|
بوك (محفظة) مفقودة في شعيب
بوك (محفظة) مفقودة في شعيب السلام عليكم ورحمة الله ... من يجد بوك طايح في شعيب محرقة اللي يصب على الخفش الشمالية يوم الثلاثاء بتاريخ 20 /5 / 1431هـ البوك فيه بطاقة احوال بأسم عمر بن عثمان وايضا رخصة وبطاقة عمل وبطاقات صراف كلها بنفس الاسم .... اللي يلقاه هناك ولا اللي عنده حلال ولقاه الله لايهينه يدق علي وله مكافآه .... 0503499690 عـمـر وجزاك الله خير |
اللهم رب الضالة رد الظالة
الله يعوضك بأحسن منها |
آآمين يابو فراس ...
المشكله في البطاقات بطاقة الاحوال ماتطلع إلا بعد 20 يوم والبنك مايطلع لك بطاقه صراف إلا ببطاقة الأحوال .... وجزاك الله خير .. |
ياليت تحدد وين مكانك بالضبط أو حتى حول الموقع
تخبر هذي مداهيلنا زمان ولا ننبسط إلا فيها لو نفر الكرة الأرضية كلها :1aa: بعدين طال عمرك على الطاعة ولد خالي ضاع بوكه في كشته وطرد جرابيع جمع الشباب وكشتنا حوالي خمس طعش هههههههه ودورناه لين لقيناه طايح على حاله وقد تلبد عليه الطين من المطر وترا أنا اللي لقاه :) والروضة أنا كد لقيت فيها جوال :smailes81: ورديته لصاحبه وبصراحة فرح فيه فرحة :) أجمع الشباب ورح معهم ودوره حول مكانك ولا تنسى الدعاء عسى الله ييسر لك أمرك ويرد عليك بوكك |
الله يجزاك خير يا ريف النشاما ...
بالنسبه للموقع اذا تعديت البقالة اللي على اليمين وجاك الكوبري ادخل يمين قبل الشعيب وخل الشعيب يسارك وابتل تقريبا 3كيلو يجي يسار الشعيب شبوك محلنا بعد الشبوك بس في الجهه المقابلة ... ماقدرنا نشوف شي لاننا في ليل والشعيب يمشي حاولناا ندور بس ما الله كتب نلقا شي عاد برجع وادور مره ثانيه اذا وقف الشعيب ... وشكرا لكم على التفاعل ... |
بشر عساك لقيته ..
؟ واذا مالقيته يعوضك الله حاول توقف بطاقة البنك والله يرد لك ضالتك اكثر استغفار ياخوك ويردها الله عليك ان شاء الله |
الله يرد لك ما ضاع لك
وحسبك الله ونعم الوكيل |
جزاكم الله خير ...
لازال البحث جاري .... |
أخي الحبيب
انكسر بين يدي الله... وتذلل له واجمع أمور ثلاثة: 1- طاعة 2- دعاء 3- صدقة او عمل صالح تتقرب فيه قبل بحثك وأبشر بما يقدره الله لك والخيرة فيما يختاره الله لك أخوك |
الله هم ياجمع الناس ليوم لاريب فيه أجمعني في ظالتي
قل الدعاء وبشر بضالك |
| الساعة الآن 12:27 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir