|
هل هنالك مكان للصغيرين بينكم؟إذاً اقبلوا ب(قرم)
السلام عليكم. يسلم عليكم الوالد, ويقوللكم( ..سجلوا وليدي عندكم ..) واللحم والعظم لكم..بس رجعوا العده:p والله زادني تشريفاً إنضمامي لمنتداكم,, وأرجوا قبولي اخاً لكم ناصحاً, وتلميذاً نجيباً لن يتعبكم كثيراً,تتفضلون عليه بعلمكم ,ويكافئكم بطاعته وحسن ادبه. أخيكم الصغير....قرم |
وعليكم السلام ورحمة الله وبركاته
هلا وغلا ومرحبا مليون يا ابو فيصل ان شاء الله اكون اول من ينال شرف الترحيب بكم حياك الله بين ربعك وإخوانك وعجل عينا بالإختراعات الطيبة ترانا مشتاقين حيل اخوك ابو عبدالله |
قرم
صاحب الإختراعات ... ياهلا والله ومرحبا .... ربي محييك من ممشاك لمين ملفاك وننتظر إبداعاتك |
يقول الشاعر
قرم ولياجت للقصايد مفوة .. ونا بقول قرم ولياجيت لربعك اليتبي سوه .. اكيد بنستفيد مادمك علا لمروه وسلامي للوالد عزالله نعم الاخوه .. خسم الحصان وصقر ونا وهوه مع السلامة وخر عد تبي بطيب ولا بلقوه |
مرحبا مرحبا ملـيون ترحـيـبه @@ عد من حج بيت الله وصلى به جيتك مثل المطر زان تصبيبه @@ منـتدنا بالفــراح هــج لك بابه مرحبا ملايين شرفت يالامير زاد النور نور سعدنا بتواجدك المشرف وانت من اهل الدار بمجرد تسجيلك اخوك |
الله يحيك يالغالي واخووو عزيز
والف مرحبا |
والله مادري وش اقول .. :confused: !!ماتوقعت هالرد السريع الجميل والساحر لا وفيه ابيات شعر..ياويليه,,وشلون ارد عليه؟ والله إحراج..ياحبي للي يرد عليه .. اقول ..يقول الخلاوي والخلاوي راشد.. لا ماتصلح ,,فضيحه هذي فيها إسم الشاعر ...ماشش مفضوحه.:mad: يالله... نرد عليهم الرد التقليدي. النداوي..ابوعبدالله ..حبيبي وجاري جزاك الله خير على تعريفنا بهذا الصرح الطيب مثل راعيه ومرتاديه . أسأل الله ان اكون عند حسن الظن والله يعين على إيصال هالمنتدى الطيب إلى مايرنوإليه اصحابه ومتصفحيه..تحيه طيبه لك ول أخينا ابا احمد .أبوشكاع..يالله حيه..الله يبقيك ويبارك فيك ,,والظاهر إني ابا اغير النشاط إلى مجال التصوير ! اشوف الربع كلهم نازلين بصور!! مابه سيارات !!مابه عده! ابا اركب هالموجه إلين ربي يفرجها ويضبطون صفحه تعنى بالعده والسيارات. كل اشكر لك يابعدي. ابو درع...هلا والله..وش هالزين !!وش ذا الشعر !! مانتب بسيط.. تصدق احسبه من ضمن المعلقات ال!!!!!!!!!!!! على فكره ..هن كم؟؟؟؟؟؟؟ ماعلينا اضنهن15 معلاقه.:o والله بعد يا أنت صافقاً الرومانسيه بكف بالبيت الأخير:D الله يجزاك خير على هالترحيب. راعي الذوق..اشكرك كل الشكر,,وتسلملي الله مير يعافيك ويحفظك يابعدي.:) راعي عنيزة.. الغلى كل الغلى لك ,مشكور هالحفاوه يامكثور الخير :) |
بسم الله الرحمن الرحيم أخوي الغالي قرم هذي والله الساعة المباركه .. وياهلا والله ومرحبا ... نوّرت المنتدى ونحن فخورين بتواجدك بيننا .. فأهلاً وسهلاً بك ... ونحن بشوق إلى إبداعاتك ومشاركاتك ... ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,, |
أخوي قرم الله يحييك ............ شرفت ولاكلفت........... اسعدنا وجودك بيننا ما اعرف شعر والا كان سويت مثلهم:D تحياتي |
حياك الله ياخوي القرم
والكبر والصغر ماهوب في الايام والسنين بل بلافعال اسعدنا تواجدك وبنتظار اختراعاتك ............... تقل سمعت احد جاب طاريها وفالك الاختراع اللي ماسبقك احد عليه يارب |
أبو شعلان..الله يبارك بعمرك وأيامك المقبله..الف شكر:p ثهلان..الله يبقيك, يكفيني هالترحيب,لاتورطني .. يكفي ابو درع وقصيدته العجيبه.:D ابو صقر..هلابك.. إشاعات طال عمرك ;) تحيه طيبه للجميع. |
حيا الله قرم ... وش اخبارك كيف وكيف حال الشايب ... سلملنا عليه كثيرالسلام .
شكراً لتسجيلك معنا بهذا المنتدى ... نتمنى ان تفيد وتستفيد .... وبارك الله فيك. |
صقر.. يبقيك ربي ويعافيك يابعدي. مبروك ياابواحمد..ابشرك الشايب بخير وعافيه ياصل له سلامك بإذن ربي. لكن شفلي حل بهالصور هاللي انقلهن ..كل مابغيت اشارك ب صور يطلعلي إبن هالحلال ويقول ( مشاركاتك اقل من خمس...إمسك الباب) وأخوك يصدق :eek: تكفى يابيي خل مشاركاتي خمسميه, بس ابي اقهره,تكفى.:rolleyes: ابو احمد. المنتدى بكامل صحته ماشاء الله ولا ينقصه من الفيتامينات سوى........ عنصر الحديد;) |
هلا بك ياقرم مرة أخرى
عداد المشاركات تم ايقافه بهذا القسم . ..................... |
السلام عليكم ورحمة الله وبركاته
هلا وغلا بقرم وحياك الله بالرحلات والحمد لله اني حييتك قبل خشم الحصان |
حيا القرم أديسون راعى الاختراعات المنتدى ان شاء الله يزداد قوة وصلابة بوجودكم وشرواكم .. أبشر بالحديد والمطاط والبلاستك والألمنيوم والفيبر وكل العدة اللى تبى |
صقر ابو فراس ريع الدياب ياعل عيني ماتبكيكم وابقاكم الله جميعاً والمنتدى إن شاء الله صلب بلياي, تحيه طيبه لكم جميعاً |
| الساعة الآن 02:37 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir