|
استشارة من اصحاب الخبرة في الهايلكس 2010 الدفرنسين أو 2011
صباح الخير / مساء الخير
ابغى سلمكم الله المزايا والعيب والله ان شكله جاز لي مالكم الا الدعاء |
:dunno:وين أهل التويوتا
|
والله اللي ماحولي أحد معقوله ماأحد قد أستخدمه من الأعضاء
غريب عموما أنتم طيبين هذا أهم شئ |
انا اعرف كم شخص جربوه ماشكو منه
ولاتنسى الاستخاره :) |
بسم الله الرحمن الرحيم
الهايلكس 2010 دفرنسين مريح في الخط لاني سقته ووصلت فيه فوق 160 واملك نيسان دفرنس واحد الفرق شاسع في الراحه اما في الرمل فاعتقد ان الاربعه سلندر مايبرد الغليل سعر الهايلكس الدبل بحدود 86000 ريال واعتقد ان هناك سياره منسيه وهي المتسوبيشي غمارتين دبل 6 سلندر ماكينة بجيرو وهي شكلها رهيب ومرتفعه , انا شفتها في الوكاله في الدمام 2009 وقيمتها 93000 ريال لمن يهمه البر مع صغر الحجم والقوه اعتقد ان المتسوبيشي افضل للاستخدام وليس لمن يريد البيع |
وعليكم السلام ورحمة الله وبركاته
الغالي النجدي حياك الله وياهلا ومرحبا بك ولا أزيد عن كلام الأخوان لكن عن تجربة في البر ..عند احد الشباب وكذلك من ناحية التحميل والعزم فلابأس وهو منافس قوي للميستوبيشي والاكثر شعبية.. وكذلك من ناحية القطع والصيانة والاسبوع الماضي جربت 2008 في النفود وصراحة ممشاه خيالي وصرفيته ممتازه هذا مالدي وإن شاء الله الأخوان مايقصرون معك محبكـ عبدالله :) |
حياك الله أخوي والمعذرة في التأخر في الرد كنت في رحلة لمدة أسبو ع الهايلكس الغمارتين دبل موتر للبر والمدينه مريح في البر وعلى الأسفلت ميزته في البر خفت وزنه حيث أنه مايغوص بالرمال وعزمه قوي 170 حصان عملي وأقتصادي واحد من أقاربي شاريله 2010 م مستانس منه واجد وقيمته معقوله وشيك باليد . أتمنى إني أفدتك . وتقبل تحياتي ,,,,,,,,, |
على هونك يالغالي تونا ولله نشوف الموضو وتامر أمر
بالنسبة للموديلين الفرق خطوط وانت وذوقك بالنسبة للهايلوكس الدفرنسين عز الله موتر للي راغبة فيه خفته نوعاً ما ( للي ما يبحث عن العزم ) يعني شايل عمره يعيبه بديه ضعيف يعني كود تنتبه لا احد يتركى عليه ولا الباقي عز الله موتر وعندك الغالي حاتم النفيعي معه 2010 يفيدك اكثر |
السلام ورحمة الله وبركاته
شكرا للجميع على التفاعل لكن السؤال هنا هل أذا ركبت شئ في الموتر يسقط الضمان والله لايخليني منكم و بارك الله فيكم |
بأمكانك الأستفسار من الوكيل والإطلاع على كتيب الضمان حيث ستجد الأجابه الشافية أفهم من كلامك أنك عزمت على الموتر الله يبارك لك ويعطيك خيره ويصرف عنك شره |
الوكيل كل شي عنده ممنوع بشكل عام
والضمان انت ولسانك معهم يعني إذا قلت سم ابشر راحت حقوقك اما اذا شبيت عليهم بيصلحونها اقصد ضمان عبداللطيف جميل وهذا ميزة فيهم لأن فيهم مرونه لكن السؤال تركب مثل ايش .؟ عشان اعلمك |
| الساعة الآن 10:24 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir