السلاام عليكم ورحمة الله وبركاته
ابشروا بالحبارى ياجمااعه والله اني شايفها
كنت مخيم امس مع الشبااب رجاال شروااكم وشبت النار وفلة حجااج وقهوه وشااهي وعلووم غاانمه
المهم رحت اتمشى اسوووق القدم واتفقد الاوضااع مع هالجو الجميل والامطاار والخير يالله لك الحمد ويقول الشاعر
يازين سجات القدم وقت الامطار **** وشوف الفياض اللي جديد(ن)مطرها
والمهم واتمشى يمين يساار الا وذيك الجرة قدامي جره الحبارى ياولد اصدق ما اصدق
واقرب وجهي من الارض 
لا والله الجره جديده مره ما يبيلها كلاام
وانا اصيح لولد عمي عبد العزيز ابشربها ابشربها هاات الطير اعجل علي تكفى
ويجني يركض والطير على كفه حبرى من يلقها ولا وحوول الريااض يالله لك الحمد
والطير حر لا والله زاانت العلووم...
وعقبها قمت من النوووم 
ومنقهر ما شفت الهدد والحبارى راااحت علي
ابو سعد ابووووه
والله انها احسن رؤيا شفتها في حيااتي والله يعيدها من نوومه
ولا حد يزعل يالربع وهذا ما شفته البارحه
والله يستر وش اشوف الليله 
اخوكم ابو سعد الرويس