منتديات الرحلات - ///شوركم ياالاجاااويد با الباترول 2006 /2007 /2008 بشكل مفصــــــل رايكم يهمني ///

منتديات الرحلات (http://www.alrahlat.com/vb/index.php)

- السيارات وتجهيزاتها (http://www.alrahlat.com/vb/forumdisplay.php?f=46)

///شوركم ياالاجاااويد با الباترول 2006 /2007 /2008 بشكل مفصــــــل رايكم يهمني ///

السلام عليكم
كيف حالكم يا اخواني عساكم بخير .

ودي اسئلكم كم سؤال عن الباترول وحبيت اخذ رايكم فيه .

س/ وش رايكم بالباترول بشكل عام من ناحية القوة والعزم وفعله على النفود والبر والاماكن الوعرة وشديدة الوعورة ....!!!

ومن ناحية الصيانة وقطع الغيار و ايجابياتة وسلبياته وصرفه للبنزين !!!

وتنصحني اخذ باترول 2007/2006 مستعمل سوبر سفاري

وكم تتوقع أسعاره !!!!

وش أفضـــل الالوان

الاسود العودي اللؤلؤي

"" أتمنى اني ما ثقلت عليكم بالاسئلة ""

ياليت تجيبون علي بسرعة لأني في حيره ..
//////////////////////////////////////////////////////////

وش رايكم في باترول سوبر سفاري كاش او جي اكس ار 8 سلندر تقسيط لمدة خمس سنوات

اذا كنت راعي بر وراعي طورقة فالباترول أفضل.
أما اذا كنت قليل الذهاب الى البر فالكروزر افضل وأفخم .

بالتوفيق وبارك الله فيك.

اخي الغالي

الباترول من السيارات الممتازه جدا خاصه في الرمال

العزم ممتاز جدا ولكن البنزين ازود من غيره شوي قصدي الاند

قطع الغيار في نظري مثل غيره من سيارات الدفع الرباعي (فرق بسيط) اكثر او اقل

ايجابياته كثيره وسلبياته تتمثل في نظري (باب الشنطه يطلع اصوات, رجه الدركسون عند سرعه 80 الى 110 )

بنظري تشتري جديد 2008 سفاري 2 افضل من المستعمل

اللون : افضل اللؤلؤي

والكاش احسن من التقسيط

والله اعلم

مبارك مقدما وترا الاقبال عليه واجد بعد تغير الاند

بسام

الله يبارك لك مقدماً

ونا راعي لاندكروزر

والباترول طيب

السنة هذي الاقبال على الباترول بشكل رهيب ومن واقع يومي

وبخصوص البر والجيب انا اروح النفود كل اسبوع وابي جيب يطربني واخذه بأسمي كاش احسن من فكسار مذلة بنك

كم تتوقعون سعر السوبر سفاري 2007 2006 ممشاه الى 35000

رررررررررررررررررررررفع

سيف الظفير.. هلا وغلا
وحياك الله..

من ناحية العزم والقوة نفود وبر ووعر فالباترول ماشاء الله تبارك الله يبيض الوجه ، بالصدفة قابلت واحد مرة (بنبان) معاه سوبر سفاري 2007 مجهز تجهيز قوي مساعدات + يايات + تانكي بنزين إضافي كبير + عدد 2 تانكي ماء واحد منها مفصل على السلة العلوية + تسليك اجهزة + ثلاجة + اضف الى ذلك الاغراض الباقية تخيل حمولة خيالية بمعنى الكلمة ومع ذلك يمدح الجيب والله يبارك له فيه.
من ناحية الصيانة وقطع الغيار فحاله حال أي سيارة دفع رباعي مع الإستخدام تطلب وتوقع إن قطع غيارها نوعاً مّا مرتفعة حتى استهلاك الوقود ببساطة لأنها فئة دفع رباعي.
من ناحية أسعار موديلات 2007 و 2006 فنجدها مقاربة للجديد فالأفضل إنك من البداية تاخذ لك جديد.
من ناحية اللون فالأفضـــل بلا منازع اللؤلؤي يليه العودي والأسود هذا بالأخير لأن اللون الأسود عذاب.
من ناحية الشراء فالأفضل الكاش ويكون التقسيط لأمور أهم من كذا يعني أرض بيت أو غيره وهذه نصيحة واحد توه مخلص سنة وباقي له 4 سنوات.

وأخيراً لا تنسى الإستخارة والله يرزقنا وإياك الخير
أخوك.. أبو فهد..

:)

اقتباس:

المشاركة الأصلية كتبت بواسطة ع.ف.الدرويش (المشاركة 61069)

سيف الظفير.. هلا وغلا
وحياك الله..

من ناحية العزم والقوة نفود وبر ووعر فالباترول ماشاء الله تبارك الله يبيض الوجه ، بالصدفة قابلت واحد مرة (بنبان) معاه سوبر سفاري 2007 مجهز تجهيز قوي مساعدات + يايات + تانكي بنزين إضافي كبير + عدد 2 تانكي ماء واحد منها مفصل على السلة العلوية + تسليك اجهزة + ثلاجة + اضف الى ذلك الاغراض الباقية تخيل حمولة خيالية بمعنى الكلمة ومع ذلك يمدح الجيب والله يبارك له فيه.
من ناحية الصيانة وقطع الغيار فحاله حال أي سيارة دفع رباعي مع الإستخدام تطلب وتوقع إن قطع غيارها نوعاً مّا مرتفعة حتى استهلاك الوقود ببساطة لأنها فئة دفع رباعي.
من ناحية أسعار موديلات 2007 و 2006 فنجدها مقاربة للجديد فالأفضل إنك من البداية تاخذ لك جديد.
من ناحية اللون فالأفضـــل بلا منازع اللؤلؤي يليه العودي والأسود هذا بالأخير لأن اللون الأسود عذاب.
من ناحية الشراء فالأفضل الكاش ويكون التقسيط لأمور أهم من كذا يعني أرض بيت أو غيره وهذه نصيحة واحد توه مخلص سنة وباقي له 4 سنوات.

وأخيراً لا تنسى الإستخارة والله يرزقنا وإياك الخير
أخوك.. أبو فهد..

:)

سالم وغانم يا ابو فهد بيض الله وجهك وبارك الله فيك يا القرم يا نسـل الزحول

جزاك الله خير على هالمرور والمعلومات القيمة .