من واقع الخبرة(ليف الدلة)
 

الاخوه الغالين
السلام عليكم

اخوتي واحبتي في الله اليوم بنتكلم عن عملية تنظيف الليف او الثامه اللي نستعملها مع الدله
وكيف نحصل عليها وكذلك عملية تنضيفها لكي تصبح جاهزة للستعمل مع الدلة
لئن الليف الموجود حاليآ ليف (صناعي) او ماخوذ من نبتات لا ندري من اين مصدرها وش
هالنبات او المصدر
والحين الله يغفر لنا ولكم هذا شرح مع الصور للعمليه

اخذ الليف او مصدر اليف

يتم اخذ الليف من وسط النخله (احسن) لان اسفل النخله يكون اليف قد بدا يخشب او يجبر وهذا ليس جيد ولا ينفع لدلة

http://www.alrahlat.com/vb/uploaded/13_11206815382.jpg

ومن اعلي النخله يكون طري و زين شكله ونظيف ولكن يوذيك في التنظيف حيث يكون (اللحا) طري
اما اذا اخذتة من القلب يكون ناعم مره ويدلي يطيح من ثعبة الدله ولا يسمح بمرور القهوه بسهوله بسبب تجمع الهيل
وانتم عاد الله يثيبكم اختاروا اللي يعجبكم وانا افضل قبل القلب يعني لا طري مرة ولا مخشب مرة

غسل اليف

بعد اخذ الليف من النخله قم بغسله جيدآ وذلك للتخلص من الغبرات وقم بتربيص الليف او تنقيعه

http://www.alrahlat.com/vb/uploaded/13_11205102820.jpg

بعد غسل الليف قم بوضعه في (سحله) سبيره او قدر المهم ان يكون الماء مغطي الليف واتركه
الين بكره(24) ساعة ثم غير الماء وتركه مره ثانيه مع التقليب الين تشوف ان الماء صفى

http://www.alrahlat.com/vb/uploaded/13_11205102944.jpg

قص اطراف اليف

اخواني الله يثيبكم بعد ماتم تربيص او تنقيع الليف نقوم الحين بقص اطراف الليف الخشنه
التي مانحتاجها

http://www.alrahlat.com/vb/uploaded/13_11205103385.jpg

هذي هي شريحة الليف بعد القص سنها قرص جمر ولا سبيدة هريفي
فرك اليف

http://www.alrahlat.com/vb/uploaded/13_11205103177.jpg

بعد ذلك اخي الغالي قم بفرك الليف تحت البزبوز وانت تفرك قم ب ابعاد العيدان الخشنه وذبها علي جنب

http://www.alrahlat.com/vb/uploaded/13_11205103439.jpg

وانت تفرك اليف تجد ان اليف بدا يتغير لونه ويطلع لك ليف يميل الي اللون شاهي علي حليب
واصل الفرك تحت البزبوز الين ترا انه معاد فيه شي واصبح زين

الفرق قبل وبعد

شوفو الفرق بين الليفه قبل الفرك والتنظيف وبعد الفرك والتنظيف

http://www.alrahlat.com/vb/uploaded/13_11205103539.jpg

الفرق بين اليف الوطني والمستورد تشفونه في هالصوره

http://www.alrahlat.com/vb/uploaded/13_11205103585.jpg

اما سبب الفرق بين اليف حق النخل و المستورد انة اذا حطيت اليف المستورد وهو رطب في الدلة يبقع بطنها
حيث انة ما يمتص الماء والبخر اما حق النخل ف بالعكس لا يبقع

وفي الختام هذي الليفه الي قدرنا ان حنا نحصل عليها

http://www.alrahlat.com/vb/uploaded/13_11205103649.jpg

عموم اخواني ارجو ان اكون قد وفقت في طرح الموضوع

اخوكم
خشم الحصان
............
((عند النقل ارجو ذكر المصدر منتدبات الرحلات))

أخوي خشم وعليكم السلام ورحمة الله وبركاته
ليفه 2008
مشكور على هالتعليمات

السلام عليكم

موضوع رائع ومعلومات جميلة اخي الكريم

اضيف لك ان الليفة الصناعية هذي اللي نشتري من البقالات له طعم يغير في طعم القهوة ومن يشرب يظن ان القهوة ما حكرها صاحبها

ومن اليوم ورايح ان شاء الله عز الله ما تطيح ليفة النخل هذي من معاميلي

ألف شكر لك اخوي خشم الحصان
لاهنت

الأخ خشم الحصان

الليفه ولله الحمد جاهزه والباقي القهوة عند نفود(طريف الحبل) قبال خشم الحصان

تحياتي

هلا بكم
 

الاخوه الغالين
السلام عليكم

حياكم الله كلن بسمة وياهلا
...........
الاخ الحبيب
قلم رصاص
ارجة ان الموضوع جازلك الله يحفظك امين هلا بك
...........
الاخ الغالي
سريهيد
هلابك كل الهلا و مرحبآ بك اخ نكن له كل محبة واحترام ونرحب بك بين اخوانك في بيتك ومنتدك الرحلات
نعم اليف الصناعي اقشر على قاع الدلة خاصة الرسلان الاصلي حيث انة يبقع بها
اشكرك على المرور والمشاركة
..............
الاخ العزيز
ابو عبد العزيز
لله لله ياكثر النخل بس الكسل دهورنا وقمنا ندور عن الجاهز
.... صدمة......... ياحبك للحربثة .......... وزرة بمغاط ......... الحين اشرح عن اليف وانت
تهايق في الوزرة ...........
...............
الاخ الحبيب
همام
ياخيي ماشفنا حروف ........... اصفر ..........كركم
ولكن اشكرك على مرورك والمشاركة يالغالي
...................
الاخ الحبيب
المغترب
هلابك كل الهلا ولك بالمثل من الدعاء يابعدهم
...............
الغالي
ابو شعلان
نعم غدينا سن حنا محرولين من العجز............. ولا كطل الوقت نصف ساعة وانت قاص اليف
من النخل والبازي سوه في البيت
وياك اللهم امين
.............
الاخ الحبيب
شايب الصمان
اجل في قهوة جدك ب عنيزة........... اجل انتبة لا تعثر في اليفة...........
...............
الاخ الغالي
راعي الشاص
مرورك شرف يابعدهم والله يحفظك امين
..................

لا عدمناك ياخشم الحصـــان ..

هذي المواضيع اللي تشرح الصدر .. يوم شفت ليفتك في الصورة ذكرتني بقهوة جدي الله يرحمـة ..

أبسويها مثل ماقلت وإن شاء الله ماأتقهوى إلا منها.
تسلم يدينك

مانستغني عن خـبــراتــك ..
علومك سـفـــرة ياخوي.....

أخوك مهتوي

ابو جراح سو لك منهن واجد وتصدق على خوياك

دائما مبدع يا ابو جراح

وبارك الله فيك ونبي نسميها

ليفة ابو جراح

نغزة
عساك استأذنت من البلديه

موفق بإذن الله ... لك مني أجمل تحية