|
قصيده في المعيش القديم
يازين وقت فات ماهوب هالحين
يوم النوايا كلهن صافياتي والحقد مايوجد ودايم سعيديــن ونفوسنا سمحة وسكر نباتي بيوتنا ونسه ولابه شياطـــــين مايدخله صوره ولا منكراتي طرد ظلام الليل عنا سراجيـن واحيان يقظي قازهن طافياتي مروبنا صافي من الزير ولبين ماهوب مستورد سريع الفواتي ماصنعوه الغرب يافالهم شيـن مابه مواد الحفظ ومسرطناتي واعيشنا مرقوق بين العشاوين تحطه أمي قبل وقت الصلاتي لقمة هنية طيبة طعمها زيــن تحوفها بيدينها الطاهـرتي ثمن ننام الى قضينا مصليــن بعد العشاء كلن يريد المباتي وأمي تنومنا بزين البساتين سوالف من عندها طيباتي ننام من بدري ونصحى نشيطين بعدالشروق اشغالنا جاهزاتي مابه كسل لشغالنا مستعديــــــن ماعندنا سايق ولا خادمــــاتي مقيالنا بمجبب بين بابـــــــــــين فيه الهواء يطرق جميع الجهاتي ونشب نار بالشتاء ومتدفـــــــين مافيه دفــــايات ومكيافـاتي ويجي المطر وثيابنا تمتلي طين ونلعب جميع عيالنا والبناتي يصب مثعبنا ونملى المواعــــين ياحلو ذاك الماء وذيك الحياتي ماهي حياة الحين ياشين هالحين كله غثا وهمومنا كـــــثراتي كلش يجيلك لو كلمة تناديــــــــن كلش توفر بـــــس مابه حلاتي وصلاة ربي عد ماترفع أيديــــن على محمد صاحب المعجزاتــــي :smailes44:(( ذكريات أيام زمان )):smailes44: |
السلام عليكم ورحمة الله وبركاته
تسلم اخوي ابراهيم على نقل القصيدة الجميلة حقيقة وهي للشاعرة العامرية من منطقة القصيم محافظة الرس ولها شيله جميلة جداً بصوت المتجول ابو ناصر شـكــ وبارك الله فيك ـــرا لك ... لك مني أجمل تحية . ولد ناصر |
جميلة القصيدة وتحكي صورة من حياة الماضي وتخيّلت المواقف وعايشت الحدث أشكرك على طرحها وصح لسان القائل . |
يازين وقت فات ماهوب هالحين
يوم النوايا كلهن صافياتي والحقد مايوجد ودايم سعيديــن ونفوسنا سمحة وسكر نباتي وصف ولا اروع يابو علي سلمت على اتحافنا بهذه القصيدة |
الله عليك يالغالي يازين هذيك الأيام ... لكن ترآنا بنعمة كبيره يبيلها شكر واجد لأجل تدوم |
| الساعة الآن 02:44 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir