|
حنيت للماضي
لكن تراي ما ني شايب :D هالصوره نسمعمه من شيباننا حفضهم الله;) حنيت للماضي وانا مجرهدي يوم النفوس من البراءه مريحات ولا همنا غير اللعب والتحدي نلعب ونعلب بين روحه وجيات نبني ابيوت وبعد لحظه نهدي وتحت النخل نلعب ونفرط رطيبات وأحيان نلقط ما يطيح ونعدي والساقي الجاري لنا فيه شربات مثل العصافير المريحه بسدي يا حلو ما ضينا حياة السجيات ومع الحدل نركض ويمه نشدي والخاسر اللي ما يصيد الحديلات وبريقنا المعدن بشيحه نعدي للشاهي الخادر على هاك الحصيات وصحن العشاء مرقوق اشيله بيدي مابه لحم غير الودك والقريعات |
صح لسانك
شاعرنا المحبوب نهار هذي أبيات رائعة ومعبرة وقد يكون بعضنا عايش ما تصفه من جمال الماضي وبساطته. بارك الله فيك. |
جزاك الله خير أخوي الغالي / نــــهار ،، وصح لسانك على هذه القصيده المعبره عن الماضي البريئ ورجعتنا للوارا وذكريات الماضي ...... يا زين ذيك الأيام .. تقبل مني أجمل تحيه أخوك / ابو عبدالعزيز |
صقر قناص الحبارى صحت ابدانكم وتشرفت بمروركم ويا هلا فيكم تقبلوا تحيتي ،،، |
مابه لحم غير الودك والقريعات
نعم في الماضي كان اللحم شحيح لقلة الفلوس في أيدي الناس، القصيده كلها تحكي الواقع الذي كان يعيشه الأباء والأجداد في طفولتهم ولابد انهم كانوا اسعد من غيرهم كما بدا في هذا البيت: مثل العصافير المريحه بسدي ---------------- ياحلو ماضينا حياة السجيات تحية تقدير لك أخي نهار على حنوك للماضي في هذه الأبيات الجميله. |
اقتباس:
اخوي مهراس اشكرك على مرورك وتعليقك الجميل بارك الله فيك وتقبل تحيتي وتقديري واحترامي ،،، |
بسم الله الرحمن الرحيم الغالي نهار ... وصحن العشاء مرقوق اشيله بيدي *** مابه لحم غير الودك والقريعات لا مانتب شايب أبد عقب هالبيت هههه :D صح لسانك والله ... عزالله إنه قصيده ماشاءالله تبارك الله ... والظاهر إنك قلّبت مواجع بعض الناس ... أشوف ماحد رد منهم يقالهم توّهم شباب ;) ... الله لايهينك أخوي نهار على هالابيات الحلوه ... وننتظر المزيد ... والمزيد ... ,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,, |
اقتباس:
ابو شعلان سرني مرورك وتعليقك الحلو يالغالي والله لا يهينك تقبل تحيتي واحترامي |
قصيدة رائعة تفوح منها رائحة الماضي الجميل
صح لسان اخوي نهار |
صح بدنك اخوي الكريم ولد نجد شاكر مروك
وتقبل تحيتي ،،،،، |
| الساعة الآن 06:46 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir