حيا الله كلن باسمه
الردميه قبل ثلاث سنين كنها ازفلت من زينها و الآن بطناج يعيفك اياها
عموما اباتكلم عن اللي من يمين الخط ورى ام رقيبه ووجهك للحفر
الردمية اول ما تبدى به خليقة ابن عشوان ثم تمر فيضة عزاره و دحلها ثم تنصف جو الصفي ثم على مسافة 65 كيلو من الاسفلت اللي جيت منه تطيح بالحاصبيات ايسرك و انت متجه معها العوده و يمناك ام صحن و مابعدها ثم عقبها جو مناخ و شوي
تجيك ضلوع عقبها مباشره خطوط بريه قويه تدخلك على بلدة مناخ و مناخ فيها محطة بنزين و تموينات و نقطه امنيه و جامع ومدرسه و اذا استمريت ما دخلت لمناخ يجيك جو سعيد و عقبه جو الهامل بيسراك ثم يجيك خطوط قويه تقطع الردميه ان رحت معها يسار وصلتك للحيرا (ابن شرار) و إن رحت معها يمين وصلتك للصافه وإن استمريت مع الردميه طلعتك على الطريق الواصل بين الصداوي و الرفيعه اللهابه اللصافه و طول الردميه 150 كيلو من طريق الحفر لطريق الرفيعه الصداوي و انتبه ان كانك جاي من مناخ و ما وراها تبي طريق الرفيعه لمنحنى خطر حول مزرعة الشايع