|
تجهيز الباترول سفاري 2008 بالصور
اخواني السلام عليكم ورحمه الله وبركاته مبروك عليكم الخيرات والله يجعلها سنه خير للجميع.... امين أبشركم شريت سفاري 2 موديل 2008 من الجبر (أدعو لي بالبركه الله يجزاكم خير) وحبيت اني اشارككم بعض تجهيزاتي للسياره , وتراي ما استغني عن نصايحكم وارشاداتكم اللي بتفيدنا جميعا ان شاء الله تعالى. للمتابعه شاهد موضوع الجزء الثاني لتجهيز الباترول سفاري ملاحظه : هذه التجهيزات عملتها في احد المحلات المتخصصه في هذا المجال,وهو موجود بالدمام فجزا الله صاحبه خير الجزاء. البطاريه الاضافيه الصور توضح مكان وجود البطاريه الاضافيه وكذلك الفيوزات والكتاوت (وقد تم استخدام اسلاك ذات جوده عاليه وتم عزلها بطريقه ممتازه ان شاء الله تعالى ) مفتاح الاشتراك اللي يستخدم في حاله توقف البطاريه الاساسيه وهو في مكان مخفي عن الاطفال وعن الحركات المفاجئه للرجلين وقد تم شبك ماطور الهواء ومحول الكهرباء (220) وجهاز الايكوم ولمبه الكبوت و لمبه الكبس الخلفي وفيش الولاعه 12 فولت الخلفي الموجود بالشنطه على البطاريه الاضافيه ماطور الهواء وقد تم تركيبه داخل الصدام الامامي وركبت عليه غطاء حمايه (قماش تنزاني) وتثبيته بالصدام وتم وضع غطاء لفتحه الهواء للمحافظه عليه. ولم يتسنى لي تصوير الماطور من داخل الصدام مفتاح تشغيل الماطور من داخل السياره وبعيد جدا عن الاطفال محول الكهرباء 220 وقد تم تثبيته بجانب السائق لسهوله استخدامه من قبل السائق (مع العلم انه لايضايق السائق ابدا) وقد تم توصيل افياش في الصدام الامامي والخلفي وشبكها متى ما اردت وقد تم تركيب نوعيه ذات غطاء للحمايه من الماء والغبار . وهذا الفيش يحتوي ايضا على فتحه 12 فولت مشبوك بالبطاريه الاضافيه مباشره بدون تشغيل المحول والاحتفاظ بتوصيله من فيش الى 12 فولت بالسياره يتبع ولا تقاطع |
تابع لمبه الكبوت مفتاحها بجانب الفيوزات داخل الكبوت لمبه الكبس الخلفي وهي متحركه لانها مثبته بمغناطيس والسلك الخاص بها يمكن فصله وتركيب اي جهاز اخر عليه الكبس بغلافه التنزاني والمفتاح الخاص بها موجود عند السائق تحت مفتاح فتحه البنزين وبجواره مفتاح كشافات الضباب الاماميه ( الكشافات غير اصليه ) بعض الاضافات للسياره تلبيسه للشنطه طبق الاسعار* الاسعار [/CENTER] البطاريه الاضافيه: قيمه البطاريه 72 امبير اي سي ديلكو = 270 ريال تفصيل قاعده البطاريه الاضافيه + قاعده الفيوزات والكتاوت + مفتاح الفاصل بين البطاريتين + تمديد الاسلاك (صناعه اردنيه) بواسطه الجرجور + تمديد سلك الايكوم + لمبه الكبوت + فقط تركيب كشافات الضباب الاماميه (تجاري) = 700 ريال ماطور الهواء: قيمه الماطور ابو رأسين = 260 ريال تركيب الماطور داخل الصدام + تفصيل قاعده مناسبه له + تركيب فتحه خروج الهواء مع غطائها + توصيل الكهرباء + تركيب المفتاح داخل السياره = 300 ريال قيمه الغطاء (تنزاني) = 15ريال محول الكهرباء: قيمه المحول 300 واط , كهرباء 220, صناعه ياباني = 170 ريال تركيب المحول + تمديده = 60 ريال تمديد التوصيلات الاماميه والخلفيه بأستخدام اسلاك متينه تتحمل الى 1000 واط ( لاحتماليه تركيب محول اكبر ) + تركيبها مع الافياش = 150 ريال لمبه الكبس الخلفي : الكبس = 20 ريال القاعده المغناطيس = ( استخدمت قاعده انتل قديمه) توصيل الاسلاك + تركيب المفتاح في الامام + تحويل كهرباء الولاعه اللي بالشنطه الى البطاريه الاضافيه = 80 ريال الغطاء التنزاني = 15 ريال أسال الله تعالى النفع للجميع [CENTER] بسام الرحلات |
عليكم السلام ورحمة الله وبركاته
ما شاء الله تبارك الله ، ما شاء الله عليك اخوي بسام شغل عدل وتجهيز ممتاز والله يوفقك ويعطيك خيره ويكفيك شره ويبارك لك فيه |
ماشاء الله تبارك الرحمن الله يعطيك من خيره ويكفيك شره يابومحمد .
تجهيزات رائعه وشغل مرتب جدا جدا وشغل متقن .... |
مبروك عليك يابسام ... ويازين ما اخترت ... والله يطعمك خيره ويكفيك شره.
رائع يابسام بصراحة اسعدني وأنا اتصفح هذه المشاركة المفيدة والرائعة . ملاحظتي لو تم وضع جميع المفاتيح داخل الغمارة بدلاً من الكبوت لكان أفضل .... لأنه دائماً ما نتعب في الوصول الى المفتاح في الظلماء. بارك الله فيك. |
أخوي بسام الله يطعمك من خيرها ويكفيك شرها شغل مرتب وعدل ونشوفها يوم الخميس باذن الله |
ماشاء الله تبارك الله احسنت اختيار السيارة اولا وابدعت بالتجهيزات اسئل الله انه يحفظ للك هالموتر من عيون الحاسدين تقبل تحياتي ودمت بود |
الغالى BASSAM ألف مبروك الجيب الجديد ... الله يطعمك خيره ويكفيك شره التجهيزات ماشاء الله ما يحتاج 100% وماهى غريبة عليك كل ما يحتاجه الرحال مركب بطريقة احترافية فى محل متخصص ولكن بتخطيطكم واشرافكم ... تعبت اللى بعدك ولازم يعمل مثلك بسام ممكن تقول لنا كم كلف شغل الورشة مع القطع؟ (لا أسأل عن تكلفة التلبيسة أو الصحن) |
السلام عليكم
مبروك مبروك يابو محمد مبروك الله يطعمك من خيرة ويكفيك شرة جعله فاتحت خير عليك ولا ارك الله فية مكروة راعي كيف ابو ناصر |
السلام عليكم ماشاء الله ماشاء الله تبارك الرحمن ألف ألف ألف مبروووك على السياره والله يحفظها ويخليها لك وتجهيزات ماشاء الله مــن إلـــى شغل سنع وفخم ومرتب اهنييييك على هالشغل المرتب ماشاء الله أخوك أبو عبدالله |
اخواني حياكم الله جميعا وشكرا لتنويركم الموضوع :smailes44: ابوعبدالعزيز : جزاك الله خير وعقبال عندك ان شاء الله. شايب الصمان: جزاك الله خير, وانت راعي الاوله. صقر: جزاك الله خير ,(بس ترا السياره بنزين) :1aa: , وكلامك صحيح ولكن كثرت المفاتيح داخل السياره (وش اسوي) :smailes79: ثهلان:جزاك الله خير , وان شاء الله على موعدنا بالرياض. شروكي الجنوب:جزاك الله خير , وعقبال عندك ان شاء الله. ريع الدياب: جزاك الله خير , وشكرا على هذا المديح , وما انا الا تلميذ عندكم. (تفاصيل الاسعار سوف تكون في رد مستقل) راعي كيف:جزاك الله خير , وعقبال عندك ان شاء الله. عمار السفينه:جزاك الله خير , ومنكم نستفيد. جزاكم الله خير جميعا. اخوكم بسام |
مبـروك الله يـطعـمك من خيـرة ويـكفيك شـرة
|
اقتباس:
حياك الله ,,وجزاك الله خير :smailes44: بسام |
الأخ في الله بسام
السلام عليكم ورحمة الله وبركاته الله يبارك لك في السيارة ويعطيك خيرها ويكفيك شرها والله يجعلها لك عونٍ على طاعته . التجهيزات رائعة ومفيدة وإن شاء الله تستعملهم في خير ومتعة . أخوك في الله أبو البراء |
الله يطعمك من خيرها ويكفيك شرها والف مبروك شغال ممتاز
|
الله يعطيك من خيرة ويكفيك شرة:Taj43:
|
على البركه السياره الجديده والله يعطيك من خيرها ويكفك من شرها ان شاء الله اما التجهيزات رائعه جدا ومتعوب عليها :smailes42: ولآكنها تريحك من استهلآك البطاريه الأساسيه بالأمور الأخرى ( الرحلآتيه ) ;) الله لايهينك يالغالي |
اخواني حياكم الله جميعا وشكرا لتنويركم الموضوع :smailes44:وعقبال عندكم ان شاء الله. أبو البراء: جزاك الله خير كاشت:جزاك الله خير ابو زايد:جزاك الله خير الوافي عزام: جزاك الله خير , وكلامك صحيح 100% بسام |
الغالي الله يطعمك من خيره ويكفيك شره والله يسعد قلبك ويرزقنا واياك السيل بارك الله في جهودك اخوك |
ماشاء الله الف الف مبروك اخي والله يعطيك من خيرة و يكفيك شره
شغل ماضبوط ماشاء الله |
مشاء الله تبارك الله
لا اله الا الله الله يطعمك خيره ويكفيك شره وعز الله انه موتر وبس وعز الله ان الي به تكاميل على مستوى شكرا اخوي بسام على الصور والمعلومات |
ماشاء الله تبارك الله لا قوة إلا بالله
الله يعطيك خيرها وخر ماصنعت له ويكفيك شرها وشر ماصنعت له . وتجهيزاتك ابداع .. وشغل مرتب ماشاء الله هذي التجهيزات والا فلا . مشكور على موضوعك المتميز ، وراح أحذوا حذوك ، ولي تساؤل لو تكرمت ، الماطور حق الهوا ايش نوعه أقد شركته أو صنعاته وكيف ضغط الهوا قوي والا هو خاص بتعبئة الكفرات فقط . ومشكور مرة أخرى وجزاك الله كل خير . أخوك أبو اياد |
اخواني حياكم الله جميعا وشكرا لتنويركم الموضوع :smailes44:وعقبال عندكم ان شاء الله. راعي الذوق:جزاك الله خير, الله يغيثنا. كان:جزاك الله خير. أبوأحمد98:جزاك الله خير. Amer-911:جزاك الله خير, الماطور كما ذكرت في بدايه الموضوع (النوع : ابو رأسين) الصناعه : ما ادري ,ولكن اضنه تايوان ( وهو خاص بالكفرات, بس ضغطه قوي ممتاز مثل ابوجمل او احسن والله اعلم ) بسام |
ماشالله تبارك الله
الله يباركلك بالموتر ويعطيك خيره ويكفيك شره عندى استفسار محيرنى صرااحه البطاريه الاضافيه استفسارى هل تسبب مشاكل لكرباء السياره وكيفيه تعبئتها هل عن طريق الدينمو او طريق بطاريه السياره والله يباااركلك دوم الدوم |
لانى سبق وركبت مروحه كهرباء وسببت مشاكل رغم انى مركب كتاوت وجميع الاحتراصات
|
الف الف الف مبروك على السيارة والله يعطيك خيرها ويكفيك شرها
والتجهيزات ممتازة ورائعة. |
اخواني حياكم الله جميعا وشكرا لتنويركم الموضوع :smailes44:وعقبال عندكم ان شاء الله. المساهر:جزاك الله خير , والاضافيه تشحن من الدينمو (هذا اللي اعرفه والشباب يمكن يفيدوننا اكثر والله اعلم ) ولا تسبب اي مشاكل لكهرباء السياره اذا كان الشغل عند كهربائي فاهم , فأحرص عليه. أبوتركي:جزاك الله خير ,والف شكر. بسام |
بسم الله الرحمن الرحيم السلام عليكم ورحمة الله وبركاته أخوي الغالي / بـــسام .. مـــــا شـــاء الله تــــبارك الله أسال الله أن يبارك لك مالك يارب واسال الله أن يطعمك من خيره ويكفيك شره ويجعله دابه معينه على طاعته أما الشغل ... مرتب وشغل شيوخ ما شاء الله عليك يابومحمد .. وهذي عوايدك بالترتيب ... الله يحفظك ويرعاك تقبل مني أجمل الدعوات بالتوفيق يابو محمد أخوك/ أبو عبدالعزيز قــناص الحـــبارى |
السلام عليكم ورحمة الله وبركاته
أخوي الغالي ابو محمد مـــــا شـــاء الله لا قوة الا بالله اسال الله عز وجل ان يعطيك خيره ويكفيه شره ويكفيك شر عيون الناس وبصراحه شغل متعووووووووووووووووووب عليه الاحتياجات ميه ميه الاماكن والوضعيات والترتيب والاستخدام تدل على انك مهندس وفنان كشتات محبكم في الله |
اخواني حياكم الله جميعا وشكرا لتنويركم الموضوع :smailes44:وعقبال عندكم ان شاء الله. قناص الحبارى:جزاك الله خير , ومنكم نستفيد يالغالي (انت صاحب الابداعات ) ,ونشوفك قريب ان شاء الله. عابر سبيل: جزاك الله خير , والصراحه لسنا مهندسين ولاحاجه ( المحل يشتغل وانت ادفععععععع :1aa: ) ها ها ها . بسام |
مشالله تبارك الرحمن والله يعطيك خيره يا بسام ويكفيك شره إنشالله
وشغل مرتب جدأ جدأ ولد الدوادمي |
وعليكم السلام ورحمة الله وبركاته
الله يعطيك خيره وبصرف عنك شره أخي الغالي ابو محمد بسام ، وما شاء الله تبارك الله وبعد المشاهدة العيان ، أقول شغل مرتب ومتعوب عليه ، يطرح الله فيه لك البركة ويصرف عنك عيون الناس والحساد ويحفظك من كل مكروة |
اخواني حياكم الله جميعا وشكرا لتنويركم الموضوع :smailes44:وعقبال عندكم ان شاء الله. ولد الدوادمي: جزاك الله خير,وانت كذلك . أبو مروان:جزاك الله خير , وانت كذلك.((ومنكم نستفيد)) بسام |
الغالى بسام ...
الله يعطيك خيره ويكفيك شره ... شغل عدل .... بس باقي شي ... ب ل ي س ت... وينه .... |
اقتباس:
جزاك الله خير وحياك الله هلا والله بالغالي صديق الغالي اقصد (طموحهم واحد) :1aa: (ب ل ي س ت )... موجود.... بس المشكله الفسحه خلصت ( ياحرام) بعد الاختبارات لازم نشوفك ان شاء الله مع الهوت دوق بالبصل والطماط :smailes46: بسام |
ماشاء الله تبارك الرحمن الله يعطيك من خيره ويكفيك شره تجهيزات رائعه وشغل مرتب جدا جدا وشغل متقن ومبروك ولو انه جت متأخرة يابو محمد |
اقتباس:
حياك الله يالغالي (وش دعوى) :smailes79: جزاك الله خير وعقبال الدوج الجديد اللي بتشريه ان شاء الله. (يقولون) :1aa: ندج بدوجين بالصمان والريضان****** مع ابوفراس وشايب الصمان بسام |
خطير
وتسلم الأيادي الصراحه من أميز المواضيع اللي شفتها عن تجهيز السيارات تجهيز شامل وشغل مضبوووووط ماقصرت يالغالي خيال نجد |
اقتباس:
هلا بالغالي حياك الله جزاك الله خير وانت من الاساتذه الكبار (منكم نستفيد):smailes44: من طول الغيبات جاب الغنايم بسام |
مساكم الله بلخير
يعطيك خيره ويكفيك شره انا عندي سفاري 2003 وتحمست اركب له ماطور الهواء بس وين المحل الي فصل القاعد والتركيب شكرا ولاهنت |
اقتباس:
حياك الله يالغالي وجزاك الله خير شيك البريد الخاص لعنوان الورشه بسام |
ما شاء الله تبارك الله ابداع وفي انتظر باقي التجهيزات
|
اقتباس:
حياك الله يالغالي :smailes44: جزاك الله خير وانتظرنا ان شاء الله بسام |
أولا مبروك الموتر و يعطيك من خيره انشالله. اختيار موفق جدا.
تنفيذ الاضافات ممتاز لكن لدي عدد من الأسئلة أرجو أن يتسع صدرك لها: هل فكرت بتركيب الونش؟؟ وهل هناك مكان لتركيبه بعد أن تثبيت ماطور الهواء؟ الا يؤثر وجود الماطور امام فتحة الهواء على كفاءة الرديتر؟ ما هو نوع الماطور الذي ركبته؟ وفي النهاية هل بالامكان أن تدلني على مكان الورشة و وكم سعر التفيذ؟ أنا يا عزيزي عندي سوبر سفاري 2008 وناوي على الاضافات التالية: 1- ونش سحب (أنوي تركيبه عند السليماني بالرياض) 2- بطارية اضافية 3- تثبيت ماطور الهواء (شريت أبوجمل) 4- تركيب سلة في الأعلى لزيادة مساحة الشحن 5-تركيب طبق وأدراج سحابة خلفية اذا عندك أي اقتراح فيما يخص هذه الاضافات... لا تبخل على. مرة أخرى... أشكر لك سعة صدرك مقدما. |
ما شاء الله تبارك الله ، ما شاء الله عليك اخوي بسام شغل عدل وتجهيز ممتاز والله يوفقك ويعطيك خيره ويكفيك شره ويبارك لك فيه
|
اقتباس:
حياك الله يالغالي وجزاك الله خير وبارك الله لك في موترك الجديد. الونش مافكرت اركبه الحين ,, و مكانه هو مكان الماطور (يعني اذا بغيت اركب الونش لازم اشيل ماطور الهواء) الماطور لا يأثر على الراديتر ابدا ابدا والماطور اللي ركبته هو ابو راسين مكان الورشه ((شيك البريد الخاص)) الاسعار ((شيك الصفحه الاولى من الموضوع)) الاضافات ممتازه بلحيل والله يهنيك ويبارك لك بسام |
اقتباس:
حياك الله يالغالي جزاك الله خير وشكرا للمشاركه :smailes44: بسام |
الله يكفيك شره ويطعمك من خيره
وماشاء الله على هالتجهيزات |
الله يعطيك العافيه ماشاءالله عليك كل التجهيزات هاذي في سيارتي مبعثره وراء ومره القاها شغاله ومرات لا
|
ماشاء الله تبارك الله الله يطعمك من خيره ويكفيك شره
والصراحة شغل مرتب |
| الساعة الآن 06:08 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir