اقتباس:
المشاركة الأصلية كتبت بواسطة ابو ريس
بسم الله الرحمن الرحيم
السلام عليكم ورحمة الله وبركاته
كيف حاكم يا شباب انا عضو جديد في المنتدى ابي اسأل سؤال 
واتمنى انكم تفيدوني
انا عندي دودج رام 97 2500 وابي اركب عليه كفرات ماكسس حجريه
وما ادري قلت خلني اشاور احد ازينلي!!
قد ركبت بالون وكرهت ام الموتر ما هو عملي ابد 
المهم ترى الموتر رفيع ويبيله كفر كبير وعريض والماكسس عرضه 305 والارتفاع ارفع من البالون بشوي
اتمنى انكم تفيدوني 
 |
هلا بك أخوي
ولكن موترك ماشاء الله الحجم الكبير وثقيل ويحتاج الى كفرات غير البالون ...
الافضل أنك تركب نفس مقاس الي مكتوب على الباب أو أكبر شوي ...
من واقع تجربه على الرام 97 حجم 1500 ركبت عليه مشيلان 275\70\16 وطلع الموتر ثقيل بالحيل ولايطربك .
وركبت عليه 235\70\16 وتغير الموتر معي فرق كبير الى الاحسن .
الان معي 2001 ومركب عليه دانلوب ( كفرات شاص على جنوط حديد) وممتاز بالحيل ويطربك بالرمل والحصى ...
ومركب مشيلان امريكي 245\70\16 على الجنوط الكروم أستخدمه بالديره ... وأستخدمته برحلتنا عطلة
عيد الاضحى .مع العلم كان محمل عدة البر كامله من خيام وجراكل ماء 600 لتر وعزبة الرحله (شايب
الصمان )اللي يحتاج ومايحتاج شايب ( يبي يقلد عزبه أبوفراس الشهيره) والحمدلله ودخلنا محلات دبل ثقيل والقير
بنمره واحد.. ونسمت كفرات قدام الى 15 ..اما الخلفي فهي 40 لان عليه حمل وخفت تبنشر .... ولكن
الحمدلله ولابنشر
واي أستفسار عن الدوج حاضر خبير أدواج من 1980... شايب ادواج 