|
أقدم حادث بالسعوديه
السلام عليكم ورحمة الله وبركاته يقولون إن هالحادث من أقدم الحوادث ( الكبيره ) بالسعوديه هاك الأيام طبعاً ودنا من يعرف موديل السيارات ،،، يعطينا معلومات عنها ،،، دمتم بود ،،، |
الله يكفينا وإياكم شر الحوادث هذا حدث شنيع بوقتهم لان سياراتهم القديمة حديد ثقيل ماهو مثل سيارات وقتنا الحاضر تشبه سيارة زملينا الفاضل / حامد الغامدي مشكور ابو فهد على الصورة |
الحادث وقع بالبر ؟
ما اشوف اسفلت أو رصيف واوافق اخوي حرمل الضربة جامدة والحديد قوي ، وترى اجسام منول اقوى من اجسامنا وتتحمل اكثر لاهنت. |
وعليكم السلام ورحمة الله وبركاته يارب تستر عسى المكينه سالمه هههههههه يعتبر هذا الحادث بسيط أمام مانشاهده على الطراقات السريعة هذة الأيام . شكراً ابو فهد على هذة الصورة القديمة . |
وعليكم السلام ورحمة الله وبركاته
اكيد المرور حتى الحين ما وصل الا اللي داخل تحت السيارة من الجنب ما هو رفيقنا اللي بالمنتدى لاعدمناك يابو فهد |
أما السيارة اليمنى فهي من ماركة أبو نويرة 1936
وأما السيارة اليسرى فهي من ماركة جساس 1944 والنتيجة انعدامهما وتكفين أبو نويرة من قِبل جماعته الذين يقفون بجانب الكبوت والثلاثة الجالسين يبكون وهذا مما ينفي الرواية بأن جساس هرب إلى الشام .. أحسنت |
هلا يابو فهد،،،،، انت مسلط المؤثرات علينا، الحمد لله جات في الحديد،
الونيت اللي على اليمين م64، والونيت اللي على اليسار م58 الله يعوض على صاحبه شكل الدنقل الأيسر عنده أنكسر. سلمت على الصوره يامال العافيه. |
الغــــــــاليــــن / حرمل : سلمت على هذا المرور الجميل ... نعم الله يكفينا شر الحوادث راعي الشاص : أغلب حوادث هذاك الوقت بالبر ... شاكر لك مرورك حنضل : والله يابو عمر لو الصدمه وبهالقوة في سيارات اليوم .. يمكن تلقى المفتاح بس عبدالكريم اليوسف : المرور جاهم والتقرير يقول { كل واحد يصلح سيارته } أبو محمد من تقصد بخوينا ؟؟ سعد الماضي : يعني جساس عليه ديّة ابو نويره !!! ولا ماحكموا عليه إلا هالحين ياأبو علي ؟ حامد الغامدي : أخيراً عرفنا وش اللي يبي يطلعك ويخليك ترد علينا يا ابو فهد حامد .. التوقيع الجديد ماركه :thumbup: |
مشكور اخي عبدالحميد الحربي
الله يستر علينا من الحوادث . بارك الله فيك. |
اقتباس:
هلا أبو أحمد آمين يارب .. ويجيرنا ويجيركم من المصائب كلها ،،، لاعدمناك ،،، |
السلام عليكم ورحمة الله وبركاته حادث قديم بس الجمس الاحمر له معزه والابيض ساحبين عليه شـكــ وبارك الله فيك ـــرا لك ... لك مني أجمل تحية .
|
اقتباس:
هلا بالغالي وانت الصادق لأنهم عارفين إن ماعاد به حياة أسعدني مرورك |
يبدولي ان من الصورة ان كل موتر صار له حادث لوحده ولاعلاقة لكل سيارة با الأخرى من حيث الحادث يعني هذا حادثين مهوب حادث والسبب ان مكان الصدمة بالسيارتين غير ممكن بحث ان السيارة الفرت مكان الصدمة من الجهه اليمن "الراكب" والسارة الددسن من الجهة اليسار "السائق" الخلاصة انه في تشليح وليس في مكان الحادث |
وعليكم السلام ورحمة الله وبركاته عرض رهيب اما الحوادث فاسأل الله أن يكفينا وإياكم شرّها السيارة اليمنى فرت 64 والأيسر جمس موديل 63 والفرت عليه شد العلم والأيسر عليه بنت البكّار والسيارتان لم تتصادم وجه لوجه والدليل أن صدمة الفرت بالجهة اليمنى والجمس بالجهة اليسرى ويبدو لي أن السيارات في برحة أو تشليح وهناك رجل منبطح على بطنه يريد أن يأخذ قطعة من السيارة يمنك انه (( أبا دوخي )) وقد أخذت زجاجاتها والدليل الإطارات على الأرض تحياتي لك أخي عبد الخميد |
مثل ما قالوا الاخوان Shamari والشيخ قوقل ... التخيّل الاسقاطي الدرامي للصدمتين يؤكد عدم وجود حبكة درامية بينهما ... وهذا ما أراه وأعتقده أنا أيضاً... بيني وبينك، كذا أصرف صراحة ...(وهو أن الصورة تكون ماخوذة للسيارات في أحد التشاليح، ولا يكون حادث) لأنها فشيلة يصدمون بعض في وضح النهار وفي خلا خالي، لا به معوقات مدى الرؤية الأفقية ولا أي شيء يذكر !!! بس، شفتوا حديد من أول !!! أي هو والا حديد سابك؟؟؟!!!! شف "الغمارة" تقل انها محمية محازة الصيد، يالله تشوف آثار الصدمات عليها ... مشكور أخوي أبو فهد على الصورة الرائعة،، اللي يكفيك انها ترجعك للأيام الخوالي (عزّي لحالي).. أعذب التحايا |
| الساعة الآن 04:02 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir