|
أسعار بطاريات السيارات غير معقوله
اضطررت أثناء إجازة العيد لتغيير بطاريات سيارتين
سوبربان دينالي وكلفتني 350 ريال ( اخر مرة غيرتها كان قبل أقل من سنة ب 215 ريال ) نيسان سفاري وكلفتني 300 ريال ( اخر مرة غيرتها كان قبل 6 أشهر ( ليست نفس السياره ) ب 200 ريال أخبرني البائع بأن سعر البطاريات زاد من المصنع السعودي بسبب زيادة أسعار الرصاص اكتشفت فيما بعد أن الباعه استغلو زيادة أسعار البطاريات من المصنع لجني أرباح هائله سواء من مخزونهم السابق أو من زبائن محتاجين ( كحالتي أثناء عطلة العيد ) للأسف المصانع السعوديه لا تضع على البطاريات تاريخ الإنتاج ( لماذا ؟؟؟ الله أعلم ) قام صديق بشراء بطاريه مماثله لبطارية النيسان قبل يومين ب 240 ريال ( سعر البطاريه الجديده 290 ريال والقديمه 50 ريال ) نصيحة : لا تشتر بطاريه لسيارتك إلا من موزع معتمد ( تجنب محلات زينة السيارات ) تأكد من حصولك على سعر لبطاريتك القديمه لا يقل عن 50 ريال وأنت وشطارتك يا ليت إذا أحد اشترى بطاريه مؤخرا يفيدنا بتجربته |
البطاريات ضربت بالعلالي ياساتر
شي مهوب معقول أناركبت بطارية تقريبا قبل 6 أشهر ... كورية حسب نصح صاحب المحل السعودي يقول أفضل من بطاريات إي سي ديلكو الصناعة السعودية بس السعر والله ناسيه ... بس كانت مرتفعة أسعار البطاريات إن لقيت الفاتورة أبرجع وأعطيك السعر والآن إرتفعت زيادة يالله إنك ترحمنا |
أنا اشتريت بطارية من أشهر محل ببريدة ( البداح) ولا أعلم إن كان وكيل أم لا !! منو نوع اي سي ديلكو(110-آمبير) قبل حوالي سنة بـ 170ريال ، واشتريت واحدة أخرى نفس المواصفات قبل حوالي شهر 265 وخصم البطارية القديمة بمبلغ 25 ريال وطلعت علي بـ 240 ريال..
بصراحة ان ارتفاع أسعار البطاريات كان بشكل مذهل وخلال مدة وجيزة لم تتعد اسبوع قفزت من 170 الى 270 ... الآن وبعد هذه الفترة لا أعلم كم وصل سعرها . |
ارتفع سعرها تقريباً 30 %
أنا ركبت قبل اسبوع بطاريه ايسيدلكو ب 300 ريال معقولة قبل كنا نشريها 180 ريال .. واذا زاد 200 الله يعين على الجاي .. |
الغالي ماجلان لا عدمناك وهذا النصح وعساك على القوة يالامير أخوك |
بسم الله الرحمن الرحيم قبل أمس يوم الجمعة ركبّت بطاريه من نوع Js يابانية سعودية 100أميبر ... من شارع الريل ... البطاريه هذي جربتها من قبل وهي ممتازة جداً ... وعليها ضمان سنه على نفس المحل اللي أخذتها منه ... العام بشهر 10 آخذتها بـــ 220 ولكن المفاجئة :smailes26: إن السعر زاد 160 ريال ... وصار سعرها بـــ 380 ريال ... ولكن وش نسوّي غصبٍ علينا ماخذين ماخذين ... وقال الهندي خلّ البطارية القديمة بـــ 30 ريال ... قلت أها بس ركبها ولايكثر >>>> يقالي زعلان :mad: ... لأن عندي شلقة بطاريات وودي أبيعهن جميع ... عموماً مشكور أخوي ماجلان على فتح هالموضوع المهم ... ,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,, |
اقتباس:
وبالفعل شراء البطارية يجب أن يكون من نفس المورد أو الموزع وذلك لضمان جودة السلعة وكذلك صلاحيتها وتجنب الوقوع بالمشاكل أو الإستغفال.. أخوك.. أبو فهد.. :) |
الله يعين عليها بخير كل شي مولع نار يسهل الله الامور
|
هلا بالربع
انا امس مركب بطارية صغيرة للكورولا بــ 200 ريال وكانت قبل بــ 120 ريال وآآآآآآآآآآآآآآآآآآآآآآآآآآه يالقهر |
يأخوان ماأقول إلا الله يستر ... اسهم حمراء .. كثرت الأمراض .. غلاء الأسعار .. عدم هطول الأمطار .. والكثير الكثير .. الله يستر .. يقول الله تعالى {فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً} [نوح:10-12] جزاك الله خير أخوي ماجلان |
بسم الله الرحمن الرحيم اليوم إتصل علي واحد من الربع وقال : غيرت بطاريه للموتر وإلا لا ... قلت أبشرك غيرتها وخلصت ... قال : ياليتك صابر شوي ... قلت : ليش ... قال : فيه واحد يصلح البطاريات:smailes26: ويعطي عليها ضمان 6 شهور ... قلت : مافات إلا الشر نصلحها ونركب بطاريه ثانية للسياره ... ويقول : إنه ياخذ على الأمبير ريال واحد فقط يعني اللي بطارية موتره 100إمبير ياخذ عليه 100ريال ... وإن شاءالله أخذ وصف موقع اللي يصلح البطاريات وأعطيكم إياه ... للفائده ... ,,,,,,,,,,,,,,,,,,,,, تحياتي ,,,,,,,,,,,,,,,,,,,,,, |
انه مثلك اشتريه وحده 95انبير بي 470ريال باقدر ياباني وكان سعره قابل شهر 390 الله المستعان الضروره
|
جزاك الله خير يا ماجلان
ابوشعلان عساك حصلت الوصف بارك الله فيك |
اقتباس:
:confused: الله لا يهينك الوصف علشان في واحد من اخوياي يبي يغير البطارية حقته |
اقتباس:
اقتباس:
هلابكم جميعاً ... وآسف على التأخير يابو بدران ... الوصف: صناعية الدائري مخرج 18 ... أخر محل في آخر عمارة وأنت مع الخدمه وجهك غرب ... المحل مكتوب عليه (( نعيد الحياة للبطارية )) ... وإذا كان الوصف غير واضح أرجو إبلاغي ... ,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,, |
| الساعة الآن 08:41 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir