تخريب الطيور على الحمام
 

بسم الله الرحمن الرحيم

السلام عليكم ورحمة الله وبركاته ,,,,

كما نعرف ان الصقار الحريص على طيره ما يهدله حمام الا بالسنه حسنه لأسباب
1 ـ تضيع الطير
2 ـ مايبي يخليه شفق على الحمام بزياده
3 ـ وان الحمام مهوب مقياس لسرعة الطير وخاصه الطيور اللي صايده
4 ـ يملز الطير ويعوده على الترك
5 ـ الطيور الحرار مهيب حقت حمام ( بيقول قائل انا عندي حر سبوق جدا ) وهذا الكلام صحيح وانصح بعدم الأستمرار بهد الحمام للطير ( خاصه الحمام السبوق ) اللي هو السوادي

فهذي من اهم الأسباب اللي تمنع اكثر الصقاقير من هد الطيور على الحمام والأكتفاء بالتلويح والدعو من مسافات بعيده .

طبعا الأيام هذي او بالأصح السنين التاليه نشكي من قلة الصيد وتلقى راعي الطير كل يوم يلوح للطير وهذا شي يملل الصقار ويبي ايضا يشوف جناح طيره خاصه بالأرتفاع .

فلا مانع بان يهد طيره على حمامه وينتف من ذيلها وينتف من الخوافي خمس او اربع ويفك الحمامة ويخليها لين تبعد عنه قرابة 400 متر ويهد الطير عليها .
( طبعا الطريقه هذي نسويها كل عشرة ايام ولأسباب واهمها تغيير النمط اليومي للطير ، وقياس مستوى جناح الطير لكي تضمن جاهزيته للهدد .

وعندي نصيحه وانا اول من يطبقها ان شاء الله اعتبارا من السنه القادمه ان شاء الله .
طير الحبارى خله على الشلو الين يلعب معك حول 70 او 80 واعتبره جاهز للهدد .
اشتر لك فرخ شويهينه بــ 1600 والعب بها على هالحمام واستمتع ولا تعرض طيرك الفاعل ( طيرك الرسمي اللي محتفض فيه وتقرنسه كل سنه ) للتخريب .

هذي معلومات تهم الصقار واعذروني على التقصير لضيق الوقت

وان كان هناك اي خطاء فيجب تعديله بمشاركه هادفه نستفيد منها
او ان كان هناك سؤال فأنا مستعد

وشكرا

اخوي ثهلان ابوشعلان الرحاله

شاكر ومقدر مروركم الذي يزيدني شرف

وشكرا

مشكور يابو محمد ياشيخ الصقاقير
الطير الحر مثل الفارسى والصافى والشامى والجرودى حرام أتهدلة حمام
وأنا معاك أن طير الحبارى حرام يخرب علشان حمام
أنا أفضل ألاعبة بالملواح أو أهدلة بط خضارى أطيار
واللى يبى يتمتع بالحمام علية بالشيهانة الفرخة البحريةالتبعة
واللة يعطيك العافية يابو محمد.

هلا بك يامجبور

وكلامك في محله

ولآمانع من فك الحمام للطير ولآكن كل عشرة ايام على الاقل ..... منها الطير يشفق على الهدد على الحمام ومنها مايملزه الحمام

وبالتوفيق

الله يعطيك العافية علي هل مواضيع

وصحيح كثرة هد الحمام يخرب طبوع الطير وفيه بعض الصقاقير يخرب طيره تلاقيه مايهد الا سوادي والطير يطرح وتبدا المشاكل فلمفروض الصقار مايهد حمامته الا اذاهو عارف ان الطير يبي يطرحها وكلامك عين الصواب تاخذلك فرخه وتوسع صدرك فيها وتقنص كراوين باخر الوقت فيها
ونا نضامي ياطول العمر ملواح الين ترتفع لياقة الطير شوي يعني 50ـ60 وافك حمام منتف علي شوي شوي .

s3od_797

شاكر لك مرورك الكريم
وكلامك عين العقل وفي محله
وهلا بك

مشكور؟؟؟؟؟؟؟؟؟

عزالله كلام مضبوط وطيب

مشكور ياالوافى عزام