=== قال لي ابو كريم ===
 

قال لي ابو كريم : ركز .
قلت له ماذا تعني؟

قال: اذا نويت الكشتة ، فتدبر امورك المنزلية والوظيفية من بداية الاسبوع .
فاذا ركبت سيارتك ركز واجعل تركيزك على انك ذاهب لتستمتع، واول المتعة القيادة بامان والتمتع بمناظر الطريق.
واذا التقيت اصدقاءك ركز ولا تجعل تفكيرك يتشتت بكثرة الاعمال والاقوال والافكار.
فلا تقم بعمل اكثر من شيء في وقت واحد، مثل القهوة والذبح والشوي والصيد والمزح مع الشباب واستماع الراديو والرد على سالفة فلان، ولكن ركز على مسالة واحدة لكي تستمتع بها تماما، ولاتصير مثل الملقوف...
كثيرا ما رجعنا من البر بدون ان نشعر بالمتعة المرجوة بسبب ان عقولنا تكون شاردة في اكثر من مكان وباكثر من مسالة في نفس الوقت.
وتركيزك يشعر اصدقاءك باهتمامك، وحضورك معهم ذهنيا وبدنيا، لانك لا تفكر بغير ما يجري حولك وتستمتع بكل ما يقال وكل ما تعمل.
فيزداد اهتمام اصدقائك بك، ويانسون لتواجدك وتنشرح صدورهم للقائك.
وانت تشعر بالمتعة والراحة النفسية دون أي قلق او جهد نفسي او بدني.

قلت:
الان عرفت سر ارتياحي لاشخاص معينين دون غيرهم وتفكرت في تصرفاتهم فوجدتها تطابق كلام ابو كريم.

أخي المربد

قرأت ماسطرته أناملك بكل تركيز فوجدته أصاب كبد الحقيقة حتى وإن اختلف البعض معك

بارك الله فيك

ابو يوسف صدق صديقك ابوكريم

ولذلك اذا كثروا الربع تتشتت الافكار ولكن لو كانوا ثلاثة وحول تتركز الفكرة وتصير كلمتهم وحدة

يمكن انه..............
 

الاخ الغالي
المربد
السلام عليكم
اقول ابو كريم يجعله سالم غانم
كلامه صح ولا تجرح الحاجه لى قالها لا تنطبق علي الكثير بتقول ليش هم انا اقولك
الربع لي يتكلم عنهم ابو كريم انقرضو و بقي ناس مايحرك عود ولهو جنبه
عجز في عجز كانك طالع مع محرولين
نعم هالي يتكلم عنهم ابو كريم (كانو) يعتقدون انهم (شقرديه) يعني شفني سنه عصفور سدره
مغير مناقز من الطبخ الي الغسيل الي شب النار الي فك الكفر
ولو تبيه يحرث الارض حرثها علشان تقول (شقردي)
والبعض شغلته تنغيص علي ربعه بطرق والمزح الثقيل جدآ جدآ مما يعكر صفو الرحلة
ولكن لو تم توزيع العمل والتنسيق
والنقاش الاخوي المفيد من ركوبك السياره الي رجوعك الي البيت
لخرجت بعدة فوائد عظيمه
ربما تم تاليف مجلدات عن الرحلات ولكن الله كريم
اخوك
خشم الحصان
............
نغزه....فتدبر امورك المنزلية والوظيفية (المنزلية يبي يقول لها اتصلي علي اهلس خليهم يجون ياخذونس الوضيفه الحلوف واجد والسبه يبي يتمتع لحاله
دقشه...ركبت سيارتك ركز واجعل تركيزك على انك ذاهب لتستمتع، ...لوطبقناها ماشرينا (قارمن) ولا عرفناه..مغير اكل فصفص..... وعاش ابو زويد
صدمه......... ابو كريم ............ يمكن انه ........... مخذرف............. من الصعب تطبيق .....احلامه

وفيك بارك
يا ابا سديم
ومن وصايا ابو كريم لنا ان نحترم راي من اختلف معنا، ونكن لهم كل الود لعدم تصديقنا بما يخالف وجهات نظرهم. فصديقك من صدقك لا من صدّقك.

ابو فراس
السلام امانة ، ترى يسلم عليك ابو كريم
ويقول ان العدد النموذجي للكشتة هو خمسة انفار وعلى سيارتين.
وان نقص واحد او زاد واحد يبقى العدد مقبول ولكن لايزيد عن ستة ، لانها تصير بربسة.

كلام ابو كريم رائع ودقيق جداً لكن يمكن يكون صعب تطبيقة لأن من شب على شئ شاب عليه

تقبل تحيتي وبلغ سلامي لخويك ابو كريم

ألف شكر لك أخوي المربد
نصائح ممتازة.
دمت بود .
لاهنت.

الجارمن
الدرر في حسن ذوقك يا غالي والجواهر في مرورك يا خلفهم.
واللي عند ابي فراس ماهو بعيد.

ابو محمد
ماعليك زود يا بعدهم ، ويقولون السعيد من اتعض بغيره والشقي من اتعض بنفسه.

خشم الحصان
ترى ابو كريم مبسوط على نغزاتك وصدماتك. ويسلم عليك سلام واجد.
ويقول لك:ترى المحرولين احسن من الرفلان. شرايك؟
اما القرامة فهي في دم الانسان ما يحتاج يتصنعها.
مشكور يا ابو يراح على هالتعليق الظريف.

السلام عليكم
ابو يوسف صبحك بالخير او مسيك بالخير
ركّز معي



قرب شوي




خشمك اممممممممممم به


ياحبيل والله الخشيشة بس تسلم يابعدهم
وخل عنك كلام خشم الحصان وعلى العموم يبيله من يقراء عليه كود اللي فية يرتاحون منه .
وهذا دليل قاطع اقصد ابو جراح على انه مايقدر يضبط نفسة بالطلعه ( وشهد شاهد على نفسه بمافعلت )



اخوك راعي كيف
ابو ناصر