|
كشتة جراب غير 15-16 /4 /1433 .:. سال السيل .:.
بسم الله الرحمن الرحيم السلام عليكم ورحمة الله وبركاته.. حيا الله الربع كلهم.. هذي كشتة خفافية ابتدئناه من آخر ظهر الخميس حتى مساء الجمعة.. انطلقنا من الرياض باتجاه شعيب مصده.. وبعد ما راسلنا أحد الكشاتة الطيبين شرواكم في الكنود أشار علينا بفيضة حول أم الذيابة جنب النفود.. وفعلا ما كلمنا لمصده رجعنا لطريق الحفر ورحنا لذيك الفيضة وكانت طيبة وربيعه ممتاز وجنب النفود.. أخذنا به جولة سريعة كنا حول المغرب.. ووجهنا للنفود ومرينا هالحلال قلنا ناخذ حليبه قال يبي له ساعة قلنا باتسر الفجر قال أبشروا به.. http://i1128.photobucket.com/albums/...n/GRAAB/01.jpg http://i1128.photobucket.com/albums/...n/GRAAB/02.jpg وجهنا للنفود واخترنا لنا نقرة طيبة وذارية لأن الهواء تحرك.. وبدينا بتنزيل العفش وتلقيط الحطيبات اللي قريبه.. واستفتحنا طاولة الرماية توي شاريه ممتاز وترتب معاميلك.. وتقطع به خضرتك ولحمك جدا رائعة.. وهذي كم صورتين له.. http://i1128.photobucket.com/albums/...n/GRAAB/04.jpg http://i1128.photobucket.com/albums/...n/GRAAB/05.jpg وهذا من حطب النفود وقدوعنا الطيب.. http://i1128.photobucket.com/albums/...n/GRAAB/06.jpg http://i1128.photobucket.com/albums/...n/GRAAB/07.jpg وبعد القهوة والشاهي والعلوم الغانمة تعشينا شوي.. وأمرحنا ومن باتسر صلينا الفجر ورغبنا تكون قهوتنا بأحد الفياض فمشينا.. ومرينا راعي الحلال ولا قصر بيض الله وجهه.. http://i1128.photobucket.com/albums/...n/GRAAB/08.jpg http://i1128.photobucket.com/albums/...n/GRAAB/09.jpg لكن بلشنا وين نحط الحليب ما لقينا غير حل واحد وهو.... فعلا الكاتم لا يمكن تخاف على الحليب منداخله أمان واستقرار هههههه.. بعده وجهنا لأم حجول وكانت قهوتنا وفطورنا.. ربيعه طيبة وفيها الغنم ترعى ومأثرة على الربيع.. http://i1128.photobucket.com/albums/...n/GRAAB/11.jpg http://i1128.photobucket.com/albums/...n/GRAAB/12.jpg http://i1128.photobucket.com/albums/...n/GRAAB/13.jpg http://i1128.photobucket.com/albums/...n/GRAAB/14.jpg http://i1128.photobucket.com/albums/...n/GRAAB/15.jpg http://i1128.photobucket.com/albums/...n/GRAAB/16.jpg بعد القهوة شبينا على الحليبة الطيبة.. ثم بدينا بالفطور وهالمرة الفطور غير.. http://i1128.photobucket.com/albums/...n/GRAAB/17.jpg http://i1128.photobucket.com/albums/...n/GRAAB/18.jpg http://i1128.photobucket.com/albums/...n/GRAAB/19.jpg http://i1128.photobucket.com/albums/...n/GRAAB/20.jpg http://i1128.photobucket.com/albums/...n/GRAAB/21.jpg بعد الفطور وجهنا للرحبة وبالطريق مرينا على جارد وربيعه لا بأس لكن الغنم لاعبن فيه.. http://i1128.photobucket.com/albums/...n/GRAAB/23.jpg http://i1128.photobucket.com/albums/...n/GRAAB/24.jpg http://i1128.photobucket.com/albums/...n/GRAAB/25.jpg بالطريق للرحبة مرينا هالفيضة الصغيرة ربيعه فاز لكن نبته غريب بلحيييل.. http://i1128.photobucket.com/albums/...n/GRAAB/26.jpg http://i1128.photobucket.com/albums/...n/GRAAB/27.jpg http://i1128.photobucket.com/albums/...n/GRAAB/28.jpg http://i1128.photobucket.com/albums/...n/GRAAB/29.jpg وبالطريق شفنا راعي هالمحل وعنده حطبان عظيمة.. أرجو أن لا يكون أحتطاباً جائرا.. http://i1128.photobucket.com/albums/...n/GRAAB/30.jpg http://i1128.photobucket.com/albums/...n/GRAAB/31.jpg وصلنا للرحبة وربيعه مثل ربيع الفيضة الصغيرة وأخذنا لنا تقيلة خفيفة وبدينا بغدانا.. وهل المرة أبوعمار بيض الله جهه متزهل بالغداء ومواعدنا برز عنبر خااااص.. http://i1128.photobucket.com/albums/...n/GRAAB/32.jpg http://i1128.photobucket.com/albums/...n/GRAAB/33.jpg لأن الهواء متحرك نقعنا الرز بهالطريقة.. على بال ما تطبخ اللحمة ناخذ لنا بيالة شاهي مخدر.. بعد ما طبخت لحمة الحاشي يجي دور الرز.. الطماط جاهز والحبحر والم وين الغداء بس.. الغداء والم أقلطوا حياكم الله.. http://i1128.photobucket.com/albums/...n/GRAAB/38.jpg http://i1128.photobucket.com/albums/...n/GRAAB/39.jpg كان الغداء هو ختام طلعتنا.. ورجعنا مع جراب على طريق الزلفي على الأرطاوية وطلعنا على طريق الرياض القصيم مرورا بالأرطاوية والمجمعة.. كانت كشتة حلوة وخفيفة أتمنى تكون أعجبتكم وتحياتي للجميع.. |
رحلة موفقة
ومشكور اخي سال السيل وجراب هالسنة غير. بارك الله فيك. |
رحله خفيفه ورائعه
بارك الله فيك اخوي سال السيل تحياتي |
رحلة وتقرير رائع وفعلا جراب غير هالسنة ولكن الحلال لاعبن فيه وحاصدينه حصد
|
وعليكم السلام كشة موفقه وخوة نشامى وصور حلوه وربيع وطبخات ,, بيض الله وجهك على هذا التقرير المميز تحياتي |
رحلة موفقة اخي سال السيل وصور جميلة بارك الله فيك |
ماشاء الله ،،، تبارك الله رحلة جميلة اخي سال السيل يعطيك العافية على التقرير |
بيض الله وجهك تقرير جميل ورائع لاعدمناك |
السلام عليكم
ماشاء الله تقرير جميل وصور حلوة رحلة موفقة مع إخوة نشامى يعطيك الف عاااااااااااااااافية دمتم بخير |
مشكور على التقرير والله يعطيك الف عافية
|
تقرير ممتع الله يمتعك بالصحه والعافيه ربيع طيب الله يتبعله بالسيل
|
هالسنة هي سنة ربيع جراب
الف شكر اخوي ولاهنت. |
| الساعة الآن 04:59 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir