السلام عليكم ورحمه الله وبركاته
مساكم الله بكل خير
قصيدة ودي بشوف البر عقب التباريح
للشاعر عبدالله الشمري
واداء اخي الغالي ابونواف
ودي بشوف البر عقب التباريـح
في خايع مسقيه مزنن خيالـي
يحوي زهور ريحها جابته ريـح
بالقاع أشوفه كنهـا كالزوالـي
والطير بالجنحان له دوم تلويـح
ويغرد و يملا الفيافـي جمالـي
في خايع مافيه ذود و مساريـح
ماطبته رعيان تقفـى الحلالـي
ياما حلا تدويجتن به وتصليـح
ادلال رسلان بها الكيف سالـي
وأسوقها للى معي من مفاليـح
أهل السطر و أهل العلا والمعالي
ونجاذب أطراف القصايد متى تيح
ونردده أليا أسود الليـل طالـي
هذي طرات البال يافريح يافريح
عندي كما شرب القراح الزلالي
وختامها مني صـلاة وتسبيـح
بختام قول قلتـه وقـد بدالـي
اتمنى ان تعجبكم وتنال رضاكم
دمتم في حفظ الله ورعايته