|
بعد المعاناة - حصلت مظله وذفه
السلام عليكم ورحمة الله وبركاته تحية طيبه - كنت أطلع للبحر وكان معنا خيمه صغيره يمكن شفتوها في بعض المواضيع، لها سبعة أعمده، ونصبها عذاب، وكنا نتحمل تعبها، ما عندنا بديل والشمس حاره عند البحر في الصيف لا بد من الظل. تركنا الخيمه الصغيره وغثاها وصرنا نستعمل شراع بلاستك أخف وأسهل لكن الظل صغير وتربيطه عناء والهواء ما يخليه يثبت حتى نشد عليه بقوه بالحبال، وتمشي الأمور، ريحة أبو على ولا عدمه تقطعت أطراف الشراع من المكان اللي نربط فيه الحبل، واسترخصت واشتريت شراع ثاني ب 8 ريالات أكبر شوي من عند محلات مواد البناء، وهذا الشراع له ميزه فريده وهو اذا نصبته وجلست تحته والهوا البحري يهب، ما تسمع رفيقك كود انك تستخدم الأشارات، عليه صوت مزعج تقول كانك تطبل في تنكة تمر، خسارة الـ 8 ريال مثل بعض الهدوم لبسه واحده. أخر مرة اشتريت قلع 3 في 4 بـ 60 ريال وهذا الطربال امتاز بالعناد وتحجر الرأس ويقول اذا انت ولد أبوك أربطني، ومثل ما توقعت الهوا يشده منا ونحنا نشد بالحبال من الجهة الأخرى، مصارعه، كرهنا البحر ذاك اليوم، تقطعت أيدينا من كثر الشد وتربيط الحبال بالأسلاك اللي نحصلها منطوله عند البحر، عاد مشينا الأمور في ذيك الطلعه وفي اليوم التالي جا على بالي مظلات كنت أشوفها في بنده في قسم أغراض البر والرحلات، قلت ياولد ازرق لبنده وشوفها. جميع مستلزمات البر في الأسواق الكبيره ليست بمستوى المحلات المتخصصه كالسنيدي، ولكن قد تجد انت بعض الأدوات اللتي تفي باحتياجاتك ولو لفترة قصيره من، كهذه المظله سهلة التركيب خفيفة الوزن علاوة على منظرها الجميل، اشتريتها بمبلغ 279 ريال من سوق بنده ونصبتها في أقل من خمس دقائق ان لم اكن مبالغا. الصوره أخذت أول ما رزينا المظله، لاحظوا المكان نظيف والبلديه وضعت براميل الزباله، يمكن علشان الصيف، شي جميل المظله لها عراوي في الأركان لربط حبال التثبيت اذا لزم الأمر وكان الهوا شديد، ويمكن تقصر قوائم المظله وتصبح على مستوى منخفض بمتر واحد عن اللي في الصوره. البحر كان خالي يوم أمس الخميس بسبب الأختبارات والجو كان لا باس هواء خفيف ومنعش ولكن الشمس حاره والبحر شارد اي به جزر، كان معي أبو فواز وصديقي في العمل أبو سعد والحمدلله ارتحنا من المعاناة اللي في السابق وحكرت الكبسه وهذي الكوسه والبطاطس تعلمتها من المنتدى وربعنا في القصيم ولا اهل الحجاز ما يسوونها. تعرفون ان المره السابقه نسينا الرز والزيت وصلحنا ايدام بدال الكبسه والمشكله ان قائمة أبو علي معنا كلش تمام المره هذي ما نسينا حاجه، لكن نسينا نملح الكبسه اللهم لك الحمد، اللهم ادمها نعمه واحفظها من الزوال، كانت طلعه حلوه للبحر، أحلى ما فيها هذه المظله الوذفه شكرا لمتابعتكم |
الأخ الغالي مهراس
السلام عليكم ورحمة الله وبركاته مبروك المظله حاجه 100% والغداء ما شاء الله شكله لذيذ الله يهنيكم انت في اي ساحل شكله حلو أخوكم الأحنف |
وعليكم السلام ورحمة الله وبركاته ماشاء الله يامهراس سلسلة تجارب صعبه وشائقة انتهت بمظلة جميلة وثابته لكل مجتهد نصيب شكراً لك على طرح التجربه المفيدة |
هلا بك اخي مهراس
المظلة هذي جميلة وسهلة التركيب انا اشتريتها علشان اغطي فيها مسبح الأولاد لكن مرة جاء هواء قوي وطيحها وانكسرت حديدها خفيف مرة جيت اعدل وحدة من المواصير انكسرت في يدي |
الأحنف المنقري:
هلا بأخي العزيز، شكرا على المرور واعجابك بالمظله، هذا المكان على طريق مدينة البحيرات بعد ابحر الشماليه، وله كذا اسم، ناس تسميه خليج سلمان وناس تقول عليه البحر المفتوح، تقبل كل الأحترام. عمار السفينه: يا مرحبتين كبار بالغالي، نورت الموضوع، والحمدلله انا ارتحنا من الصداع شوي، بارك الله فيك على مرورك العطر مريقب العيفار: نعم جميله وسهلة التركيب ولكن ليست قويه حقة خواجات بالحديقه، واحتجت اني اثبتها في الأرض بالحبال، وعند فكها لازم تداريها لأن حديدها مثل ما قلت خفيف، تسلم يا بعدي على الحضور المميز. |
الله يبيض وجهك يا مهراس بصراحة المظله روعه وأنا مجربها من الموسم الماضي قد أشتريتها 262 ريال من الظاهر كارفور وسهله وفيها ميزه تقدر تركب فيها لمبه من داخل وتصير مظله غرفه في آن واحد كذلك تقدر تخليها خيمه بحيث أنك تأخذ رواقات صغيره وطولها 9 متر وتخلي الرواقات تدور على المظله من برى وتصير أروع من الروعه تراي يا أخوك مجرب |
تستاهل كل خير يابوفهد
ماشاء الله المظله مبروكة الله يوفقك... تقبل تحياتي,,,,,, |
الغالي ابوفهد ماشاء الله عليك الصراحه مظله روعه ونصبها سهل جدا ولاتأخذ حيز عند التصفيط جزاك الله خير |
السلام عليكم
جميل والله وعندي شبيه واليك الرواق التالي جانبي وسقف كان معنا في رحلة الى التنهات والمطر طول الليل يقصل ( ينزل ) وما ضرنا باذن الله شيء كنه ( كماه ) :):):) http://www.alrahlat.com/vb/uploaded...1210506286.jpg طبعا تنزاني شريته من محل وفصلت عند حقين الغرابي على مزاجي تقبل احترامي اخوك ابو عبدالله |
مشكور اخي مهراس
موضوع جميل ومفيد ومداخلات الإخوان زادت من أهميته وفائدته. بارك الله فيك. |
وعليكم السلام ورحمة الله وبركاته - ماشاء الله - الغالي أبو فهد .. دائماً تتحفنا بالجديد والمفيد http://www.alrahlat.com/vb/images/icons/icon14.gifhttp://www.alrahlat.com/vb/images/icons/icon14.gif حقيقة مظلة رائعة جداً وليست كباقي المظلات وتصلح في أيام الأمطار لأن سقفها اهرامي ..http://www.alrahlat.com/vb/images/icons/icon14.gifhttp://www.alrahlat.com/vb/images/icons/icon14.gif بارك الله فيك وجزاك الله خير الجزاء على الإفادة تقبل مني خالص الود والتقدير والمحبة أخوكــــــــ عبدالله :) |
جميل يا بو فهد
وافكارك كلها ذوق ما شاء الله عليك |
ألف شكر اخوي مهراس
لاهل الساحل مهمة جدا لاهنت |
مبروك مهراس وعساك على القوه
|
أبو تركي11:
نعم الروقات ضروريه الى مالت الشمس بعد الزوال، ولكن هل يصلح عليها الرواقات اللي تباع في السوق أشوفها ثقيله على المظله، شاكر لك المرور والأيضاح، البارق: وانت تستاهل أكثر شكرا على الحضور والتنوير. Bassam: نعم أهم شي ما تاخذ حيز عند التصفيط، أسعدني ردك يابو محمد سرهيد: حلوه مشاركتك يابو عبدالله والرواق مع المظله حلو الله يعطيك العافيه على الصوره أيضا. صقر: تصلح اذا رحنا مصر نحطها على البلاج، خخخخخ، يمكن ابو صره ياخذوا عليها جمارك أكثر من سعرها، شكرا على المداخله يابو أحمد. a.k.h: انت منور الموضوع بهذه المشاركه، شكرا لك على الوصف والتنويه. المربد: انت كلك ذوق انك تمر على هذا الموضوع، والله زمان عنك يابو يوسف وعن روحك المرحه، تذكرت ايام المحازه يوم شفت صورتك في تكريم المالكي. حفظك الله. راعي الشاص: هلا بأخونا الغالي، نعم ما تصلح هذه المظلله الا في الساحل، جعلك تسلم على هذا الرد. السيد عربي: الله يبارك فيك، وأهلا بالعربان كلهم، شكرا على تشريفك. |
| الساعة الآن 04:54 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir