|
ابي موقع ورشة المواهب من اجل تركيب سله علوية
السلام عليكم
كما في العنوان أعلاه حيث ارغب في عمل سله علويه للتاهو وارغب في ورشة جيده في الرياض تحياتي |
وينك يابو شعلان والمغترب
الرجال يحتريكم |
ورشة المواهب على شارع زيد بن الحارث المتفرع من شارع علي بن أبي طالب إضغط هنا بتحصل خريطة الرياض والورشة أمامك مباشرة بالتوفيق ---- |
هلابك اخوي الليث
مثل ماقال هاوي نفود وفيه ورشة ارخص ونفس الجودة إن لم يكن افضل واللي هي المميز واسهل وصف إذا دخلت من الدايري الشرقي على الدايري الغربي من مخرج 18 ( وانت بالخدمة ) بيكون صناعية الدايري ع اليمين ... استمر شوي لين تجيك اول لفة (شارع سيدين ) بالمارية فيها غرفة ع الرصيف ... الشاهد لف معها يمين ويصير وجهك شمال استمر معها اقل من كيلو بتشوف ورشة المميز ع اليسار لكنها تفتح غرب يعني حيوط لها واسم صاحبها محمد المصري وهو سوري بالتوفيق عزيزي ابوخالد |
يعطيكم العافية وما قصرتوا
ولكن احترنا بين المواهب والمميز أحد يمدح واحد يذم الظاهر بنسوي تصويت تحياتي |
اقتباس:
ما شاء الله عليك يابو خالد وصف قارمن أشكرك على هذا الكرم بالخدم ؟ |
الشيخ قوقل
الله يجزاك خير ولا سوينا شي لا هنت الليث بختصار المواهب بدايته كان محمد المصري معهم وهو اللي عليه الكلام بالورشة صار بينهم شي مدري وش اللي صار وفتح له وريشه قريب منه وشوي شوي طلع وصار منافس للمواهب لن اقلل من شأن المواهب ... لكن إذا كان محمد المصري من ضمن اسباب وبداية شهرة المواهب وخرج ليكون منافس في الجودة وبالسعر ايضاً ... فأيهم تختار .؟ مع ان التسعيرة بينهم فرق وااضح ... اختر ما شئت ولكن هي نصيحة .! انظر إلى عمل كل منهم ... وانظر إلى فارق السعر وبعدها صوت :) ابوخالد |
بارك الله فيك اخوي نوماس سدير
وجهة نظر جيدة وكلام جميل وياليت تعطيني فكرة عن سعرهم واكون شاكر لك تحياتي |
وفيك عزيزي
والله مالي خبرة بالأسعار لكن اذكر العام سأل واحد من الشباب المواهب كم يفصلون الدعامية واخذ القياس كامل من سماكة وارتفاع وقالوا له 550 ريال وعند المميز 400 ريال وانا خبرتي قديمة بس اشوف الشباب يذمون اسعارهم وانا ما اعامل إلا المميز ابوخالد |
بيض الله وجهك ماقصرت وفيت وكفيت يابوخالد
ولعل أحد المجربين يمر على الموضوع ويفيدنا والقراء بما لديه تحياتي للجميع وتقبل الله منا ومنكم الصيام والقيام |
| الساعة الآن 11:04 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir