|
فــيــه مــوضــوع جـاهـز مــن مــصــنعــي بس خوفتي تنقدون علي هههههههه راعي الهـــدد
. والله يالربع فيه موضوع جاهز لطرحه بمنتدانا الغالي الرحلات موضوع مصور اشبه ماله رحلة او كشته او عاد شي ماقد شفتوه وجــاهــز مره مره مره مقلقني كل يوم وهو بوجهي ملف الموضوع بسطح المكتب مجلد جديد 5 ومليت وانا اعاين فيه ومليت وانا احرها وابردها ولا ادري وش الدبره ودي انزله بس خوفتي تقولون وش جاه ابو حمد 000 ؟؟؟ عسى ما خلاف وش الطاري 000 ؟؟؟ وش اقلبه 180 درجه شغله ماهيب له ولا هو يمها 000 ؟؟؟ وأخاف البعض يقول ابو حمد مسوي فيها بتاع كلو على قولة المصري هههههههههههههههه الموضوع يحوي 100 صوره من عدسة ابو حمد بمنطقة تبعد عن الرياض مايزيد عن 1100 كيلو تقريباً وبعد التنقيح وخشيت الأكثار على القراء صفيت الي يرفع الظغط والي يخلي البعض يقولون وش علمه ابو حمد وصارت حول 50 صوره او تزود شوي يالربع مراقبين إداريين أعضاء إدارة انتوا بتقولون خلو له فرصة ولكل رجال شطحه فانا بانزله بمنتدى الرحلات بأذن الله ههههههههههههههه أو اذا الدعوى بها مناقيد فصرف النظر مطلوب افتونا مأجورين ههههههههههههههههههه ترى يالربع ورب البيت أني جاد والفتوى أمانه على كل من علم الحكم ههههههههههههههههه ياحبي لكم كلكم وعيد الله عليكم مبارك وعقبال مانفترس صينيت الحلاو وعمدتنا ابو مروان يعرمط فيها ههههههههههههه محبكم ومغليكم ابو حمد 10/12/1428هـ الـــرحــــــلات لـك بــالـــقــلــب مــــكــــان . |
ما على الدنيا الحسوفي
نزله يمال الشحم وما عليك منقوود خله مووضوع عالمي 50 صووره مطنوووخه من رااعي الهدد تهي تهي |
:Taj43: .................................:Taj43: كفووووووووووووووووووووووو الغااااااااااااااااالي أبو حمد الله يستر هههههههههههههههههههههههههههههههه الأشارة قدامك خضراء بس لاتقطعها ههههههههههه ونزل حتى الــــــــ 2000,000 وأكتـــــــــــــــــــــــــــــــــــــــــب حتى ينتهي الحبر .. أكتب حتى ينتهي الورق .. أكتب حتى ينتهي القلم... أكتب أكتب أكتب أكتب ... فنحن نقرا ونصغي و نستمتع بما تكتب .. أبو حمد بنتظاااااااااااااااااااااااار كل جديد ومفيد .... فلاتقف وأكتــــــــــــــــــــــــــــــــــــــــــــــــ ــــــــــــــــــــــــــــــــــب |
السلام عليكم ورحمة الله وبركاته
كتب أخي الغالي راعي الهــدد اقتباس:
|
أبو حمد
أول شي كل عام وأنت بخير ثاني شي يقول الشاعر أنا رفيقك بالليالي المعاسير ...وإلا الرخا كلن يسد بمكاني تبي تقول وش دخل هالبيت بالموضوع أقول لك مدري بس ودي أسوي روحي أعرف أجيب أبيات شواهد :Taj43: نحتري الموضوع ولاعليك منقود يارجال وسع صدرك ...وهات اللي عندك |
بسم الله الرحمن الرحيم كل عام وانت بخير يابو حمد وكل الاعضاء والمشرفين والزوار تراك شوقتنا للصور ياخوي توكل على الله يالغالي وانا عندي اختراع بعد ابنزله بعد كم يوم الله يستر:1aa: بس بعدك |
ابو حمد والجميع كل عام وأنتم بخير وتقبل الله من الجميع
نحن بانتظار موضوعك |
ابو حمد
كل عام وانت بخير واخلص على الرياجيل شوقتنا لابداعك يالحبيب وفالك كل الاشارات واللي حمرا اقطعها متعك الله بالصحة والعافية مغليك سهيل |
أبو حمد
ماهنا مناقيد أصلاً كل اللي يجي منك علوم رجال وما عليك ان شاء الله توكل ... تراك شوقتنا بارك الله فيك. |
السلام عليكم ورحمة الله / حيا الله أبو حمد / راعي الهدد أولاً شكراً على الدعوة لهذا المنتدى الرائع برجاله وانت منهم ولا يهون الربع . ثانياً انت عارف مسبقاً إننا بنطارد مواضيعك الله لا يعوق بشر . ثالثاً والأهم / انت ليه خايف من النقد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ترى ما ينجح شي بدون نقد يعني مستحيل تزين الكبيسة بدون ملح وفليفل من اللي خابر :) أقول توكل على الله واطرح الموضوع والله يعينك على النقد مني أنا اول من ينقدك لكن ما انتقدك :) تحياتي وحبة خشم لخشيمك . |
ياهلا ومسهلا بالغالي
كل عام وانت بخير وجميع اعضاء المنتدى الكرام اداريين ومراقبين واعضاء ابو حمد كالعاده ما يجي منه الا الخير عجل علينا ياخوك شوقتنا وعلقتنا لانتظار القادم وعلى قولتك القااااااد ...... القادم ............ اشد وانكى تقبل تقديري |
كل عام وانت بخير ياراعي الهدد أبو حمد توكل على الله وحط رجلك، انا أحط مواضيعي على طول دقه وحده شختك بختك، وأبو مروان وأبو أحمد وباقي المراقبين انت تمون عليهم ولا عليك منقود يكفي موضوع شوف الصيد وعلومه |
مرحبا ابا حمد
مواضيعك نتشوق لها امحط به ولا عليك منقود يالغالي |
اقتباس:
ابو سعد اي والله ماعلى الدنيا حسوفه 000 عقب ميدان القتال ماعلى الدنيا حسوفه 000 عقب شجعان الرجال وتسلم يالمطنووووووووووخ بس ظنتي اول من يقول لي وش دخلك يابو حمد بهالمواضيع انه انت ههههههههههههههههههه محبك ابو حمد |
اقتباس:
ابو محمد ياغالي مشكلة بعض المواضيع تورط وبعض الكتابات تنكب وأخاف تقولون وش قلب ابو حمد وش غيره شغله ماهي له ولا لأجداده هههههههههههههه بس رايك بنقلبه في الراس يالغلا محبك ابو حمد |
اقتباس:
وعليكم السلام والرحمه والبركه هلا بالغالي ابومروان اييييييييييه تنتظر بس نخاف من قولت وش هالعلوم الجديده عليك يابو حمد هههههههههههههه عموماً إشارة كافية منك وابشر بكل مايسر يالغلا محبك ابو حمد |
اقتباس:
هلا بالغالي هلا وانت بخيرات ومسرات يابعدهم وحلو الأستشهاد بهذا البيت وتسرني خوتك ورفقتك يالغلا وابشر باوسع صدري ولا به مناقيد ترى بس اللهم بتقولون وش العلم 0000 ؟؟؟ هههههههههههه محبك ابو حمد |
السلام عليكم ورحمه الله وبركلته
كل عام وانت بخير يابو حمد ترى ما طمربي من مكشات الى هنا الا مواضيعك الشيقه ماشاء الله عليك تجمع بين الفايده والفكاهه عطنى موضوعك وماعليك ازهل العيارين وانا اولهم اخلص علينا يابو حمد ترى العالم متلهفه على موضوعك |
اقتباس:
أوووووه يكفينا حصلنا موضوع من الغالي ابو صقر انا بنتظار ابتكارك ياغالي وموضوعي اصبر الين نشوف التصويت وش يرسي عليه محبك ابو حمد |
ما يجي منك الا الزين يا ابوحمد حط الي تبي وحنا كلنا شوق لجديدك والله ان الي قدمت انت من قبل يبيض الوجه عشر سنين قدام حط يا الذيب .
|
كل عام وأنت بخير يابو حمد شوقتنا لموضوعك ،،، أكيد جميل ومثير مثل مواضيعك الرائعة هيا خرجه من مصنعك وغلفه بـ بصمتك المثيرة نحن في الأنتظار،،،،،، |
اقتباس:
تقبل الله منا ومنك يالغلا وكل عام وانت بمليوووون خير وابشر بالموضوع مابعد إشارتك إشاره يابعدهم بس لاتتعير علي اذا نزلته ههههههههههه محبك ابو حمد |
هلا بك أبوحمد......
(((حياك ربي))) عجل علينا بالموضوع ولويحصل 100 صورة كان أفضل تراي مشتاق له.... ******الله يحفظك****** |
اقتباس:
هلا بك ياغالي ابشر ابشر ولا يهمك يالغلا وابي اقطع الإشارات واطمر الأرصفه وانت الي موجهني ههههههه هلا بك |
انا افول لاتنزله .. خذ نصيحه اخت ..
كل هالدعايه وهالموضوع ياطوله ولا فيه صور شلون عاد وهو منقح بالصور الخمسين .. وانا اطالب من هالمنبر بانتقاد الموضوع القادم لراعي الهدد احسه يبي احد ينتقده بس موعارف يسدح الفكره<<ياشين الي يسوون فاهمين ايه وشسمه .. نزل صورك احس اني متحمسه ابي اعلق على صورك |
اقتباس:
الاخ ابو حمد توكل على الله ونزل الموضوع الاخت ودي اكشت دايم ما بيننا في هالمنتدى انتقادات ولا شرهات اخوان على الطاعة دايم وانشاء الله انك معنا على الخير ومرحبا فيكي في هالمنتدى وبين اخوانك! |
اقتباس:
ياحبي لابوحمد ومواضيعه وسواليفه...... |
بيني وبينك يابو حمد مصختها شوي لاكن عدلها ملحك
كان الصور ثقيله عاونتك على تحميلها اخلص يارجال واعلمك عن مكان الارانب الثاني اللي في الخرج |
صقر انت تقول كذا بس الله يستر من الماسنجر والصقع فيه على العلبا ههههههه ابشر يالغلا بنزل بكهر بأذن الله شاهين تشرفت بك وبمقدمك ياغالي ومن نحن بدونك يالغلا وابشر ابي اطرح الموضوع لعيونك يالغلا تكفيني الذكرى اي والله القااااادم اشد وأنكى وابشر والله بكل مايسرك يالغلا وبكره تشوفه بين يديك بأذن الله مهراس آآآآآه ياموضوع يالي تحدا شف الصيد واعلومه 000 وقع البواريد وظاحة ظرايبها تأسفت انني طرحته بمنتدى آخر قبل ما اعرف هذا المنتدى الكبير برجاله عموما ياغالي سترى غداً مايسرك واشكر لك التشريف يابو فهد |
ولد نجد ياجعلك تسلم يالغلا شاكر لك هالتشريف وابشر والله من يمحط به هههههه بواردي الدلم هلا بك ياغالي والحمدلله الي جابك يم العز والكيف منتديات الرحلات وابشر من يطرح الموضوع يالغلا غداً بأذن الله خالد 940 ياجعلك تسلم والله يبيض وجهك يوم تبيض وجوه وتسود وجوه وابشر بالموضوع يالغلا بكره أبو اشرف شاكر لك يالغلا التواضه والمرور على موضوعي وابشر والله بكره يكون بين يديك واسعد بردك وتواجدك لاحرمك الله الأجر وثبتني الله واياك على التوحيد |
. غداً باذن الله وعلى صفحات الرحلات فقط متخرمات ابو حمد والله ياخوفتي تقولون وش جاه بس الله يعين رحلة ماقد صارت لي ولا تتوقعونها مني ولاهي شغلتي ولا شغلت أجدادي بس ياحيلة الله البايسون ومايسوي ههههههههههههههههههه اشغلتكم صح عموماً غدا تطلعوا لصفحات الرحلات وعلى الرحلات فقط . |
حياك ربي يا أبو حمد وكل عام وأنت بخير وصحة وعافيه ما شاء الله 100 صوره :smailes26: ماشاء الله ومخبيها عنا لهالحين :mad: عجل علينا لو بالخمسين يا رجل تراك هيضتنا بالحيل :Taj43: ولا تخاف الانتقادات نجهزها من هلحين :1aa: في انتظار الموضوع بأحر من اللهب (الجمر)... :):):):):):) |
ضباب الصبح ودي اشكت دايم ابو زايد بواردي الدلم شاكر لكم الحظور وابشروا بكل مايسركم وهذا الموضوع تم طرحه والله يستر من المناقيد اليكم الرابط أحبتي رحــــلـة غــــريـــبــة 000 جــــديــــدة 0000 لايــفـــووووتـــك 000 راعي الهــــدد . |
| الساعة الآن 01:10 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir