يهل الولع قلبي تزايد فتوقه=مقصده يسج بديرتن مابه أسوار

من فوق شاص يعجب اللي يسوقه=مجهزينه للمقاطع والأخطار

مضف على كل الصحاري حقوقه=توه جديد كل طبلونه اصفار

أليا شلع تقول يرخي سبوقه =فرخ قطامي ورد بعد محدار

الطير والدربيل تزهي شنوقه=والعزبه اللي زودها بن وبهار

أمل التوناك لا تهمك عروقه=واضرب نهايته الخلا منت محتار

يحلا نسيم الصبح ساعه شروقه=بالفيضه اللي كلها نبت نوار

يزين بدع القاف بحلاء طروقه=يقفر خلا ما طبها كل دوار

أرم الحطب والناس كل وشوقه=وجد الدلال الصفر فمصالي النار

ثم احكر الفنجال ويزين ذوقه=بريه يطرب لها كل زوار

الصيد واجد والنشاما تحوقه=غزايز دايم سمينات وخيار

ارم النظر ما فيه شيء يعوقه=برض خلا ترتع بها دق الأبكار

العمر فاني والليالي تسوقه=والرازق الله والمخاليق قصار

ألـيـا شـلـع تـقـول يـرخــي سـبـوقـه ****فـــرخ قـطـامـي ورد بـعــد مــحــدار
صح لسانك

(يهل الولع قلبـي تزايـد فتونـه)فتوقه
نقل مميز بارك الله فيك وبعد اذنك تم التعديل على البيت الاول مشكور