|
شفت زي هـالـربـيـع شـفـت زي حليب هالخلفة شفت وشفت ... لايفووووتك ... مع راعي الهـــدد
بسم الله الرحمن الرحيم بتجاه شرق سحمه وشرق شمال منها بعد الين طلعنا على الخليفية والرجوع من طريق الدمام والهدف الأكبر زيارة أخ غالي هناك والبحث عن الكمرة المفقوده والحمدلله وجدناها وبحكم أن الأخ الغالي شبح الصحراء طلب مني أن انزل موضوع وصور بمناسبة العثور على الكمرة فتلبية لطلبه اليكم هذا الموضوع المتواضع --------------------------------------------------- @@@@@@ صليت فجر الخميس والعزبه والمةً في الجيب وعازم على المرواح يم رفيقاً عزيز علي حيل حيل عند ابله دايم يتصل يعزم ويطلب المجيء يمه وهذا ليس بغريب عليه يكفي انه من صبيان اعتيبه الحرار ذباحة الحيل ورّادة المنايا المهم تولمت ويالله ياكريم انك توصلنا سالمين غانمين واتفاجأ بتصال من أخ عزيز وغالي على قلبي يقول يابو حمد تكفى فزعتك قلت خير يابو صالح عسى خير قال واحد من الربع اولده طلع من زواج البارح وطاح عليهم ولا عاد يآكل ولا يشرب ابد والحين في مستشفى الحرس بالرياض وعلى مغذي والدكاتره يقولون مابه شي قلت وش تبي اسوي له آمرني قال ابيك تروح معي كود الله ينفع بالقرآءة عليه قلت يابن الأجواد رح يمه وانفث عليه واستعن بالله ولاتعجز ووالله اني الآن محمل عزبتي نبي نمشي لبن صالح في شرق سحمه المهم خشيت ان اكون قد خذلت مسلم في موطن يحب فيه نصرتي ومساعدتي قلت سم نروح يمه واتصلنا بوالد الطفل الذي لايبلغ 13 سنه قال انا ما اقدر اقابلكم الآن بعد العشاء اقابلكم عند الولد ان لله وانا اليه راجعون قلت سم هالسبوع لك يابو صالح ولايهمك لو ما امشي الا الجمعه والحمدلله على كل حال والله يسخرنا لنفع المسلمين المهم بعد العشاء وبعد طول انتظار قابلنا والد الفتى النجيب الوسيم وسبحان من أعطاه تلك النجابة لا اله الا الله وحقيقة الولد لم يبلغ 13 سنه ولكن تلمس فيه النجابة والرجولة شي لايصدق والعين حق ولا اشوف الا ان به عين المهم يسر الله وقرينا عليه شي من القرآن ومشيت من عنده اليني تعبان وحالتي حالة وتصور معي القسم قسم أطفال وكل المرافقات نساء ونشبنا بأنفسنا كل وحده تقول تكفون اولدي معه ربو ونازل على رئته والثانيه اولدي عمره سنتين ومعه ضغط لا اله الا الله الله يشفي مرضى المسلمين ويالله ولا طلعنا الا بعد تعب عسى الله يكتب الأجر المهم رحت للبيت وريحت ويوم صليت الفجر يوم الجمعه والشكوى لله وش تبي نسوي هذا حق الفزعات ههههههه وجهت موتري وربعي الي معي واتجهنا مع الطريق المناسب لمكان ابو محمد جنوب شرق سحمه المهم وقفنا للتزود من الوقود وأخذ النواقص من محطة العمانية او البعض يسميها حزوة العمانية وكما تشاهدون الأشهب ماشاء الله لااله الا الله يآخذ حقه من البنزين ولابد نشقر على البقالة تخبرون مثل هالبقالات تحصل فيها شي نادر ومتكدس عندهم ولاتحصله في الرياض مثل بعض نوعيات الأباريق او الأشياء الي تهم الرحال ولكن انتبه لاتنزلون كلكم وتخلون الموتر مابه احد تكفون انتبهو وهذي بقالة العمانية وكان للفاكهة نصيب في طلعتنا ولابد منها يا أخوان لأنها تعطي الجسم طاقة وغذاء يكفيه وسوائل كافية المهم وصلنا الغالي ابو محمد وياسلام سلم ابل شوفتها تشرح الصدر وأوجيه تجمل بالعلوم الطيبة ويوم جينا الا والله هاك الناقة الي على جنبها تحن تبي تولّد وصار اعسرها الحويّر وتفككت من علاوي الفخذ وطاحت وانكسرت ويالله وش حلها عاد مالها الا الجزار ويالله لك الحمد تعتبر هالناقة من اطيب البل عندهم والله يعوض انضر اليها ساقطة على جنبها وشف كيف حياها مورم وهذا دليل قرب الولادة عند الناقة ولكن بعد كسرها ازداد بشكل غريب فتحول الى أذى بعد هذا كله وبعد الجولة التفقديه صارت معركه بيني وبين ابو محمد هههههه الا بيذبح وبيفعل ويترك واناواياه والحمدلله تم الأنتصار عليه بعد تهديد بعدم القدوم عليه مرة أخرى إن فعل فانتم شادين بابلكم وحنا طبينا عليكم بدون موعد ولابينا رسميات ونبيها على الراحة وطلبتكم طلبه اضبط غداكم وابو محمد رجل يقدر طلبات الرجال شرواكم ولايردهم فنزلت العزبة وضبطت الغداء ولكن لا أخفيكم صور الغداء وكبستنا اعذروني عن تتنزيلها لأني اول مره اشوف أن العين تصيب من ورى الشاشة هههههه عقب الموضوع الأول الي طرحته على العموم الجايات اكثر تغدينا ووسعنا الصدر ويوم صلينا العصر وحنا في مكان صلاتنا جبت القهوة والشاهي الي شبيت عليها قبل من نصلي وزليت القهوة وجيت بها ويالله ما أحلاها من جلسة اقسم برب العزة اني ماسعدت كثر سعادتي بهذه الجلسة يالله الجنة حليب خلفه وتمر واقهوه وشاهي وش تبي بعد ماناقصك الا .... هههه اخاف اقول وش ناقص ويحذف الموضوع كله هههه ياربي لك الحمد شف الرغوه بس واشكر الله والله الصحة والعافية والنشاط أحم احم سلم لي ابو محمد الطاسة وهذي عادة العرب في تكريم الضيف اول من يشرب هو وهذي صفة طيبة حيل ههههههههه الله لايقطعنا منها هههه وتفاجـأت اني شربت ثلثين الطاسة وانا ما ادري من زين الحليب وريح العشب يشق خشمك شق شق شق هههه استحيت ونزلتها مثل ماتشوفون تــــــــــــابــــــــع >>>>>> ارجوك لاترد تكفى طلبه ثواني وينزل بقية الموضوع تــــــــــــابــــــــــع >>>>>> |
مــــتـــــبــــــوع <<<< وقبيل المغرب اعصير رحنا يم مراحهم الين البيت قد بنوه وكل شي تمام وجلسنا فيه اقبال عود هالأرطى الي يطربك ريحه ياسلالالالام سلّم ونكمل السوالف والقهوة وكل علم غانم http://www.mekshat.com/pix/upload/im...mk33838_5d.jpg وهذي صورة أخرى خلها تطربك ياغالي حياة اتمنى الرجوع لها والسلامة من المدنية المقيته http://www.mekshat.com/pix/upload/im...mk33838_9d.jpg وهذي من جهة أخرى وشف زين هالمعاميل وزين الترتيب http://www.mekshat.com/pix/upload/im...mk33838_7d.jpg وهذي أرجاحه ونوتر بها http://www.mekshat.com/pix/upload/im...mk33838_8d.jpg وكان لابد لنا من جولة على ربيع هالمنطقة ويعلم الله يا أن ربيعها هوى كل راعي ابل تخيل ربله وخزامى وشكاعي وشوي رمث وش بقى كل هذي تشط في سنام الناقة واليك الصور http://www.mekshat.com/pix/upload/im...k33838_15d.jpg واليك الأخرى لعشان مايقال راعي الهــدد يتعمد يدور الأماكن الزينه ويصورها والله يالربع انها من هالشكل وأزود http://www.mekshat.com/pix/upload/im...k33838_16d.jpg المهم رجعنا مرة أخرى لبيت الشعر وحنا جالسين وشوي الا والله هاك الولد الي ماودك الا تنضر فيه معتصب بالعمامه وفي يمناه الطاسة لالالا ما اصدق والتفت على ابو محمد قلت ابو محمد قال سم قلت ارفق علينا تكفى ترى ماحولنا احد ههههههههه والديرة بعيد بعيد (( وصار عيارة مايصح نقولها هنيّا )) ضحك الين انشقت لحيته فرقين وقال اشرب اشرب وترآه عافية وصحة يابو حمد http://www.mekshat.com/pix/upload/im...k33838_11d.jpg لاوبعد حليب خلفة وتمر وربيع يعني على طول يحول في شغايا بطنك ههههههه امزح ترى مانيب سمين وش بقى يالله لك الحمد والشكر http://www.mekshat.com/pix/upload/im...k33838_10d.jpg صلينا المغرب والعشاء جمع تقديم وتقهوينا عقب الصلاة وخذنا شوي وبحكم ان ورآنا دوامات وحوسة قلت نضبط العشاء مبكر ونرجع بدري واخلي قدر الضغط يتستس له شوي على ذيك الكبسة تقولون كبسه في الضهر والليل اقول هذا طلب ورغبة الربع http://www.mekshat.com/pix/upload/im...mk33838_6d.jpg وفي الختام المعذرة على التقصير والحوسة الي تشوفونها في الترتيب فالذهن مشغول هذا ولد ياناط على ارجولك او ناشب لك يبيك تكلمه وتعطيه وجه او جوال داق او لزوم لابد تقضيه او خلها على ربك عموماً تقبلو محبتي وتقديري لكم يأعضاء ومشرفين وزوار ياشقردية ياقرووووم والله لايحرمني منكم ومن طيب كلامكم وحسن أدبكم يالله ياربي اغفر لي ولهم وادخلنا جناتك جنات النعيم محبكم ابو حمد وانتضروووو ... القاااااااادم .... القاااااااادم ..... تحت التجهيز والإعداد .. |
الحمد لله على السلامة
ماقصرت يابو حمد اسلوب جميل وتصوير رائع ودخلتني جو وكني معكم :) مشكور وبارك الله فيك |
مبارك لك .
وتلك نعمة من نعم الله التي لا تعد . وتقرير حقيقة رائع .. لك كل شكر أخي |
ابو حمد انت تقول
وفي الختام المعذرة على التقصير والحوسة الي تشوفونها في الترتيب وانا اقول خلك على هالتقصير ولا تغيرة اذا كان يبي يعطينا مثل هالتقرير |
تقرير وسرد جميل أخي راعي الهدد
والصور لم تظهر لي ... أرجو تحميلها مرة آخرى شكرا لك |
بسم الله الرحمن الرحيم هلابك يابوحمد ... ماشاءالله عليكم ... وعز الله إنك صدقت ... ( ربيع _ وحليب خلفات _ وقهوه _ وتمر ) وش خليت ... والله لوني منكم ماأفكر بالكبسه إلين أرجع ... عموماً الحمدلله على السلامة ... والله يعطيك العافيه على هالتقرير الرائع .. والإسلوب المميز ... لاهنت يالغالي وبيض الله وجهك ... وننتظر المزيد ... من كل جديد ... ,,,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,, |
ابو حمد
ابو حمد ابو حمد الله يهديك قل امين شبيت اقلوبنا كان نزلت الصور قبل ما يحتر الجو الله يوفقك ومشكورين على التغطيه الرائعه وعلى قولت حمد السعيد (((((((( فالك الربيع )))))))) سلا111111111111111م |
مشاء الله تبارك الرحمن
الاخ الغالي
ابو حمد السلام عليكم اخي الكريم الله لايحرمك الاجر والمثوبه وان يرزك علي قدر نيتك امين موضوع بيني وبينك مدوش مره ماندري نتابع الصور الله لا يضرك امين او نقراء ماسطرته يمينك الكريمه ولكن يبقي الكبير كبير اخوك خشم الحصان ............... نغزه........... رفيزك قريب او بعيد ودنا نتصبح بطويسه دقشه......... الله يخلف عليه بالناقه باخير منها صدمه........لو عطية بيت الشعر زوم وطلع كامل ........ كان مسكت |
اقتباس:
شاكر لك ياغالي المرور الطيب والله يغفر لك ووالديك شكرا لك |
ماقول الله لايخلينا منك ابو حمد..
ومثل ماقال العم ابو فراس..خلّك على هالتقصير..ولاتنزل.. أمتعك الله برؤية الحور العين.. والحليب عليكم بصحه وعافيه.. وجزاك الله خير..وبارك فيك.. راجع الخاص ابو حمد..ولاعليك امر يابن الكرام.. |
اقتباس:
هلا بالغالي الليل ياهلا بك والله شرفني مرورك وردك الطيب والله لايحرمنا من الطيبين امثالك تقبل مني المحبة والتقدير لشخصكم الكريم |
مشكور ياراعي الهدد علي ها اصور والله يهديك ولعتنا بالحليب وكثر من مشاركاتك بارك الله فيك
|
اقتباس:
ابو فراس اشكر لك المرور والرد والله يغفر لك ووالديك وشاكر لك ومقدر دمت بود |
والله أنك صادق الواحد ويش يبي حليب وفنجال وشوفة عطايا الرحمن تسوى الدنيا ومابه
أقول خلك على الحليب والقهيوه وبس تسلم أخوي وماقصرت على السرد الطيب والله يكتبلك الاجر فيما فعلت . |
| الساعة الآن 10:55 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir