|
ياهل القنص .. عندي علوم ورسـاله
ياهل القنص عندي علوم ورسـاله ................... رسـالةً يفـطن لها كـل محــــــزوم فيها اشــتكي للطـــير مما جــراله ....................... من كم سـنه يخـوان ماهو من اليوم تناقـص وعـندي عـــليه الــــدلآله ....................... في كل عــام الناس يقلون معــدوم ونقـنص ولآنلقــاه نلقـــى بـداله ...................... نلقـى الغـراب وطـاير الحــد والبـوم والبعـض منّــا للخــوارج عنـاله ...................... من زود عشــقه ماهـنا لـذة النـوم وحـنا ســـبب ماصار من حـبنا له ...................... دايم على وكره من النسـل محـروم زماننــا يصفى وهـو ماصـفــى لـه ...................... بحكم المؤبـد صـار يخـوان محكـوم مانطلقــــه والاّ نـــــدوّر بـــداله ................... مانطــلقـــه إلاّ إذا مــــــات مكظــــوم من صيدنا الجــاير قطعـنا ســـلآله ..................... بارض الجزيره قـلما تكثر الحـوم تكفــون بعــد الصيد فكـــوا حـباله .................... خلــوه يكفــخ بيـن وديــان واحـــزوم نبغى نشـــوفه مثـل وقــتٍ مضاله .................... كــنا نشــوفه بالســما دايــم الــــدوم هو عــندنا غـالي ورمــز الأصـاله .....................من عهــد بن كنـده وهو حيل محشوم واللي يقــول الشــور هــذا خـباله .....................من يطــلق المـبروك لاصــار زيـــزوم اقــول عـتـق الطـير أجـر وجــماله ....................... أخـير من بيعه وتعريضه السـوم خـصّ الـذي دايـم قـليـل انصـلاله ...................... وش فـايده يبقى على الوكر مكتوم يقضي حـياته غيض في خـس حاله ........................ مـّره مريض وزايــد الوقت مهموم هذا طـلـب لاهــل الوفــا والرجــاله ...................... وكل القبايل عـندها عِـرف واسـلوم اقــولها من صـدق ماهـو جهــاله ....................... ولحــدٍ على التـنفـيذ مُجـبر وملزوم وسوالم.. منقول دمتم بحفظ الله ورعايته ولد الدوادمي |
طبت وطاب نقلك ياولد الدوادمي وياليتك قلت لنا من هو قايل هالقصيدة الرائعة
|
بسم الله الرحمن الرحيم اخوي الغالي ولد الدوادمي ... لاهنت على هالنقل الرائع وصح لسان قايلها ... عزالله إنه صادق ... تكفــون بعــد الصيد فكـــوا حـباله .................... خلــوه يكفــخ بيـن وديــان واحـــزوم اقــولها من صـدق ماهـو جهــاله ....................... ولحــدٍ على التـنفـيذ مُجـبر وملزوم والله ياخوك ماظن أن اللي تولع بالطير يبي يطيع الشاعر ... والبيت الأخير رائع جداً ... مشكور يالغالي ... وبيض الله وجهك ... وننتظر المزيد ... والمزيد ... ,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,, |
صح لسانك ولسان فايلها
قصيدة رااااااااااااااااائعة فعلا لاهنت يالغالي |
أخوي الغالي ... قصيدة ولاشك جزله ... تمنيت لو ارفقت اسم قائلها ... قصيدة تحكي معاناة القناص عموماً ... وصاحب الطير خصوصاً ... الله يغفر لك ووالديك وشاكر لك النقل الطيب والمتميز ... محبك ابو حمد ... |
ألف شكر لكم جميعأ
وبخصوص الشاعر والله مايحضرني إسمة وإنشالله بنبحث بامره وصح السانك أخوي أبو شعلان ودمتم بحفظ الله ورعايتة ولد الدوادمي |
مشكور لاهنت أخي ولد الدوادمي على نقل القصيدة الرائعه
وأتفق مع أخي أبو شعلان , أن مطلب الشاعر صعب تحقيقة بل من المستحيلات عند الصقارة , والشاعر في بيته الأخير عرف أنه صعب لكنه على الأقل عبر مافي نفسه تجاة الطير . |
الله لايهينك أخوي ربيع الكشته على الرد والمشاركة معنى وهذا دليل على التفاعل بين بعض والمحبه والموده
وألف شكر للجميع |
| الساعة الآن 03:19 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir