[سهيل]

بسم الله الرحمن الرحيم

هاذي رحلة خفيفة لام رقيبة

مشينا ظهر الاربعاء 18/11 وكان طريقنا بريدة + الزلفي + الارطاوية + ام الجماجم + ام رقيبه

هذا صورة وحنا طالعين من الزلفي باتجاه الارطاوية

وصلنا اخر العصر وكان الشباب ربعنا اللي بالمجمعة مستأجرين خيمة بحدود 180 ريال لمدة يومين

كانت 6 في 6 وكان اجار الخيام يبداء من 50 ريال حسب حجم الخيمة طبعا الاسبوع القادم الحفل الختامي

يعني عادي تتغير الاسعار

هاذي خيمتنا

ريحنا وتعشينا وقمنا صبح الخميس وصبحنا بهالمذكوره

وانطلقنا الى حراج الابل ودجنا شوي واخترت لكم بعض هالصور

ثم رجعنا للسوق حيث تجد الي تتوقع واللي ماتتوقع كل شي يباع ابتداء من الهواء للسيارات

حتى ملابس الافراح ( خل الحريم ينشبن بكم ودونا ) طبعا الملابس السورية طاغية

والاسعار من الـ 100 وطالع ولا يعبرونك بس والله عندهم طفيليات وفروات طيبه بالحيل

اخر العصر مرينا التطعيس بس الله الله بالحذر سيارات ماتدري من وين تجي الناس تقل

ملحوقه ؟

رجعنا لخيمتنا وبكرا مرينا حراج الابل قبل مانمشي وجبت لكم هالصورتين

سبحان الله

وهاذي مقربه

وهاذي قعدت انا وروحي شد وجذب قلت رزه للشباب بس لاتدققون تشابه اسماء

وسلامتكم

محبكم سهيل