|
شريت سيارة .؟ وتبي تضبط نظام التعليق .؟ حياك ربي تفضل هنا
السلام عليكم ورحمة الله وبركاته حيالله جمع النشامى كما نعلم في اول ايام السيارة عندما نقتنيها يبدأ التفكير ماذا اضع من مساعدات وماذا افعل لوزن وقفة السيارة طبعاً كلٍ وحسب رغبته يعني صاحب طرق نفود , جلد , وديان ... الخ هنا ... أتمنى ممن يرغب في الإستشارة في تحسين اداء سيارته يضع النقاط التالية :- 1- نوع السيارة وموديلها . 2- نوع إستخدامه ( في النفود , وديان , جلد , مدينة ... الخ ) . 3- حد الميزانية . 4- كم متوسط السرعة في البر او بالمكان اللي غالباً يطرق به . 5- ماهي نوع الكفرات الموجودة وهل يرغب بتبديلها ام لا . هذه أهم النقاط وبإذن الله سنفعل قدر الإمكان من زاوية الخبرة ( لا التخرص ) لكي لا نوقع الغير بتكاليف خسارة تكون عليه . من ناحيتي ... أفضل خبرة لدي هي الونيتات ... ومن ثم الجيوب وايضاً نتمنى من ذوي الخبرة المداخلة منهم ليعم الفائدة ع الجميع ولا مانع من المناقشة في النقاط الخلاف . محبتي لكم ابوخالد |
وعليكم السلام ورحمة الله وبركاته الغالي أبوخالد بارك الله فيك وجزاك الله كل خير موضوع جميل وفكرة طيبة وخدمة كبيره تقدمها لأخواننا الأعضاء وهذا ليس بغريب عليكم اسأل الله لك التوفيق والسداد ... وإلى الأمام دوماً :thumbup: أخوكــ عبدالله |
هلا فيك يابو خالد:
موضوع جميل، صاحب البر والرحلات أفضل له إقتناء سياره لكل التضاريس لأنه لا يستغني عن الذهاب الى مختلف الأماكن، وفحص السياره قبل العزم على الرحله واجب لتفادي الأعطال، والله الموفق.أنا أفضل الونيت الدفع الرباعي لقدرته على تحميل أكبر قدر من العفش، تقبل خالص الشكر. |
هلابكم جميعا ابو احمد واخوي مهراس
لاهنتم جميعاً وننتظر بإذن الله من يستفسر لنبدي له وجهة نظرنا من واقع الخبرة لعله يستفيد ويفيد ونستفيد اخوي مهراس بالنسبة للونيت هو افضل لدي وإذا كان معك ونيت وتشتكي من قساوته او ليونته وتريد عمل شي من رفع وغيرها اخبرني ومالك هم عزيزي ابوخالد |
أبو خالد.. هلا بك وما شاء الله تبارك الله مبادرة طيبة وبإذن الله مفيدة واسمح لي بالمشاركة بوضع أول إستفسار وإن كنت أشارك الغالي مهراس بتفضيل الونيت الدفع الرباعي 1- نيسان باترول GL-v 2- نفود فقط 3- لا تتطلب سرعة 4- نوع الكفرات الحالية (ماكسس أبو جمل 8 غاط) بإنتظـــارك وبارك الله فيك أخوك.. أبو فهد |
اقتباس:
ابوفهد هلابك والله والله يجزاك خير وما سوينا شي بالعكس نفيد ونستفيد نبي الواحد إذا نزل استشارته يجي النقد من ذوي الخبرة لكي ننير بعضنا بكل ماهو متطور وجديد وليتك حددت الميزانية لها ولكن لا بأس بما أنك راعي نفود فقط وانت منت راعي سرعة ... خذ الراي ولا نستغني من النقد في سبيل التطوير : 1- مساعدات شاص امامي او مساعادات مرسيدس بلاستاين ( سعر الواحد في بحر الـ 110 إلى 120 يعني الثنين يروح ويجي في الـ220 ريال دون تغيير شي في نظام التعليق الأمامي ) يعني على نفس وقفته . 2- إذا كنت راعي تحميل والجيب يردح معك من الخلف عليك بياي الإسترالي على حسب ثقل التحميل تركب لأن فيه ثلاث مقاسات إن ماخاب ظني لكن في الغالب الواحد ما يشيل إلا اللزوم يعني العزب والحافظة وماء في حدود 120 لتر لذلك وفر على عمرك وخلك على بلده وإذا كان الموتر مضايقك في نزوله من الخلف ركب كعكات 2 سم وبس 3- مساعدات خلفية شاص . 4- الآن دور الكفرات :- أ- إن كنت من محبي البالون فأفضل شي للنفود 6 غاط ( لكن الفرق بسيط يعني ما يحتاج تغير ) . ب- إذا ودك بالأفضل هناك انواع كثيرة واللي برايي تركب كفرات هانكوك نقشة شاهين لما تمتاز هذه النوعيات بشكل عام ( اللي تجيك نقشة شاهين ) بخفة في القيادة وإقتصاد في الصرفية وسلاسة في الجواد والتمكن في الطريق اكثر من البوالين إلا إنها أقل جودة في الرباضات من البوالين إن كان ارضك فيه رباضات . ج- لا تتعدى الجنوط والكفرات السلق ( إن كنت تريد الخفه ) . هذا ما لدي وعسى الله ينفعك بها والجميع وارحب بالنقاش حول اي نقطة . ابوخالد |
مرحبا اخوي معاي
1/هايلوكس2009 2/ابغاها حقت مقناص وسريعه 3/السياره وكاله ماجاها ترهيم ولا اي شي |
اقتباس:
حياك الله اخوي العنزي وعسى الله يطعمك من خيرها ويكفيك شرها وليتك وضعت الأسألة وجاوبت عليها بالتحديد علشان اوفيك بما تريده تماماً لأن وعلى حسب الأجوبة وتفصيلها استطيع بإذن الله إعلامك بكل نقطة تعملها ليكون ادائها في أعلى مستويات الرضى بإذن الله هذه أسألة اتمنى ان تكمل الإجابة عنها لأوفيك بما تريد 3- حد الميزانية . 4- كم متوسط السرعة في البر او بالمكان اللي غالباً يطرق به . 5- هل ترغب بتبديل الكفرات إلى الأفضل ام لا . بالإنتظار والسموحه ع التأخير ابوخالد |
السلام عليكم ورحمة الله وبركاته هلا بالغالي نوماس سدير جزاك الله خير على هالمبادرة الطيبة منك اود المشاركة لكي نستفيد من خبراتكم 1- السيارة فكسار 2003 (هيدروليك) 2- في الحقيقة استخدمها في الصيف نفود فقط اما في الشتاء نفود ووديان ... الخ , خطوط 3- لايوجد سعر محدد للميزانية لكن لا يتعدى 5000 4- انا لست من محبي السرعة لكن الخطوط حدي 140 أو 150 5- الكفرات دنلوب على جنط 17 ولكم جزيل الشكـــر |
اقتباس:
وعليكم السلام ورحمة الله وبركاته هلابك عزيزي عاشق طيب بما انك منت راعي سرعة اشوف ان بقائه على حاله افضل إلا إذا اردت تحسين وقفته ( إذا كان يحك معك ) أو يردح من خلف مع ان الهيدروليك ما يردح ولالا .؟؟ إذا كان حدى الأمرين يحدث معك رد لي وفيه شي واحد حلو تسويه ... انك تشتري جنوط هلل وتركب كفرات هانكوك نقشة شاهين عليها وتخليه بوقت القطوعات والأراضي الصلبه مثل الصمان وغيره وميزتها خفة الموتر تزيد بشكل واضح مع اقتصاد في الصرفية مع خفة البطناج والمطبات وسلاسه في المشي في الجواد ويوم تنتهي وقت المكاشيت ترجع الجنوط بكفرتها حقات البلد لين يجي وقت الموسم الثاني اتمنى افدتك وانتظر اي سؤال لك ابوخالد |
اقتباس:
بالنسبة للوقفة بصراحة أنا ما يهمني الشكل لكن انا اذا مليت تانكي الماء وركبت عفش واجد وركب معي اوادم ينزل الموتر بصراحة اتبهذل اذا نزل على الموتر والهيدروليك ما يقوى يرفعه فكرت اركب يايات استرالية خلفية لكن لازم افك الهيدروليك وبالنسبة لاقتراحك على الجنوط الهلل والله فكرة جميلة وان شاء الله اني اسويها الموسم القادم الله يعيده علينا وعليكم بالخير والبركة لك كل الشكر والتقدير ، وتقبل مني أجمل تحية |
اقتباس:
ممتاز يعني في الموسم فقط اللي تحتاج للياي الإسترالي زين فيه حلين ... إما إنك تركب الياي الإسترالي وتلغي الهيدروليك إلى أن يشاء الله أو تركبه فقط في الموسم وإذا إنتهى ترجع الهيدروليك مثل ماكان وهذا مكلف وانت اختر احد الأمرين وإن كانك بالدراهم ماعندك مشكلة اقول إذا جاء الموسم ركب الياي الإسترالي والغ الهيدروليك وركب جنوط الهلل بالكفرات وإذا إنتهى رجع كل شي مكانه لأن الهيدوليك يمتاز بالراحة اكثر من الياي اتمنى اني افدتك بشي مناسب ابوخالد |
1- نوع السيارة وموديلها .
ددسن 99 دفرنس واحد 2- نوع إستخدامه ( في النفود , وديان , جلد , مدينة ... الخ ) . مدينة وكل شهرين او ثلاثة امسك خط وقليل دخولي لنفود 3- حد الميزانية . اعتبرها مفتوحة 4- كم متوسط السرعة في البر او بالمكان اللي غالباً يطرق به . خط 130 _ 150 في النفود غالبا ما اوصل 80 5- ماهي نوع الكفرات الموجودة وهل يرغب بتبديلها ام لا . 205/75/14 ممكن كفرات لحالها لـ 215/70/14 أو مع جنوطها لـ 225/70/15 ودي ان مطبه يخف بدون ما ينزل لن ودي اعطيه رفعة بسيطة خصوصا من قدام والشي الثاني وجهه يلعب في المراقي وودي انه يثبت ومشكوور يالغااالي مقدما |
اقتباس:
ماقصرت عطيتنا رايك وماشاء الله عليك ما يحتاج خبير شـكــ وبارك الله فيك ـــرا لك ... لك مني أجمل تحية . |
هلابك اخوي عبود
اقتباس:
عسى الله يطرح فيها البركة 2 اقتباس:
يعني استخدام مسفلت في الغالب اقتباس:
ما يحتاج ميزانية بما انك منت راعي طرق بران اقتباس:
ممتاز يعني ع الهون اقتباس:
جنط 14 ممتاز كخفه وعزم زين ( هو الشد بلد على ما أظن ولالا .؟ ) لكن عموما جنط 15 ازين كونه يعطيك سرعات اعلى ثلاً لو تمشي 120 تكون في الواقع تمشي 130 وقس على ذلك في امور الصرفية والإرتفاع وغيرها ولذلك يفضل جنط 15 عرض 6.5 انش وتكون الكفرات من نوع هانكوك خط ويكون المقاس 215/70 او 205/75 والثاني افضل إن وجدته اقتباس:
خفة المطب اقدر اخليه كأنه صغيرة من الراحة .. كيف .!؟ ارفع الخلفية بتركيب ربلات ولا تركبها عند اي واحد رح لمبارك اللي بالصناعية بجانب ميزان اليرموك والمجد ولو ماعرفته خل ميزان المجد اللي بالصناعية القديمة ع اليسار ووجهك شرق بتكون عند تقاطع ( لأن ميزان المجد على شارعين ) بعد التقاطع ثاني محل ع اليمين واسم المحل مرات واللي يديرها مبارك ابوعلي وولده علي لأن عندهم ربلات زينه وقوية ما تلين مره الفائدة هي عزل سست التحميل عن سست الأعلى وتكون كأنك ساحب سست وانت ما سحبت فإذا جاء تحميل قوي يرتكي على سست التحميل ويقوم بعملها وخله يرفع لك الوجه باللي تبيه وانا اقترح إن كان شد بلد من 2 إلى 3 سم ويكون اللي بالخلف زيادة عنه 2 سم علشان امر الرساوة والفرامل والإتزان في المنعطفات انتهينا من الرفع الحين نبيك تركب مساعدات طبعاً ما يركب عليه مساعدات مرسيدس لذلك مالك إلا مونرو امام وخلف ويكون الأمامي غاز والخلفي زيت ( قل للمحل كذا وهو يعرفه ) لأن الغاز يمتص الداخل والزيت يمتص الطالع ( بحكم وجود السست في الخلف ) باقي شي واحد يويصر الموتر على قولتهم دلع هو وضع حمل في الخلف لكي يكون فيه وزن يساعد ع اليونه إما بتانكي ماء او غيرها وان كانك ماتبي ماء والتكاليف حط لك خيشتين رمل في الصندوق في الخلف وينتهي امر القساوة بإذن الله وانا انصح بتانكي ماء للحاجة في كل الظروف لها اقتباس:
بإذن الله يثبت بعد المساعدات اقتباس:
ياهلابك عزيزي ابوخالد |
| الساعة الآن 06:40 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir