رحلتنا الخميس والجمعه الى ثول
 

مهراس

طلعه حلوه واللي زاد خلاها صور الطبخ والايستعداد له وهالهرافى اللي ماشاء الله ماودك الا تأكل شوي من الكبده والكلاوي .......................

مشكور والف شكرلك

تسلم يا مهراس بيض الله وجهك على الصور والله يوفقكم

ترانا نحتري الباقي
وخصوصاً كبدة الهرافي ولاتنسانا من النص استوا

ألف شكر لك أخوي مهراس

لاهنت

جازت لي سالفة موترك يابوفهد يوم تقول كأن عليه جنازة :eek:
صور البدايات ...عفش واجد ...وخيام ....ومواطير ...وقدور ...وحطب ...وغاز....وفول صباحي ...وخرفان ... وبدايات الكابلي .... شكل الكابلي محكووور
بس حبيت أسأل عن الدعيجية " ثول "
ليش كان إسمه السابق " الدعيجية "
ومشكور وننتظر البقية

أبو صقر:

لاهنت على أول رد لك على هذا الموضوع الذي اتمنى ان يحوز على رضا الجميع، اشكر لك تواجدك الكريم وسرني اعجابك بالفورد والله يسمع منك، جزاك الله خير. تحياتي لك.

شايب الصمان:

هلا بالغالي أبو عبدالله، والله ودك يكون كل شي معاك بالبر حتى تكون الطلعه 100%، الله يسلمك على الرد الحلو عسى الله يجمعنا وياك على خير وندق من هالكبود والكلاوي، قل آمين.


أبو عبد العزيز:

الله يسمع منك، جزاك الله خير ومرورك اسعدنى كثيرا تقبل أحر التحايا.

راعي الشاص:

يالله ان تحييه، هلا بحبيبنا راعي الشاص، هذي التكمله قدام عسى ما ابطينا عليكم، شكرا على تنويرك الموضوع، تحياتي لك.

ريع الدياب:

طلعات الغربيه تكثر فيها البهارات خاصة اذا فيها طباخين زي أبو رامي الله يعطيه العافيه، وبعدين صار به سليق بالليل وعلوم ومزمار، ووناسه، الله يجيب الأيام الحلوه ويكون لكم زرقه للغربيه وتذوقون معانا الكابلي والسليق، الف شكر على مشاركتك الغاليه، وتقبل خالص الشكر.

هزيم الرعد:

نعم يابو صالح، يوم قمنا الصبح ما كان فيني شده أطبق السرير فقط حطيته على الونيت وصار على شكل جثه،،،، كش برا وبعيد،
الرحله بها عفش واجد لأن الربع كثيرين والرجال أبو رامي صاحب مزاج والله يابو صالح عنده عزبه بس لا يسمعني أبو فراس، مطبخ متحرك، أشكر لك حضورك الغالي يالغالي، والوعد الصفحة التاليه.

اما ما سألت عن الدعيجيه فقد نسخت لك هذا التعريف من موقع شبكة الجحادله(سكان ثول) عسى ان يشبع فضولك.
قال الشيخ عاتق البلادي:

الدعيجية: تصغير المنسوب إلى الدعج، وهو سواد العيون: بلدة ساحلية عامرة ذات أحياء متعددة فيها إمارة وشرطة ومستوصف صحي ومسجد جامع ومدارس عديدة، تقع على الطريق بين جدة ورابغ، سكانها من زبيد من حرب، وحرفتهم الأصلية صيد الأسماك، وغلب عليها اليوم اسم ثول، وثول: الخبت كلّه المحيط بالدعيجية، أما البلدة فهذا اسمها (1).

وقال أيضاً:

ثول: هو الخبت الذي يصب فيه ماء أمَج قبل البحر فيه مزارع عثرية، كان مشهوراً بجودة دخنه يحضره الناس كما يحضرون صيف النخل، وفيه بلدة الدعيجية على الطريق بين جدة ورابغ"(2).

ماشاء اللة تبارك اللة
 

السلام عليكم جميعا اللة عليك يابو فهد عساك على القوة انت وخوياك صالح وعلي ما شاء اللة اذا تصافت القلوب وش يبى الرجال غير مثل هالوناسة اللة يديمها عليكم يابو فهد وتقبل مروري :eek:

كنت أنتظر التكملة يابو فهد
وبصراحة انا شفت هالمنظر وانا جوعان .... لكن الله يجعله هني وعافية عليكم يالغالي.

مشكور على طرحك يابو فهد وامتعتنا بهذه الرحلة.

بارك الله فيك.

صقر:

انا عارف انك حاضر معنا يابو أحمد، حتى لو مارديت، تسلم على المشاركه ان شاء الله القادم فيه تشويق واثاره، تقبل تحياتي.


الجارمن:

مثل ماكنت أقول يابو نواف، صورة الجوال أوضح(sharp) مع انها 2 ميقا بكسل، شكرا على الملاحظه وتشريفك الغالي، اسعدني ردك ولك اجمل تحيه.

تسلم اخوي مهراس على هالصور , واجمل مافي الموضوع انه تغيير عن صور الرحلات البريه اللي دايم نشوف مواضيعها ,
وكله كوم والارز الكابلي كوم ( شكله على مستوى)

راعي ساموده:

اشكرك على اعجابك بنوع الرحله اللي انا أعتقد انك تقصد على البحر وطريقة الأجتماع والطبخ، يعني غير رحلاتكم اللي في البر.
انا أتتمنى ان تكون رحلاتنا في الغربيه فيها تنوع وتجديد حت لا يمل القارىء، فأنا معجب جدا بجميع طلعاتكم للبر وما تعلمت أطلع للبر الا منكم واسأل أبو فراس. تقبل خالص تحياتي.

سعود:

ما شاء الله عليك يا ابوفهد دائما طرح متكامل جعلك على القوة

افاااااااااااا يابو فهد تروووح ماتعلمنا بحق ذي وبعدين العيشه تذبحني وخاصه الكابلي . لكن يكفيني اصوووور عند الحبص طليانكم . وبعدين رحلتكم حقت سيارات قديمه هاوين صح

ذيب العرمه:

هلا بالغالي أبو عبد العزيز، هذي طلعه خفافي أبشر بطلعه ثانيه غالي والطلب رخيص، بس انتم قرروا واحنا مستعدين، شكرا على مرورك الطيب، والحمدلله على السلامه في رحلتكم لورود الصحراء. في رعاية الله.

مهراس مواضيعك دائم لها نكهه خاصه نكهه غربيه مثل ماقال ريع الدياب.
الله يهنيكم ويسعدكم ولاهنت.
ابو عبيد
عليم العطش

الله يعافيك أخوي مهراس
ورحلة موفقة
وجمعة مباركة
مشكور ماقصرت.......

خالد940:

معليش أخوي خالد رديت على ذيب العرمه وغاب عني ردك، جعلك تسلم يالغالي، والكامل وجه الله، والله ان الواحد يصير به بهجه ما مثلها الى شاف رد على موضوعه مهما كان مختصر، يرعاك الله ياخالد940.

عليم العطش:

يسعد مساك يابو عبيد، ها، كيف،،، حطيت رحالك ونوخت النياق بعد الرحله الجنوبيه الطويله، عساك بصحه وعافيه، وعسى ماجاكم تعب في الرحله، سرني تواصلك معنا ومواضيعك المتألقه دائما، دعواتي لك بالتوفيق في الرحله القادمه وشكرا على حضورك الطيب.

ضباب الصبح:

هلا بمحياك وشكرا على ردك وحسن تعبيرك، عساك تسلم يالطيب.


أخي عبدالله:

أجمل تحيه لأجمل رد وبالألوان اللتي تفوح منها رائحة الود المتبادل، الله يخليك لعين ترجيك على هذا الرد الجميل والله اني سعيد بمشاركتك لاهنت،

ماقلت لنا يابو فهد كم القطه

والا الطلعه المرة هذي على حسابك

تحياتي

ماشاء الله عليكم يامهراس ،،، طلعة موفقة وجميلة
والطبخ باين عليه محكور ،،، عسى مداخيله العافيه

تحياتي

MEHRAS:

القطه كانت 250 ريال، الخميس فطور، غدا وعشا، والجمعه فطور،بدون الغدا (سمك). شكرا لك على المرور ولك اجمل تحيه.


أبو أشرف:

الله يجمعنا وياكم في طلعه زيها، ولا يحرمنا شوفتكم الغاليه، شكرا على حضورك ومشاركتك في الموضوع. تقبل احترامي.


أبو شعلان:

هلا ومية مرحبا، عساك على القوه، اسعدني تأثرك بالرحله وتحمسك للرحلات، وانا انتظر منك موضوع رحله مثل اللي صارت بعد العيد يوم انكم تهدون على الطيور، شكرا على تشريفك موضوعي وتقبل مني أجمل تحيه.

راعي الذوق

انت كلك ذوق، تسلملي هالمشاركه العزيزه وأشكرك على اعجابك بالرحله، تحياتي لك.

حياك الله يا أبو فهد رحلة جميلة وقريبة علينا حنا يا أهل جدة...بس المرة الثانية لا تنساني تراني أعجبك خصوصاً عند العيشة.
الحقيقة صحبتك تنشرى و الله يا أبو فهد خصوصاً لا كان مرافقك مثل أبو فتون الله يحفظه.

الحرفي:

هلا بالغالي أبو محمد، عساك على القوه، شرط وواجب المره الجايه أعطيك خبر، ماشاء الله الأخبار جاتك من غير المنتدى، كما شفت أبو فتون ملح الطلعه والتعليق عليه، الله يكرم الجميع، لاهنت على المواصله الطيبه ونتمنى نشوف لك مشاركات في كل المجالات. تقبل خالص شكري.

تسلم أخي أبو فهد وما قصرت الله يبارك فيك ...

ثول جميلة جدًا ولعلها تزداد حسنا في المستقبل عندما يلتفت لها المستثمرون لتحسين الخدمات فيها .

شكرا لك ..

أبو سمر:
يامرحبا فيك، شكرا على حضورك وكلماتك اللي في محلها، تقبل خالص التقدير.