|
ماهو أفضل شيء أعجبك في سيارتك؟.
الأخوة الزملاء، السلام عليكم سؤال ليس صعبا الأجابة عليه ماهو أفضل شيء أعجبك في سيارتك؟ في الأجابه على هذا السؤال الكثير من الفوائد للجميع وأهمها المساعدة في تحديد السياره المناسبه لمن أراد شراء سياره دفع رباعي، أتمنى لكم التوفيق. |
ولو ان السؤال يصعب تحديد إجابته إلا أن الفكرة بقى رائعة
عموما سيارتي لآندكروزر واللي معجبني فيه صموده امام الصحراء بشكل عام ومعرفتي مسمار مسمار فيه لذا اعيش معه وانا مرتاح البال عسى الله يطعمني من خيره ويكفيني شره العيب فيه ثقيل كلتشه ولكن حسناته تغطي سيئاته لاهنت يالغالي ابوخالد |
سيارتي باترول فتك 2004 أوتوماتيك وأعجبني به 1 ــــ أضطر للسفرة لحالي ولا أخاف بأساً ولا رهقاً ولا يهون (( الأمريكي )) 2 ــــ إذا نخيته قال أبشر ولبّى طلبي يالبّى قيره و مكينته 3 ــــ كل ما اعطيه النار وازيده يجيه جنان أبيات للوالد إلى منّه عطاه النار وحدّه يشبه المعصار == سحاب حدّه المعصار وحس الرعد بأمزونه ============= إلى منّه عطاه النار وغيّر له يجبيه جفال == مثل فرق القطا لا فر وذار وشاف حبّالي ================== لا حدّه المطنوخ واحمر قزّه == خطر من السرعة يطير القزازي . |
الباجيرو اقتصادى فى الوقود وقوى ومريح ووسيع يقطع الطعوس مثل ما يقطع الكامرى الطريق الأسفلت |
انا مثل نوماس سدير والاهم انه جيب تايوتا |
انا مثل نوماس سدير وابو فراس لاند كروزر هي السيارة فقط |
موضوع جميل وبكل صدق اللي معجبني بسيارتي هو توفر متطلباتها سواء من قطع جزئيه او قطع تكميلية
|
وعليكم السلام ورحمة الله وبركاته هلا وغلا بالغالي أبوفهد موضوع جميل وإن شاء الله يكون له فائدة للجميع الكل له وجهة نظر وتجربه خاصة مع سيارته والكل بنظره سيارته أفضل من الأخرى " لتجربته ومواقفه مع سيارته " فالدوج أفضل من الاند :1aa: والتيوتا افضل من .... كذا ... وألخ .. :1aa: اما انا فلم أجد مثل الجمس بديل ... من غير قصور بباقي السيارات والجمس مع ان 60 % من الشعب ضده .. !! :rolleyes: و لكن يبقى أحد أفضل السيارات البرية ذات القوة والتحمل وبخصوص الجير و الدبل والتحمل والصبر .. وغيره من الامور فالجمس من السيارات المعروفة ولها الكثير من القصص والأبيات الشعرية والمديح ... ولابد من بعض السلبيات والتي لاتخلوا من أي سيارة والسيارات توفيق من الله سبحانه وإن كانت سيارتين من نوع وإنتاج واحد ... تجد واحدة منها تعمر والأخرى لاتكمل حتى شهر !! وحتى لانخرج عن صلب الموضوع فأضل شيء عاجبني بالسيارة التحمل والصبر والسعة والقوة و ممشاه فالبر والطرق السريعه و "الراحة " والأكثر من ذلك انه حقق لي كل ماأريد ولله الحمد وزيادة وماعندي غير هالصورتين الي تعبر عنه ماشاء الله تبارك الله http://www.alrahlat.com/vb/uploaded...1236302815.jpg ،، http://www.alrahlat.com/vb/uploaded...1246840058.jpg ولا أنسى الاند كروزر مع اني شايل عليه شوي :smailes26: مفخرة الارض :smailes81: وهذي أهداء ماشاء الله تبارك الله http://www.alrahlat.com/vb/uploaded...1228408068.jpg خالص الود والتقدير والمحبة أخوكمــــ عبدالله |
الغالي ابوفهد سيارتي الباترول اعجبني بها القوه والعزم الجبار خفيفه في الرمال مريحه اللي ما اعجبني فيها الباب الخلفي عباره عن صفقتين واتعبني ومللني (كنت اريده باب شنطه مثل الباث او اليوكون الجديد) موفق بإذن الله ... لك مني أجمل تحية . |
سيارتي باترول يعجبني فيها السعة الداخلية والحجم لبق بالديرة يعني مايغثك بالتصفيط والمواقف + في البر ماشاء الله حصني للوعر وللرمل + للطريق وسيع صدر ومريح + للنوم ههههههه اصفط الاسيات اللي ورى وخذلك سرير نفرين .
|
نوماس سدير:
مساك الله بالخير، شكرا على حضورك المتميز، وكأننا حركنا فيك بعض الشجون، اللاند سياره شعبيه ما يعيبها شي، لكن هل تقصد الدعسه ثقيله، يمكن لها حل، تقبل إحترامي. الشيخ قوقل: خايفين عليك من جنان الباترول، بالهون عليه، شكرا على التواصل، رعاك الله. الدكتور عبد الؤوف جادو: لنا معاك ذكريات ويا الباجيرو، نعم سياره هادئه ولها إنطلاقه وبصمه على الرمال، من أفضل ما أنتجت اليابان. تقبل شكري لمشاركتك. |
السلام عليكم ورحمة الله وبركاته
طبعا سيارتي باترول ربع أعجبني فيها القوه والصبر والتحمل والراحه والذي لم يعجبني فيها عدم توفر قطع الغيار بديرتنا ولكم من جزيل الشكر |
موضوع ايقاعي جميل بالنسبة لي موتري ماونتنير وهو الحقيقه معجبني بس الأهم انه مفاجئني:eek: :eek::eek: لأني كنت متوقع انه مامن قوه لكن على العكس تماما وخير دليل وصوله الى فياض الصمان وقاطع كثير من الشعبان ولله الحمد - المهم انه قوي الحبيب الله لا يخليني ياحبيييله:thumbup::thumbup::thumbup: |
تسلم ياابوفهد على هالموضوع بالنسبه لي يمكن يكون قلة إستهلاك الوقود |
تسلم اخوي حامد على الموضوع
عموما انا سيارتي السابقة والقادمة شاص 2006 وصراحة ما اشوف فيه زود عن باقي الجيوب لكن احبه مررره والشي ذا يحببني بالشاصي وعيوبه بعد. واحب أأيد الشيخ قوقل لحبي للسيارة نفسها وسلامتك |
| الساعة الآن 01:54 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir