رحلة عيد الاضحى المبارك
 

السلام عليكم ورحمة الله وبركاته أخواني وخويياي اللي بمنتدى الرحلات فاتكم قمت برحله بعيد الإضحى المبارك أعاده الله علينا وعليكم كل عام إنشاءالله جيت من إجتماع إعمومتي كاالعادة السنوي بعدين قعدت احتري اخوياي لمين جو لمي بالبيت لأني متشوق اشوف الناس وهم متماسكين بطريق قبه من كثر الكشاته المهم مالكم بالطواله نمنا بالنفود الدهناء بعد قلبي هو وشفنا درج حبارى بس ماليقناه للأسف المهم حطبنا من النفود همن قلنا نبي نشوف فيضة النايفية شرق إم عشر لقيناه مليانه عالم وإمة الثقلين وهجينا من عند شبك سلطان على ساموده الى فياض إعيوج لينه ولقيناه للأسف عالم وناس ماتقدر الربيع ومزعجين مره ديورنا ورجعنا لم فياض الحدقه اللي مابه لا إزعاج ونظافه وأحسن من فياض الإعيوج وإليكم هذي الصوره الأولى من عشاء اول ليله بالدهناء . وعذرونا على القصور هاذي الصور شوفوهن .

http://www.alrahlat.com/vb/uploaded1/b3da3eed1.jpg

هذي الوقده بعد العشاء تزين السواليف والجلسه والكبكبه من بعض الزملاء.
http://www.alrahlat.com/vb/uploaded1/b3da3eed2.jpg

هاذي يوم قضينا متعشين وبالعين منبهتين .
http://www.alrahlat.com/vb/uploaded1/b3da3eed3.jpg

في الصباح الجميل والعليل قمنا بالإحتطاب في ساحة الدهناء.
http://www.alrahlat.com/vb/uploaded1/b3da3eed4.jpg

هذي قيام بعض الشباب بالهبال شوي والمرح بالسيارة يسوي نافوره هههههههه
http://www.alrahlat.com/vb/uploaded1/b3da3eed5.jpg

إنهبل بزود ابو محمد
http://www.alrahlat.com/vb/uploaded1/b3da3eed6.jpg

ابو ريان طير شلوى يجمع الحطب مصرف ههههههههه
http://www.alrahlat.com/vb/uploaded1/b3da3eed7.jpg

هذي بدايات بعض الأماكن اللي أول شرق إم عشر فياض صغيره .
http://www.alrahlat.com/vb/uploaded1/b3da3eed8.jpg

صورة ثانيه لفيضه على الطريق ترانا رايحين قطوعه .
http://www.alrahlat.com/vb/uploaded1/b3da3eed9.jpg

هذي فيضه ثانية حلوه
http://www.alrahlat.com/vb/uploaded1/b3da3eed10.jpg

صوره مقربه
http://www.alrahlat.com/vb/uploaded1/b3da3eed11.jpg

هذي فيضة ديرة الذيبية تبدو جميله ورائعه جداً
http://www.alrahlat.com/vb/uploaded1/b3da3eed12.jpg

مخيم لأحد أهالي الديره في مكان رائع
http://www.alrahlat.com/vb/uploaded1/b3da3eed13.jpg

هذي وحنا مقبلين على فياض الحجره وتلاحظون هناك كشاته مستانسين لحالهم
http://www.alrahlat.com/vb/uploaded1/b3da3eed14.jpg

هذي فيضة بالحجره ظهورهن يالنشاما نزلنا كشنا هنيا وهذا اللي ينزل أغراض من الباترول طير شلوى
http://www.alrahlat.com/vb/uploaded1/b3da3eed15.jpg

نبي ناخذ قصط من الراحه يوم قعدنا وريحنا وه
http://www.alrahlat.com/vb/uploaded1/b3da3eed17.jpg

تصدقون عاد اني حلفت لأزين مقلوبه طعمه مندي الخلطه السرية .

http://www.alrahlat.com/vb/uploaded1/b3da3eed18.jpg

صوره جميله
http://www.alrahlat.com/vb/uploaded1/b3da3eed19.jpg

ابو محمد والهوجاس
http://www.alrahlat.com/vb/uploaded1/b3da3eed20.jpg

صورة ابو فارس فرح
http://www.alrahlat.com/vb/uploaded1/b3da3eed21.jpg

تعال سامرنا
http://www.alrahlat.com/vb/uploaded1/b3da3eed22.jpg

هذي فيضة نعيمي بالحجره
http://www.alrahlat.com/vb/uploaded1/b3da3eed23.jpg

اه اه اه من هبة خزاما اولاه بس
http://www.alrahlat.com/vb/uploaded1/b3da3eed24.jpg

هذا فطورنا ياجماعه سنه طاسة كراسيدا شكله فول بالجبن
http://www.alrahlat.com/vb/uploaded1/b3da3eed25.jpg
اللي يبي الفيضه وهو في حبها مولع ابو فارس يهوجس
http://www.alrahlat.com/vb/uploaded1/b3da3eed26.jpg
عند مغادرتنا من الفيضه قمنا بجمع الأغراض ضهورهن يالنشاما
http://www.alrahlat.com/vb/uploaded1/b3da3eed27.jpg
صوره من بعيد
http://www.alrahlat.com/vb/uploaded1/b3da3eed28.jpg
قمنا بالتمشي على بعض الفياض وشوفو صوره من بعض الفياض
http://www.alrahlat.com/vb/uploaded1/b3da3eed29.jpg

فيضة إم سدره وشتقولون مانقول شييييييييييييييييي
http://www.alrahlat.com/vb/uploaded1/b3da3eed30.jpg


فيضه ياجماعه مهب تصلح ملعب مزروع والله ياهي جنه
http://www.alrahlat.com/vb/uploaded1/b3da3eed31.jpg


لاتعليق
http://www.alrahlat.com/vb/uploaded1/b3da3eed32.jpg


فرحين العيال بهالخضار ولله الحمد
http://www.alrahlat.com/vb/uploaded1/b3da3eed33.jpg


هذي فيضة ام سدره ويتضح فيها الرحالة
http://www.alrahlat.com/vb/uploaded1/b3da3eed34.jpg


للأسف ياإخوان لن يتطور بعض الرحاله مع العلم انهم سوف يرجعون ثانيه للموقع وشوفوا وساختهم
http://www.alrahlat.com/vb/uploaded1/b3da3eed35.jpg


الفيضه من بعيد مره اخرى
http://www.alrahlat.com/vb/uploaded1/b3da3eed36.jpg

هذي الفيضه اللي نمنابه وشوفونا حنا اللي على اليمن قوه
http://www.alrahlat.com/vb/uploaded1/b3da3eed37.jpg


غادرنا المكان وهو أفضل مما كان
http://www.alrahlat.com/vb/uploaded1/b3da3eed38.jpg


الأخ العزيز ابو خالد يشيل الوساخه ويجمعهن جميع الله يخليه منظر حضاري
http://www.alrahlat.com/vb/uploaded1/b3da3eed39.jpg


فيضه وحنا راجعين مدري وش إسمه
http://www.alrahlat.com/vb/uploaded1/b3da3eed40.jpg


عاد شوفوا أبقولكم شي رجعنا للدهناء وحنا جوعانين وقام ابو سليمان ضبط المقلقل لنا أه اه
http://www.alrahlat.com/vb/uploaded1/b3da3eed41.jpg


همهمهمهمهمهم هم هم هم هم هم هم هم يم يم يم يم إمممممممممممم
http://www.alrahlat.com/vb/uploaded1/b3da3eed42.jpg


ابو محمد مره ثانيه يوم قمنا وحنا راجعين من الحجره للدهناء يطعس
http://www.alrahlat.com/vb/uploaded1/b3da3eed43.jpg


البريكة ويبدو على بعض الناس عدم النظافه وقلة الوعي الى متى؟
http://www.alrahlat.com/vb/uploaded1/b3da3eed44.jpg

البريكة شله مخيمين
http://www.alrahlat.com/vb/uploaded1/b3da3eed45.jpg


مره إخرى
http://www.alrahlat.com/vb/uploaded1/b3da3eed46.jpg

عند المساء
http://www.alrahlat.com/vb/uploaded1/b3da3eed47.jpg

وإلـــــــــى اللقاء برحلة قريبة من ابو فارس تحياتي العطرة لمنتدى الرحلات

والله وألف نعم بك وبخوياك ,طلعه على كيفك.
وأهم شي حرصكم على النظافه, ومطالبتكم بها

أبو فارس ... أنت دائماً مبدع في رحلاتك وتصويرك وانتقائك.

نقلت لنا ربيع وجمال الحجرة والمناطق التي مررتم بها خير نقل وأصدق رؤية.

نغزة .......... كأني أشم رائحة شايب الصمان والمغترب بهالرحلة (كلها أكل).

بارك الله فيك.

الغالي
الاكليل

السلام عليكم
الله يوسع صدوركم بالعافية امين ويعلها جمعة و لا تفكك ابد
موضوع جميل و صور تشرح صدر الواحد من ونساتة اديور فية
تريلات سميت
اعجبني احترمكم للفياض و اهتمامكم بجمع المخلفات وهذا من صفات
المسلم
بنسبة لشب النار في الروضة فهناك من يقول يجب ابعاد الطبقة العليا
من التراب و الحفر حيث ان الطبقة العليا تحمل في داخلها البذور
وعند الشب فان البذور تحترق و يصبح محل الشب بقعة في الاعوام
القادمة
اخي الكريم ادعو الله ان يحفظك من كل مكروه اللهم امين

اخوك
خشم الحصان

جيت على الجرح يابو فارس

فياض يحبهن قلبك يخربهن بعض الكشاته الله يهديهم

شكرا ابوفـــــارس والحمدلله طلعه موفقه

من خاواك ابوفارس مايشقاء


ولايهنون الشاب عزالله يبيضون الوجه

يابو فارس يكفينا من خفة دمك التعليق وبس حتى لو مافي صور، هذي قصة رحله، تعجبني فيك البساطه وعدم التكلف حتى الفيضه اللي ما تعرف اسمها ما تشيل هم اسمها أهم شى انها زينه وتصورها، يعطيك العافيه على هذه الرحله اللي أخذتنا في جميع أجواءها، بارك الله في الجميع والحمدلله على السلامه.