|
طريقة تحويل الاحداثية من الجوال الى الجارمن والعكس دون برامج
السلام عليكم ورحمة الله وبركاته... أخواني كلكم تعرفون ان احداثية الجوالات غير عن الجارمن السلام عليكم ورحمة الله وبركاته... أخواني كلكم تعرفون ان احداثية الجوالات غير عن الجارمن وانا ماعرفت أهمية هالموضوع اللي احطه بينكم واتمنى محد سبقني عليه الا بعد ماعانيت في مقناصنا .. فكانو الشباب يقولون لي الاحداثية مثلاً رمز برمجي: 14°33'26 وبينما الجوال يطلعه لي رمز برمجي: 14.5572 المهم اليوم بجيب لكم الطريقة وبحاول ابسطها لكم .. ويعلم الله اني واجهت صعوبات لين جبت لكم هالشرح واتمنى انه يفيدكم (لاني حصلت برنامج وقمت باستخراج المعادله من اكواد البرمجه).. المهم بسم الله نبدأ الجوال يحدد الموقع باستخدام Decimal Degrees يعني الدرجات العشريه: رمز برمجي: Degree.Decimal مثال: رمز برمجي: 14.5572 14= الدرجه .5572=الارقام العشرية واما الجارمن يستخدم طريقة Degrees, Minutes, Second يعني الدرجات والدقائق والثواني: رمز برمجي: Degree°Minutes'Seconds مثال: رمز برمجي: 14°33'26 14=الدرجة 33=الدقائق 26=الثواني ملاحظه: الاحداثيتين لنفس الموقع ولكن بطريقتين مختلفه وانا متعمد في اختيار نفس الاحداثية حتى ماتكثر الارقام وتتلخبطون بعد ماعرفنا الفرق بين الطريقتين نبدأ في شرح التحويل... خلنا نبدا من الجوال الى الجارمن (DD to DMS).. خلنا ناخذ الاحداثية السابقه رمز برمجي: 14.5572 نقسم الدرجه العشرية الى قسمين (الدرجه والرقم العشري) يعني كذا الدرجة وهي 14 والرقم العشري وهو 0.5572 نضيف الدرجه الى احداثية الجارمن في أول خانة .. ويطلع معانا هالشكل رمز برمجي: 14°مجهول'مجهول عرفنا الدرجه وباقي الدقايق والثواني وبعدين ناخذ الرقم العشري ونظربه في 60.. عشان يطلع معانا الدقايق .. 0.5572×60= 33.4320 حلوو يعني الدقايق = 33 والرقم العشري = 0.4320 نضيف الدقايق لاحاثية الجارمن اللي طلعت لنا من شوي رمز برمجي: 14°33'مجهول الحين طلعنا الدقايق وباقي الثواني .. ناخذ الرقم العشري ونظربه في الثواني.. عشان تطلع معانا الثواني 0.4320 × 60 =25.92 .. كما هو موضح الثواني = 25.92 الحين نقرب الرقم العشري (25.92) الى أقرب رقم صحيح وهو 26 الحين نضيف الثواني لاحداثية الجارمن رمز برمجي: 14°33'26 وبهذا حولنا احداثية الجوال الى الجارمن والحين طريقة التحويل من الجارمن الى الجوال (DMS to DD) الطريقه باختصار عكس الطريقه اللي تم شرحها نبدل عملية الظرب بعملية القسمة والدرجه نفسها ناخذ الرقم السابق رمز برمجي: 14°33'26 كما شرحنا سابقاً 14 = الدرجه 33 = الدقايق 26 = الثواني نضيف الدرجه 14 لاحداثية الجوال في خانة الدرجه.. ويطلع معانا الشكل الموضح رمز برمجي: 14.مجهول الحين نبدأ بالثواني ونقسمه على 60 26 / 60 = 0.433 الثواني بعد تحويلها الى رقم عشري = 0.433 حلو الحين ندمج الدقايق مع الثواني 33 >> 0.433 يطلع معانا 33.433 نسوي عملية القسمه على الدقايق 33.433 / 60 = 0.5572 الحين عندنا الدقايق والثواني بالرقم العشري نضيفها في احداثية الجوال في خانة الرقم العشري Decimal رمز برمجي: 14.5572 وبهذا تمت طريقة التحويل.. من الجارمن الى الجوال اتمنى من الله اني وفقت في الشرح وشاكر لكم سعة صدوركم تقبلوا تحياتي |
كل الشكر لك والله لا يخيب تعبك وما قصرت
|
اقتباس:
|
وعليكم السلام ورحمة الله وبركاته
اخي الشتيل بارك الله فيك على هذا الجهود وتسهيله لأعضاء المنتدى و الزوار تحياتي معاً لمنتدى أفضل |
اقتباس:
|
يعطيك ربي عافية يابو عبدالله وياليت انك ارفقت صور اذا امكن
|
تسلم يالغالي التيل
كنت اعاني منها والحمدلله ارتحت مع برنامج قارمن موبايل اكس تي هالموضوع هام اللي يعانون هالاشكال لا هنت يالغلا كفيت ووفيت ابوخالد |
الأخ شتيل
يمكن لجميع مستخدمي جوالات نوكيا الحديثة اخراج الإحداثيات بجميع الأنماط . بالذهاب إلى التالي ( في أجهزة N Series) اذهب إلى GPS Data يظهر لك ثلاث خيرات وهي Navigation, position,Trip distance قم بالضغط على زر Options وتظهر لك قائمة واختر positioning setting اختر Notation Preferences سوف تجد خيار coordinate Format اعرص عليه ويعطيك ثلاث خيارات DDDْ MM' SS.SS'' وهذي الفورمات الي تبونها... DDDْ MM.MMMM' DDD.DDDDD تحياتي إلى الجميع |
مشكور اخي الشتيل
طريقة التحويل بهذه الطريقة متعبة ولكنها تؤتي النتيجة المطلوبة فما رأيك بطريقة أخينا هاوي راديو بمعنى ان تضع الآحداثي وتذهب للإعدادات وتغيرها ثم يقوم القارمن بالتغيير ؟؟؟ بارك الله فيك. |
اقتباس:
الطريقة التي شرحتها هي في أجهزة جوالات النوكيا . والأخ شتيل وضع الموضوع بسبب أن هواة البر يردون نمط الاحداثيات بالدقائق والثواني. وأجهزة النوكيا لا تكون مضبوطة على هذا النمط. وإذا كنت تريد هذا النمط من الجوال عليك باتباع الطريقة التي شرحتها. |
اقتباس:
|
اقتباس:
|
اقتباس:
وتقبل تحياتي . . . |
اقتباس:
رايي بطرقة هاوي راديو بأنها طريقة غير مجدية . . ( مع احترامي وتقديري له ولك ) فأحيانا يرسل لنا أحد الاصدقاء احداثيات من الجوال ونحن لدينا قارمن . . وأحيانا يرسل لنا أحد الاصدقاء احداثيات من القارمن ونحن لدينا جوال . . . فماذا نفعل ؟ ؟ ؟ ! ! ! فالأفضل تطبيق طريقتي في الموضوع للحصول على الاحداثية . . وسلامتكم وتعيشون . . وتقبل تحياتي . . . |
اقتباس:
عداك العيب . . http://www.tawsl.net/tre7b/94.gif |
| الساعة الآن 08:01 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir