|
للبيع تانكي ماء ألومينيوم واقف للباترول و الاندكروزر
للبيع تانكي ماء واقف ألومينيوم. يركب على الاندكروزر والباترول. حجم التانكي ماني متأكد بس أكثر من 100 لتر. أكشت به أربعاء وخميس وجمعة ويكفي ويوفي ماشاء الله (كشته من 4 إلي 5 أشخاص). ومفصل له جراب تنزاني ملبس بأسفنج و شراع لخفظ صوت الماء وفي الجراب خرج لحفظ بعض الأدوات بسحاب. التانكي عندي من سنتين تقريباً ولله الحمد الماء به لايتغير أو يطعم أو يتغير لونه صورة التانكي وهو راكب بالباترول ويتبين أرتفاعة وعرضه و الخرج الي في الجراب صورة تبين نوع المعدن (ألومنيوم) وتلبيسه التانكي ويبين الشراع العرض الطول من فوق ملاحظة الأطوال غير دقيقة 100% تفرق كم سنتي لأني أصور وانا ماسك المتر وانواع الحوسه، وموقعي في الرياض والله يرزقنا ويرزقكم إنشاء الله |
السلام عليكم ورحمة الله وبركاته
كم حدك فيه وبكم جديد |
أخوي سحابه صيف
ماخذة جديد تقريبا بـ 800 أو 850 والله ناسي بالضبط والتلبيسة مكلفتني حوالي 150 وحدي فية 650 والله يكتب الي فيه خير |
تبيع ب 500
|
أخوي ثامر السلام عليكم
أنا حديت التانكي بـ 650 إذا لك نظر راسلني على الخاص |
المعذره توني أشوف ردك
لكن يا اخوي ليتك ترسل لي رقم جوالك لأن اخوك عليمي في الانترنت ما أقدر أراسلك على الخاص وش الخاص هل هو الايميل |
حياك الله الشراع التنزاني كم سيم وياليت تعطينا حدك من الاخير وشكرا
|
تم بيع التانكي ولله الحمد بسعر ٦٥٠ والله يبارك للمشتري إنشاء الله
|
| الساعة الآن 12:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir