|
آآه يا اخوي الجارمن قطعة قلوبنا الله يجيب السيل العميم والربيع والخيرات يا كريم الله يوفقك
|
صور كلها روعة ... الله يعيدها والوسم قرب
لاتشره يابو نواف انا لاشفت صور ربيع يجيني شي مدري وشو .. ولا عاد اعرف ارد :) جريت خيرا ابا نواف |
ابو نواف خلاص نبي نبدا نحسب لسهيل من هالحين باقي له حوالي عشرين يوم ان شاءالله
ابو نواف بس هالصور اللي عندك ما عندك شيئ عن الافتراس او شيئ عن خلطات اللبناني |
ابو فراس وانت الصادق باق على سهيل 19 يوم ( نحتري البرد والربيع على احر من الجمر)
اما صور الافتراس وخلطات اللبناني تلقاه عند ابو عبدالله - شايب الصمان (الله يستر) |
السلام عليكم ورحمة الله وبركاته
ماذا فعلت بنا أخي الغالي أبو نواف الجارمن أشعلت لوعة الشوق للربيع وأيامه ، وأثرت فينا الرغبة الطلعة ، لكن الجو ما يساعد إلا في البقاء تحت المكيف على العموم مشكور على العرض الممتع http://www.alrahlat.com/vb/uploaded/16_1186682557.jpg صورة جميلة ، ترى بماذا يفكر الحمل الصغير ؟ والله يعود هذه الأيام وللياليها بخير |
ايه هذا الصور الزينه اللي ترد الروح وتجيب البهجه وتبعث الطمأنينه اقول مايسويه الى الغالي أبونواف عوايدك يااللبناني والى الصور :
أبوفراس ويشو هاالاسود اللي على راسك كنه مختلف عن المعتاد ... مايلبسه الا الشباب أووووه صح نسان الجارمن مع عاالصور الزينه أنك من قائمة الشباب http://www.alrahlat.com/vb/uploaded/20_1186739004.jpg ذكرتن باالهنود بهاالصوره من حبهم للخضار http://www.alrahlat.com/vb/uploaded/20_1186739249.jpg معليش ياالجارمن أدنت نفسك بنفسك على هاالصوره أثر النجرن طلع للعمده http://www.alrahlat.com/vb/uploaded/20_1186739401.jpg ولي عوده أبشوف الصور القديمه ;) |
أخي الغالي أبو نواف كل الشكر لك على هذا الابداع نقلتنا للجمال وعساك على القوة اخوك |
بسم الله الرحمن الرحيم الغالي الجارمن ... الله يمتعك بالصحه والعافيه ... مثل مامتعتنا بالصور الخيالية ... الصراحه قمّه بالروعة الله لايهينك ... أما أبوفراس بهالصورة ... أحس إنه يقول ترى هالنجر لي ... لايغرّكم توقيع الجارمن ... http://www.alrahlat.com/vb/uploaded/27_1186811987.jpg إلا على فكره يابونواف ... النجر هو اللي بالتوقيع وإلا لا ... وبعدين شايب الصمان ... ماله صور لاهو ولا موترة ... وش السالفة ... ولكن له عوده بالموضوع ... ننتظر ونشوف :o ... على العموم مشكور وماقصرت ... وبيض الله وجهك ... ,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,, |
أبو نواف: رشت العافيه عليكم جميع انعشتنا بهالصور الربيعيه في هذا القيظ عساك تسلم، بس سلم لي على الخروف رقم 229، وقل له ترى مشتاقين ريش عل الفحم مع كباب حلبي.
|
ألف شكر اخوي الجارمن على امتاعنا
بالصور الجميلة ،،، خصوصا صورة زين الشباب العمدة الله يحفظه تحياتي |
مشكور أخي الجارمن على هذه الصور الروعة بصراحة رجعتنا لأيام البرد والربيع والرحلات والوناسة مع النشاما.
لكن اثاري النجر اللي بتوقيعك حق ابو فراس ؟؟ بارك الله فيك. |
اشكر الجميع على المرور والتكرم بالتعليق على الموضوع
اما بالنسبة لموضوع النجر احب اوضح اني ما انكرت ان النجر اللي موجود بتوقيعي هو لابو فراس اما بالنسبة لعدم وجود شايب الصمان بهذه الصور بسبب ان ابو عبدالله كان مشغول ذيك الايام بالدوام الرسمي لكن الجايات اكثر إن شأ الله |
فجأه لقيت صور ...............................................
ابو فراس ابو نواف خلاص نبي نبدا نحسب لسهيل من هالحين باقي له حوالي عشرين يوم ان شاءالله ابو نواف بس هالصور اللي عندك ما عندك شيئ عن الافتراس او شيئ عن خلطات اللبناني ----------------------------------------------------------------------------------------------------------------------------------------------------------------------------------------------------------- الجارمنابو فراس وانت الصادق باق على سهيل 19 يوم ( نحتري البرد والربيع على احر من الجمر) اما صور الافتراس وخلطات اللبناني تلقاه عند ابو عبدالله - شايب الصمان (الله يستر) ---------------------------------------------------------------------------------------------- --------------------------------------------------------------------------------------------------------------------------- أبو شعلان وبعدين شايب الصمان ... ماله صور لاهو ولا موترة ... وش السالفة ... ولكن له عوده بالموضوع ... ننتظر ونشوف :o ... الصوره الاولى : http://www.alrahlat.com/vb/uploaded/20_1186866003.jpg ماشاء الله عليك الحمدلله اني بني آدم والا كان علوم مع الجارمن http://www.alrahlat.com/vb/uploaded/20_1186867944.jpg كان مجموع الحمام 20 حمامه وبقدرت قادر يوم جاء وقت الاكل مالقينا 10بس وين الباقي ؟؟؟؟؟ :eek: http://www.alrahlat.com/vb/uploaded/20_1186868114.jpg وعلشان خاطرك ياأبوشعلان .................. ومثل ماقالك أخوي الجارمن ... لقيت كمن صوره على السريع |
ما قلتلكم الله يستر من ابو عبدالله
|
اخوي الجارمن جزاك الله كل الخير على هالصور بهالحر الشنيع
ويبدو انك حارشت شايب الصمان واعطانا هالصورة وتعليقه عليها تساؤل http://www.alrahlat.com/vb/uploaded/20_1186867944.jpg اخوي شايب الصمان تقول وين الباقي يبدو انهم طول هاك اليوم وهو ياكلون خاصة اللي ماسكن اللحمة بيدين لاني اشوف عفشكم منثور ومتنثر تقل مر عليكم عاصوف |
والله صادوك الربع يابو نواف بهالصورة
http://www.alrahlat.com/vb/uploaded/20_1186867944.jpg اتذكر حيثيات هالصورة كنت انا وشايب الصمان بس بالموقع وباق الشباب ذهبوا مع ابو نواف للتمشي حول بعض الدحول وبدا ابو عبدالله شايب الصمان بالطبخ واراد ان يطبخ لي انا واياه فقط قلت له لا تراهم بساسة هالحين من يوم تحط السفرة ما تدري الا هم واقفين على راسك اعرف اخوي ابو نواف عند اللحم يفترس افتراس وخاصة الحمام |
بسم الله الرحمن الرحيم أبو عبدالله هذي قفشاتٍ قويه شوي هههه هالصورة ... مابقى إلا الشطه وراكم مخلينه :D وبعدين وشوله تناظر الشوربه اللي بيد رفيقك ... :D ورفيقك اللي عليه السهم شف عيونه يديه كنّه في حالة إنقضاض على يد اللي ياكل ...ماشاءالله عليه ...:p أبو نواف .. ورى هاللي عليه السهم حايمتن تسبده مررره :eek: ... وإلا تدري كانه جاك شي عقب هالغداء ... أغديك تاخذ منه هههههه :D وبعدين ليش أخوياك كلهم بقصدير واحد إلا أنت يابونواف بقصدير بلحالك ... وش الحكمة ... ;) يامال العافيه يابو عبدالله على هالقفشات ... ماشاء الله تبارك الله ... كلها أكل في أكل ... لاهنت يالغالي ... وننتظر المزيد ... ,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,, |
الله يبرد عليك اخو الجارمن والله يجيب الخير
|
[quote=ابو فراس;18710]والله صادوك الربع يابو نواف بهالصورة
http://www.alrahlat.com/vb/uploaded/20_1186867944.jpg اما هالصوره بالثمانيات يابو نواف :D والظاهر ان هذي لقطة الافتراس يعني باقي وصفة اللبناني ؟ |
| الساعة الآن 12:51 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir