|
شاعران بالمنتدى ومساجلة نابعة من القلب
السلام عليكم ورحمة الله وبركاته
تعرض شاعرنا ومراقب المنتدى راعي الذوق ( عبدالكريم اليوسف) لوعكة صحية ألزمته السرير الأبيض لعدة أيام ولله الحمد أنه بطريقه للشفاء . وكان شاعرنا الآخر ومراقب المنتدى أيضاً أبو شعلان ( ثامر الماضي) يراقب ويعد الأيام على فقد زميله وصديقه راعي الذوق . وبعد خروجه جادت قريحة أبو شعلان بهذه الأبيات الجميلة: بسم الله الرحمن الرحيم الحمدلله على السلامة يابومحمد ... جعـل اللـذي صابك طهورٍ وتكفير *** ويــزيــل عــنّـك هــالأمـورالـشـديده تـرى الـكـسر ماينبري دون تجبير *** لابــد مــايـجـبـــر ويـصـبـح حـديـده هــذا مـثـل مـايـحتمـل زود تـفـكير *** وكـّب الهجوس إن كان فكرك يعيده لو يملك إبن آدم من المال والخير *** مـــــاتـاتـي الـدنـيـا عـلــى مـايريده إدع الإلـه إليا حصل تـالي عصير *** وإلى أصبحت روس الاوادم خميده هو الــوحـيـد اللـي عليـه التدابير *** وهو المجيب إلمن دعاء من عبيده الله يـرزقـك الـشـفـاء والـتـيـاسير *** ويــجـعـل حـيـاتـك يــارفيقي سعيده يــابو محمد يــا زبــون الــمناعير *** بــعدك عــلـينا يـــابـعـدهـم فـقــيــده وماترى باس إن شاءالله ,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,, وكان رد الشاعر راعي الذوق: الغالي ابو شعلان كل الشكر لك يالامير على هذه الحروف التي اعلم انها من قلبك لقلب اخيك واستلم لاهنت اهــلا هــلا واعـداد مايــدرج السير***باللــي كتــب زين الحـروف الجديده يامرحبا واعــــداد ما شـــلّـع الطـير***باللي يجــيــب العــلـم قــبل الجريده اهــلا هـــلا ياشيــــخ كل المـشاهير****يـــا ثــامــر اللــي بالمـواقف وليده حــــراً نــــداوي طلعـــته دايـم غـير***يامـــن كتــب حلــو القصـيد بنشيده ابشــــرك حــالــي بـدا فـيه تغــــيير***مــن بعــد ماشــفـــنا لـــيال جـهـيده اخـذت لي أيــام ماقـــوى ولا اســير***على فـــراش بــين لحـــف وحـديده واليوم اخذت اروح بعض المشاوير***من فــضل ربــي فـــي حيـاة سعيده مشــكـور يـــارع الــدلال المـــباهير***عســاك تـــربح ماتجــيــب الزهيده ليـــتك تجــي ياعـــز كل المــسافير***ونفــخر بشــوفـك عــندنا في بريده واعذرني على القصور اخوك ومغليك ****************************** ****************************** الجدير بالذكر أن الشاعران عبدالكريم اليوسف وثامر الماضي هما الشاعران اللذان اختارهما المؤلف الأستاذ محمد بن سليمان اليوسفي لمساجلات شعرية تحكي بأبياتهما قصص وأحداث جرت في الماضي في طريقة عرض رائعة كما عودنا هذا الثلاثي على الإبداع. والكتاب كتب عنه خشم الحصان في موضوع سابق وقبل طرحه هنا: وبدورنا نتمنى لشاعرنا ومراقبنا وحبيبنا راعي الذوق الصحة والعافية وأن يجعل ما أصابه تكفير وتطهير |
الحمد لله على سلامتك ياراعي الذوق
وماتشوف شر والله يسدل عليك الصحة والعافية وصح لسانك ولسان الشاعر الماضي على القصيدتان |
ألف سلامة لراعي الذوق وعسى الله يشفيه مما أصابه
وصح لسانكم ياثامر الماضي وعبدالكريم اليوسف لاهنتو |
لابأس طهور بأذن وماتشوف شر ياراعي الذوق
وهذا ماعهدناه من أعضاء الرحلات الأخوه والتألف والله يديم على هالألفه يارب العالمين . وصحت ألسنتكم جميع . |
حمدا لله على السلامة أخي راعي الذوق الله يديم عليك لباس الصحة والعافية وعلى الجميع شكرا أخي ابوشعلان على هذه المشاعر الطيبة تجاه أبو محمد الحقيقة عبرت عن مشاعرنا جميعا وشكرا لراعي الذوق على الرد الجميل والشكر موصول للاخ صقر على المبادرة الرائعة |
عليكم السلام ورحمة الله وبركاته
الشكر لك يا ابو احمد على الموضوع الرائع والحمد لله على سلامة اخونا راعي الذوق وصح لسان الشعار ابو شعلان وراعي الذوق والله يجمعنا واياكم على كل خير ومحبه |
سلامات لراعي الذوق وان يجعل مااصابه تكفير لذنوبه وان يجمع له الاجر والعافيه
الشكر للشاعرين وصاحب الموضوع |
حمدا لله على سلامة اخونا الغالي راعي الذوق واجر وعافيه ولا اراك الله مكروه
شكرا لاخواننا الشعار ابو شعلان وراعي الذوق على القصيد الطيب الذي يدل على معدن اصيل لاصحابها شكرا ابو احمد |
الحمد لله على السلامة تغيب وتجي سالم
طهور بإذن الله |
بسم الله الرحمن الرحيم الله لايهينك يابو أحمد ... وصحت أبدانكم جميع ... ويعلم الله إنه فقيده في فترة غيابه ... (( وأسأل الله العلي القدير أن يجمع له بين الأجر والعافيه )) مشكور يابو أحمد وماقصرت ... ,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,, |
الغالي ابو احمد كل الشكر لك على هذه البادرة والشكر موصول للغالي ابو شعلان ولكل الزملاء الذين غمروني بحبهم لاعدمت هذا الاخاء اخوكم |
الحمدلله على السلامة يابو محمد ابو سطام
|
وعليكم السلام ورحمة الله وبركاته
مساجلة جميلة من شاعران مبدعين وماتشوف شر يابومحمد والحمدلله ع السلامة .. واعذرنا كانها متأخرة :o وصح لسانكم يالغالين :) محبكمـ عبدالله |
| الساعة الآن 12:03 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir