|
يالربع الفزعه جلده العكس طلع شحمها ( لاندكروزر)
السلام عليكم ورحمه الله وبركاته صبحكم الله بالخير أو مساكم الله بالخير أمس وأنا أغير زيت الموتر أنتبهت للعكس أنه فيه شحم وأتأكد منه زين وبالفعل وجت أن العكس مهرب شحم وضاق صدري الله يستر لا يخرب الرمان للي داخله قلت مالي إلا أخواني برحلات هم هل الفزعات والخبره ودي أعرف وش الحل ؟ ؟ ؟ ؟ لازم أغير العكس كامل بالجلد ولا فيه شي يتغير بسيط يوقف تهرب الشحم مع العلم أن التهريب من عند القفيز وهل تنصحون بورشه زينه يبخص العكوس ومشاكلها ( يازين الدفرنس ) وأستفسار وفائده للمستقبل لو ركبت فرارات هل تريح العكس من التهريب بالمستقبل |
حياك الله اخي وننتظر الأخوه الخبراء في هذا المجال للإفاده وان شاء الله ان المشكلة بسيطة
|
وعليكم السلام ورحمة الله وبركاته
خذ الموتر لأي ورشه متخصصة بالعكوس ولاتخاف الموضوع بسيط يمكن تحتاج تشد على القفيز بس إن كان الجلد سليمه والرمان مايخرب حتى يروح الشحم ويدخل الرمل عليه وبالنسبه للفرار ماله علاقة بالعكس من ناحية التهريب ونصيحة لكل من يملكون سيارات دفع رباعي بنظام عكوس أمامية فحص جلود العكس عند كل غيار زيت وعند إكتشاف تهريب أو تشقق بالجلود تغييرها مباشرة لحماية العكوس من التلف |
انا عندي الرمان بموتري خربان وزارقه
والله يستر من تاليه |
المشكلة بسيطة باذن الله
- اذا كانت الجلدة مقطوعة تحتاج تشتري الجلدة لوحدها من الوكالة سعرها تقريبا 200-250 للحبتين اليمين او اليسار وتركبها عند ورش العكوس في الصناعية القديمة التركيب في حدود 100-150 ريال ( اقترح متابعة التركيب و عدم ترك السيارة لكي لا تستبدل بالتجاري الموجود عندهم ) - يوجد ربلات يابانية او تجارية عند محلات العكوس يركبونها وسعرها رخيص -- لكن رايي انك تركب الاصلي لطول عمره الافتراضي و تحمله العالي و ثانيا عند تلف التجاري سترجع وتدفع قيمة الاصلاح مره اخرى و تكون دفعت قيمة الاصلي + ضياع وقت |
السلام عليكم ورحمة الله وبركاته ....
الموضوع بسيط جدا تغير الجلده الاكن قبل التغير يقوم الفني من تنضيف العكس وتشحيه مره ثانيه .. وانا مغيرها اكثر من مره موتري كان فكسار 98 ... ولا فيها مشكله ياخي الكريم ... |
| الساعة الآن 06:26 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir