[مخاوي القطا]

السلام عليكم و رحمة الله و بركاته

من أفضل الصيد عندي هو صيد القطا.. و هو معروف أن صيده صعب.. لأنه حذر و سريع و يتحمل قطع المسافات البعيده في الطياران..

و دائما" الصيد يكون له طعم لا تعبت عليه.. سوى في الطرد أو أذا سويتله خطه تخدعه في رميه ( كمين يعني ) و هنا

جايبلكم صور صيدنا للقطا الغطاط في خطه حلوه..

جينا عند منقع بطرف رشاش مزرعه و لقينا قطات تارد طارت منه تلي عصير.. قلت بس نبي نذبح القطا هنا بكرا أنشاءلله..

أستأذنا من راعي المزرعه و نجي بالكريك نحفر حفره عمق متر و عرض متر في طول مترين تقربا".. و نسكر سقفه بعسيب

نخل على مسح الأرض..

و من بكرى نجيب معنا فطورنا و دافورنا و ظبطنا الشاهي فيه.. و يوم جاك القطا يقطقط ذبحنا حق غدانا و الحمدلله.. واعذروني

على الأطاله لأني أحب سواليف البر و الصيد بالذات.. و أليكم الصور..