بعض الصور من رحلتنا لصيد طيور الكرك
 

عليكم السلام ورحمة الله وبركاته

اخوي عابر للاسف ما طلعت الصور عندي يا ليت تشوف لنا المشكله او حملها من مركز رفع الصور في الرحلات تجده فوق موفق يا الطيب

نتمنى إعادة رفع الصور ..

حيا الله عابر ... وسعدنا بهالمشاركة الدسمة ... ومبروك عليكم الصيد .

عذرا فلي عودة لتحميل الصور مرة أخرى في المنتدى ... وبارك الله فيك.

أخي عابر

تم تعديل الصور .....

وماشاء الله.....

الكرك من أصعب أنواع الطيور صيداً ، والصور مبين انها بعد تعب ومشقة .

الله يهنيكم ويبارك لكم فيه .

وحبيت تعطينا بعض المعلومات عن الكرك وصيده.

مشكور أخوي عابر
لكن ما ذكرت لنا التارخ
على العموم عليكم بالعافية

أخوك أبو عبدالله

توكل الطيور هذي


شكلها للزينه بس



تسلم على الصور

وصيد موفق ما شاء الله

مشكور على الموضوع والصور الي بصراحه اكثر من راعه

عليكم بالعافيه بس مدري صيدها سهل يعني هي طايره والا على الأض وش اللي يجيبها الناريه والا الشوزن وعسى طعمها زيين .

ايه الكرك وما ادراك مالكرك
صيدكم قياسي ، وين هو به الصيد هذا؟

وننتظرك

صيد موفق .



بارك الله فيك وأهلاً وسهلاً بك بيننا .

الحمد لله على السلامه صيد مبروك ومداخيل العافيه مطرح مايسري يمري، انا ما عندي خبره بطيور الكرك، احسبهم صغار مثل الحمام أو السمان، ولكن هل هذه الطيور محليه أم عابره أو مهاجره. تسلم على الموضوع والصور ولو انها من الجوال.

مشاء الله
 

الاخ الكريم
عابر
السلام عليكم
مشا الله تبارك الله صيد طيب ياجعله بالعافيه امين
بدايه شيقه اخوي عابر
اخوك
خشم الحصان

مشكورين احبتي الكرام على الرد والشكر موصول للاخ ابواحمد على تنسيقه للصور لأني عليمي بهالامور واعتذر على التأخر في الرد حيث كنت في رحلة صيد

لاهنت اخوي صقر على جهودك واتعبناك يالغالي

بالنسبة للكرك واكيد فيه من الاخوان من هو ابخص مني واعلم لكن حسب معلوماتي فهو لايعتبر طير ماء والمشهور منه :

ثلاثة انواع أكبرها ويسمى القرع أو الاصلع واوسطها الاكحل او المكحل ويعتبر المكحل اكثرها حذرا وهو الاصعب في صيده اما الثالث وهو الصغير قليل الحذر واسهلها صيداً

علما انني قرأت في كتاب عن الطيور متضمناً صورا لها وقد صنفها خمسة عشر نوعا

وهناك من يسميها (الرهو)

مشكور اخوي ابوشعلان على مرورك العطر وصحيح ماقلت فهو لايعتبر طير ماء

مشكور اخوي النداوي على تشريفك وهذه الصور العام الماضي والاسبوع الماضي صدنا اثنين لكن للاسف اخوكم عليمي بالتصوير وما كان معنا كاميرا وحتى الجوال ماكان جوال كاميرا لكن اوعدكم بالرحلات القادمة اني اخذ كاميرا ديجتال


ابو احمد لاهنت وش الكاميرات الزينه ولا الطش كاميرة ابوسديم؟

الله يهديك اخوي صلوحي كل هالتعب والمطامر ماتشوف الشوشة طايره واخرتها طيور زينه هههههههههه

الله يسلمك ويوفقنا واياك

العفو اخوي عازف والاروع مرورك

الله يعافيك اخوي ابوناصر وبالنسبه لصيدها لا والله الا صعب .... ومن الصعب رميها على الارض لانها حذره وتطير من بعيد .... أما عن طرق صيدها فهناك طرق عديده

منها الدخول عليها ليلاً لانها عكس الطيور المهاجرة الاخرى فهي تهاجر بالنهار وتنزل قبل الغروب ومعروفه بصوتها العالي ففي بعض الاحيان تسمع صوتها قبل ان تراها ويفضل عند الدخول اليها ليلا ان يكون معك دربيل ليلي لتحديد مكانها

الطريقة الثانية وتسمى التتريس وهي اختباء مجموعة من الصيادين خلف الاشجار او الحجاره الكبيره او اي شي لايلفت انتباهها لانتظارها واطلاق النار عليها بعدما يذهب البعض الاخر لتطييرها باتجاههم والاحسن ان يقوموا بعملية التطيير على ثلاث سيارات تكون واحدة على اليمين وثانية على اليسار والاخرى في خلف الطيور لمحاولة تطييرها باتجاه المجموعة المتترسة

هناك الطرقة التقليدية وهي الطردي وراهن بالسيارة ورميهن طيار ولكن هذه الطريقة خطره لانك في الغالب تسير بسرعة عاليه خلفها

وهناك طرق اخرى

مشكور اخوي راعي الشاص (على فكره الشاص للبيع)

هذا صدناه العام الماضي بين القصيم وحايل وبعضها على الساحل الغربي

مشكور اخوي والله يبارك فيك ويسعدني انضمامي لكم

الله يسلمك اخوي مهراس وهي كما ذكرت سابقا تعتبر من الطيور المهاجرة

عليكم السلام اخوي خشم الحصان والله يعافيك وان شاء الله اكون عند حسن الظن