|
من المسؤول ياحماية الحياة الفطريه ........ أبو شعلان ...
بسم الله الرحمن الرحيم إخواني الكرام أعضاء وزوار منتديات الرحلات ... السلام عليكم ورحمة الله وبركاته : في الإسبوع الماضي ذهبنا في رحله صيد إلى شعيب العصل شمال مدينة تمير مايقارب الـــ 50 كيلو ... صورة للشعيب ... أوله من غرب ... http://www.alrahlat.com/vb/uploaded/27_1188039847.jpg ويمتلك هذا الشعيب أشجار طلح كبيره وكثيره ... وطوله مايقارب الـ 40 كيلو ... وتأتيه الناس بكثر بموسم هجرة الطيور ... ولكن من المؤسف هذه السنه لاحظت تناقص أشجار الطلح بكثره ... ومما جعلني أكتب هذا الموضوع هو فقد أشجار كبيره جداً ... ووالله إنه منظر محزن للغايه ... حسبنا الله ونعم الوكيل وقد يلاحظ ذلك وبشده من ذهب إلى ذلك الشعيب ... وإلتقطت صور لبعض للأشجار المقصوصه .......................... واترككم مع الصور : (( 1 )) (( 2 )) (( 3 )) فقدنا هذه الطلحه الكبيره (( 4 )) (( 5 )) (( 6 )) (( 7 )) (( 8 )) (( 10 )) (( 11 )) وبالنهايه من المسؤول ياحماية الحياة الفطرية ,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,, |
الغالي ابو شعلان موضوع خطير للغاية اذكر اننا جلسنا اكثر من ربع ساعة في رحلة سابقة امام احد الطلاح والتى استخدم في ابادتها المنشار الكهربائي وكان لبو محمد خشم الحصان موضوع عن هذا الجانب وصور دامية لكن اتمنى ان يكون هناك رقم لاستقبال البلاغات عن من يقومون بمثل هذا الاجرام وتتم محاسبتهم كل الشكر لك يالامير على طرح هذا الموضوع اخوك |
شكراً اخي ابو شعلان على هذا الموضوع الشائك انه فعلاً لشىء مؤسف ما نراه لكنه الجهل و الطمع بالدنيا الله لايجعلها اكبر همنا.
|
اخوي ابوشعلا .... موضوع حساس جدا وخطير في نفس الوقت
طال العمرك المشكله ليست بحماية الحياة الفطريه ومن المستحيل ان تقوم الحمايه الفطريه بحماية حتى الاشجار في الاوديه وغيرها ومن المستحيل ان تتابع الحيوانات المهدده بالانقراض حتى بالمحميات لم تستطع حمايتها مشكلتنا الاساسيه ومصيبتنا الكبرى هي موجوده بيننا ونعيش معهم : هم اهل البران الذين ينقصهم الوعي والذين لا يفقهون من الوعي مثقال ذره واسال الله الهدايه للجميع وشاكر لك ومقدر * وين علوم الدخل ،، لقيتوصفاره * |
والله مشكله وشي مؤسف حسبي الله ونعم الوكيل
اذا جينا نصيد في الشعيب جانا احد رؤساء المراكز وش عندكم وش السلاح الي معكم وش جايبكم والمفسدين في الارض ما يجي من يمنعهم ويعاقبهم حتى الحلال يستفيد من ظل هالشجر والطيور جعله ما يتهانا الي قطع هالشجر اخوي ابو شعلان وشلون الصيد |
حسبنا الله ونعم الوكيل
منظر مؤسف طبعاً الجهل والانانية وعدم وجود عقاب رادع هو سبب مانعاني منه في صحارينا شكرا ابو شعلان |
اقتباس:
حياك الله أخوي راعي الذوق ... فعلاً الموضوع خطير للغاية ... وإذا كان كل سنه بيصير نفس هالسنه ... بعد 10 سنين مافيه طلح ... مشكور أخوي راعي الذوق على هالتفاعل ... ,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,, |
اقتباس:
حياك الله اخوي كان ... فعلاً الطمع والجهل ... هي مسببات هذه الظاهر ... مشكور أخوي على مرورك ,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,, |
ابو شعلان :::::
مشكله خطيره ويجب الاسراع في حلها من قبل الجهه المسؤله ... ومن قبل المجتمع بالتوعيه بخطر هذا الفعل المشين ... ياليت لو تكون هنااك حمله توعيه ,,, اخيراً اين دور حماية الحياة الفطرية ــــــــــــــــــــــــــــــــــــــــــــــــــ ـــ سلا1111111111111111111م |
اقتباس:
هلا بالغالي أبو محمد ... مشكور يابومحمد على تفاعلك ... وصدقت وكلامك صحيح 100% لاهنت على مرورك يالغالي ... اقتباس:
فعلاً أخوي أبوعبدالعزيز هم حيلهم على هالضعيفين ... اللي يترّمون ... والمشكله أكثر اللي يكسر الشجر من أهل الديره القريبه من الشعيب ... مشكور وماقصرت على مرورك الكريم ... اقتباس:
نعم صحيح أخوي ولد نجد ... والله أشياء مؤسفه فعلاً ... ولكن لاتنسى الواسطات عندنا ... والله لوهو ذابح آدمي وشلون عاد شجره ... مشكور أخوي على مرورك الغالي ... اقتباس:
هلابك أبوعلي ... كانو يحطون لوحات بالشعبان عن عدم قطع الأشجار وعدم النوم بوسط الشعيب ... ولكن المشكله يجونك ناقصين العقل ويسحبون اللوحه ويازنون الخرازه عليها ويشوفون فرش الشوزن بعد ... وشكل حماية الحياة الفطريه ملّت ... ومالها إلا السكوت ... مشكو يابوعلي على مرورك الكريم ,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,, |
| الساعة الآن 08:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir