ماشاف لازم يمر بالأول ... طبعاً الموضوع مايبيله تعليق ... بس تعرفون من قل الروحات بهالصيف ماعندنا غير هالكيبورد (( الله يعينكم )) النخيلات بالبيت ( ماشاء الله ) ... ترى اللي باليمين سدره :smailes79: :smailes79: قايل لكم الله يعينكم طول النخله يمكن 3 متر وشوي ... ياكرهي للسلم الحمد لله على نعمه الكثيره لايجي أحد يسألني عن السطل اللي ناشب بالنخله نقرب أكثر وأكثر بعد خلاص إنتهى وقت اللعب .... جاء وقت الجد واضح لكم إني محترف بهالشغله ...صح ... تكفون قولوا صح :thumbup: فهد الله يحفظة ( يقول طالع فيني علشان أصورك ) وأخوكم يالله يمسك نفسه على هالسلم الخشبي ( قايل لكم محترف ) ترى الشغله بسيييييييييييييييطه مره ومافيها تعب ... أبد الحين صور يافهد ... بس بسرعه ... و أخذت الكاميرا بعد .. وصورت أول الخير ... ترى الكاميرا تهتز لحالها ( مو من يدي ) الحين نروح لـ (نخلة السُلّجْ ) كما يسمى عندنا ( بضم السين وتشديد اللام مع فتحها وسكون الجيم ) معلم بالعربي الفصيح ،،، بس مالقينا فرصه .. :smailes26: :smailes26: يازينها .. ماشاء الله واطيه ومايبيلها لاسلم ولايحزنون بس باقي عليها ... الربيعه بدري بدري ... وتريح حالها .............................. ياهي كبيره ،،، الراحه النفسيه .. يوم وطت رجولي على الأرض هذي سلمكم الله من بقايا الحرب البارده لعام 1430 أتمنى أن ينال قبولكم ... والمعذره إن لم يرتق لأذواقكم إلى لقاء قريب يجمعنا أترككم في حفظ الله ورعايته |
السلام عليكم ورحمة الله وبركاته
والله الحطب رايق قصدي الرطب رايق سلج وربيعه وش خليت مع كاس كاء بارد السلج حمله كبير ومتميز مع كاس لبن بارد تحت المكيف . الله يبارك لك فيها. يقولون الاولين : (الزرع فرع والجماله معوشه والمال النخل واردى المعاوش عيشة الحبال) الزرع فرع: يعني زراعة القمح والحبوب ترفع الانسان فوق كلمه فرع يعني فوق بالعالي والجماله معوشه يعني الجمال اللي يحمل البضايع زي السواقين كده على قده عايش والمال النخل يعني صاحب النخل يعتبر ذو مال وتاجر لانه يبيع التمر وعارفين اسعار التمر واردى المعاوش عيشة الحبال يعني القناص او الصياد يعني اذا صاد اليوم عشى عياله واذا افلس ذاك اليوم باتو من غير عشى. طولت عليكم بالمكتب وفاضي لا هنت |
وعليكم السلام ورحمة الله وبركاته
الاخ ابو فهد تقريرك رائع وشهيتنا للتمر المنصف بارك الله فيك وسلمت يا الغالي تحياتي http://www.alrahlat.com/uploads/201...1277076197.jpg تعظيم سلاااااااام |
يعطيك الصحة والعافية يابو فهد الحربي
لاهنت |
اقتباس:
ماشاء الله عليك يا بو عبيد وعلى سواليفك أنشهد إنك موسوعه ( من المعلومات ) نغزه / النت شكله مفتوح ... مسكين اللي على بالي ماعنده غير ساعه :1aa: |
بهذي سبقتونا يابو فهد تتشبعون رطب قبلنا ولكن هين يجي وقت السكري وهمين دور لك على واسطة بالقصيم
|
بارك الله لك فيما أعطاك
بشرى خير ولا تغرك الردود والله العظيم الذي لا إله غيره ولا يحلف بسواه إن أردأ أنواع التمر السلج والسكري ولكنها فتنة الخلاص سيد التمور الصفري سيد الكنيز الدخيني من أطيب الخراف والمداومة على نوع واحد مملة والله يديم علينا نعمته ولا يحدنا على هالنوعين اللي ذكرت لك السلج : ما دري بك يا بعوضة السكري : كالقط يحكي انتفاخا صولة الأسد |
أبوفهد
تقرير ماتع كأني معك فوق النخلة الله يبارك لك دمت سالما |
اقتباس:
|
ايه هين يابو علي لا تخلي الرجال يغتر همين ما يجينا بعنيزة بس ما زلت عند كلمتي يابو فهد دور لك على واسطة او خل ابو علي الماضي يتوسط لك بس لا يهك عليك ويقول رح لحالك خله يجي معك علشان يفكك من القصمان |
مساك الله بالخير
ما لي وللنجم يرعاني وأرعاه ! |
اقتباس:
سلمت يابو عبدالله سررت كثيراً لمرورك الجميل اقتباس:
اقتباس:
هلا وغلا ... شرفت موضوعي بمرورك |
اقتباس:
بس بهذي سبقناكم ؟؟ :smailes12: وش مزعلك يالعمده .. ماني خابر شيء يزعلك مني :eek: :eek: والسكريه ... نبى نلقاها .. إلا جينا عندك.. تجينا إلين حدنا :1aa: اقتباس:
هالحين كأنك متأكد إني أبجي وأشتري سكريه بس والله يالربيعه .... رطب طيب وبالحيل :1aa: :1aa: أبو فراس / اللي أعرفه أن السكريه اللي تستاهل المشوار بسوق التمور بـ ( ـ ـ ـ ـ ـ ) والواسطه موجوده (( الله لايخليني )) ماأتعداك ... أنت اللي تبي توديني :thumbup: :thumbup: تعرف ضيف ،، وما أدل السوق أكيد ماعندك مانع وتبي توديني ... صح ... قول صح هههههه |
اقتباس:
[/QUOTE] الله يسلمك ويبارك فيك يا ابو علي ابو علي .. لاتنسى الروثانه ... أميره الرطب .. حلوه وبارده على المعده اقتباس:
قوييييييييييييييييييييييييييييييه يا ابو علي :eek: :eek: ماأحب الفتنه ،،،،ولا أواطنها :1aa: :1aa: |
اقتباس:
الله يسلمك ويبارك فيك يا ابو علي ابو علي .. لاتنسى الروثانه ... أميره الرطب .. حلوه وبارده على المعده قوييييييييييييييييييييييييييييييه يا ابو علي :eek: :eek: ماأحب الفتنه ،،،،ولا أواطنها :1aa: :1aa: ونِعْم بالروثانة .. الله يجيبها ويحييها |
اقتباس:
السلم يحتريك ،،، الله يحييك ،،،، هههه سلمت يا ابو محمد ،، ويبارك لنا ولك شاكر لك هذا المرور العطر |
| الساعة الآن 01:57 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir