[أبوعمران]

بسم الله الرحمن الرحيم

السلام عليكمـ ورحمة الله وبركاته ..


حي الله أحبتي رواد منتديات الرحلات .. واسعد الله أوقاتكمـ بكل خير ومحبة ..


بعد إنقطاع يسير .. اشتقت لأخواني في هذا الصرح الجميل فأحببت أن اشارك مشاركه خفيفه ولعلها بداية الخير لموسم حافل بالأمطار والربيع المنقطع النظير


طبعا .. تعرفون أثر هذي الطلعات الخفافيه سواء كانت الى النفود ام الى البر المنفتح أم الى احدى المخططات النائيه ..


تصفي النفس وتزين الأخلاق << طبعا هي زينه من اول لكن تزيد حلاوه


طبعا قررت أنا وحبيب قلبي نسيبي الغالي أبوتميم .. اننا نطلع طلعة خفيفه نمدد رجلينا في هالجو الزين والبراد الممتع ونتسامر ونتمشى ونظبط الشاهي والقهوه في إحدى الأماكن الهادئه ..


وبعد مشاورات قررنا الخروج الى إحدى المخططات الهادئه والنائيه .. وسبب إختيار المخطط لأن الطلعه خفيفه ومافيها طبخ ولا فيها شيء كثير ماغير شاهي وقهوه وشوية كتكات


المهمـ طلعنا الساعه التاسعه مساءا .. وصراحه ياخوان والله انصحكمـ بمثل هالطلعات الخفيفه الي تجدد النشاط وتصفي الذهن.. خاصه اذا كان معك رجال شقردية !


طبعا في البداية وقفنا المواتر ( ماشاء الله تبارك الله )




وبعد مافرشنا ونزلنا المراكي .. طلعنا البريموس ( العنكبوت ) عشان نزبط القهوة ..



وبعد ماظبطنا البريموس قام أبوتميم بتبهير الدلة .. والله ماقصرت يابوتميمـ أنا أشهد ان القهوة محكورة حكر ..



وهنا بعد ماحطينا الدلة على العين ..



وهذي صورة للفنجال والدلة برفقة الحبيب الغالي كتكات ويظهر ان الأصبع الموجود تعرض لظروف سيئه جدا مما أدت الى مسح ام الكتابه الي على الاصبع



وهنا تم إخراج بريق الشاهي ..



وتم وضع البريق على عين البريموس ..



وبعد ماظبط ابوتميم الشاهي كانت هذه النتائج .. ماشاء الله دم غزال .. كفيت ووفيت يابوتميم




طبعا خلال هالطلعه تمت مزاولة رياضة المشي .. ولايخفى عليكمـ ان المشي له فوائد قيمه جدا ومفيده للجسم ..

إلى هنا ينتهي الموضوع .. واعذروني على قلة الصور لأن الذاكره كانت مليانه ولا امداني اصور صور زياده .. شاكرين لكمـ زيارتكمـ الجميله وآملين من الله ان يحوز الموضوع على رضاكمـ بعد رضى المولى عز وجل .. !


وتقبلوا خالص تحياتي .. أخوكمـ / أبوعمران