منتديات الرحلات - ليش ما نكنس البر *** بواسطة شعف

منتديات الرحلات (http://www.alrahlat.com/vb/index.php)

- البيئة والحياة الفطرية (http://www.alrahlat.com/vb/forumdisplay.php?f=60)

- - ليش ما نكنس البر *** بواسطة شعف (http://www.alrahlat.com/vb/showthread.php?t=495)

ليش ما نكنس البر *** بواسطة شعف

الموضوع الأصلي بواسطة شعف

اقتباس:

المشاركة الأصلية كتبت بواسطة شعف (المشاركة 2864)

السلام عليكم ورحمة الله وبراكاته

اقتباس:

المشاركة الأصلية كتبت بواسطة شعف (المشاركة 2864)

حياكم الله يالرحالة

كثر في الآونة الاخيرة التشكي من وصاخة البر يعني ذالي ينطلون خمامهم عقم مايكشتون الله يهديهم

طيب انا عندي فكرة

ليش مانكنس البر وننظفة ؟

طبعا انا ما أقول اطلع من الدوام وخذ معك مكنسة ورح لروضة نورة وأكنسها كلها

لا لا

مهوب هذا قصدي لأن مكافحة المخدرات بيمسكونك متلبس

بس يكون فيه زي الحملة نطلقها من منتدانا وبيتنا منتدى الرحلات

يعني كل واحد يطلع البر في أي مكان

يجمع الي يقدر عليه من الخمام (الله يكرمكم)

يعني انت الحين طالع البر ومنزل صورك انت وربعك والمناظر الافكار والاحداثيات
والربيع وغيره

طيب زد صورة وحدة عن الخمام الي جمعته (الله يكرمكم)

وطبعا تكون عادة في أي موضوع ننزلة أو اي رحلة نخصص لو جزء بسيط من الموضوع لسالفة التنظيف هذي

حتى لو كان شوي

طبعا ماراح تكون شغلتك تنظيف البر مع ان الواحد وده يكون مثالي للدرجة ذي بس ماراح نقدر

لأننا أوادم ودنا نوسع صدورنا

بس لو خصصنا لو نص ساعة نجمع فيه بعض الخمام (اكرمكم الله)
خصوصا الي جنبنا يعني القريب لا تبعد ابد

أنا متأكد ان هالطريقة بتجيب نتيجة حتى لو معنوية يعني يكون الواحد على الأقل قدم لو شي بسيط لهلأرض

أتوقع الفكرة جديدة يمكن غيرنا ماسواها
خلونا ناخذ السبق والمبادرة

يعني ناخذ الموضوع بجدية شوي

وأنتم ابخص

أخوكم مجمع الخمام الكبير
شعف

عضو فريق ذيابة الخمام قصدي ذيابة العتش
المحرقة قصدي ثادق

ليش ما نستفيد من المدارس؟؟؟؟؟؟؟؟؟

اخوي شعف... تحية طيبة.. وموضوع ممتاز

الفكرة حلوة ... واذا ممكن تقبلون اقتراحي ..
ليش ما نستفيدمن المدارس وحلقات تحفيظ القرآن ..

يعني الحين حنا في موسم الطلعات والكشتات..
واعرف بحكم خبرتي السابقة مع الرحلات النشاطية الطلابية ان اصحاب جماعات النشاط الطلابي يتحمسون بسررررررعة :d وبعدين يأخذون الموضوع من ناحيتين:
1- اماطة الأذى عن الطريق(والأجر اللي فية).
2-حماسهم للعمل الجماعي .

فلو نحاول نبدأ الموضوع اولا مع كم حلقة تحفيظ قرآن... كم مدرسة من اللي في القرى بحيث.. ان كل قرية تطلع طلابها للروضة اللي قريبة منهم .. أو الشعيب اللي حولهم.. ويكون بشكل اسبوعي لمدة ساعة تنظيف وبعدين البرنامج العادي للرحلة.

واذا نجحت الفكرة نقدر نطرحها السنة القادمة على مدير النعليم بمنطقة الرياض.. لاكن... يكون معنا تجربة عملية .. وارقام وحجج قوية لاقناعة..

وارجو نقل الموضوع الى منتدى البيئة لإشباعة نقاش وبحث

دمتم

مصور فريق ذيابة العتش
فيحان=ثادق

سلام

سلومي اشكر مرورك

وشركة ارامكوا قامت مشكورة بتفيذ مثل هالفكرة في الثمامة قبل اسبوع تقريبا

وإن شاء الله يكون للمنتدى استكر او شعار حملة للنظافة على طول السنة

على فكرة فيه قناة جديدة اسمها بيئتي وهي مهتمة بالبيئة والطبيعة وهي قناة سعودية خاصة

فمان الله