مــــتـــــبــــــوع <<<< وقبيل المغرب اعصير رحنا يم مراحهم الين البيت قد بنوه وكل شي تمام وجلسنا فيه اقبال عود هالأرطى الي يطربك ريحه ياسلالالالام سلّم ونكمل السوالف والقهوة وكل علم غانم وهذي صورة أخرى خلها تطربك ياغالي حياة اتمنى الرجوع لها والسلامة من المدنية المقيته وهذي من جهة أخرى وشف زين هالمعاميل وزين الترتيب وهذي أرجاحه ونوتر بها وكان لابد لنا من جولة على ربيع هالمنطقة ويعلم الله يا أن ربيعها هوى كل راعي ابل تخيل ربله وخزامى وشكاعي وشوي رمث وش بقى كل هذي تشط في سنام الناقة واليك الصور واليك الأخرى لعشان مايقال راعي الهــدد يتعمد يدور الأماكن الزينه ويصورها والله يالربع انها من هالشكل وأزود المهم رجعنا مرة أخرى لبيت الشعر وحنا جالسين وشوي الا والله هاك الولد الي ماودك الا تنضر فيه معتصب بالعمامه وفي يمناه الطاسة لالالا ما اصدق والتفت على ابو محمد قلت ابو محمد قال سم قلت ارفق علينا تكفى ترى ماحولنا احد ههههههههه والديرة بعيد بعيد (( وصار عيارة مايصح نقولها هنيّا )) ضحك الين انشقت لحيته فرقين وقال اشرب اشرب وترآه عافية وصحة يابو حمد لاوبعد حليب خلفة وتمر وربيع يعني على طول يحول في شغايا بطنك ههههههه امزح ترى مانيب سمين وش بقى يالله لك الحمد والشكر صلينا المغرب والعشاء جمع تقديم وتقهوينا عقب الصلاة وخذنا شوي وبحكم ان ورآنا دوامات وحوسة قلت نضبط العشاء مبكر ونرجع بدري واخلي قدر الضغط يتستس له شوي على ذيك الكبسة تقولون كبسه في الضهر والليل اقول هذا طلب ورغبة الربع وفي الختام المعذرة على التقصير والحوسة الي تشوفونها في الترتيب فالذهن مشغول هذا ولد ياناط على ارجولك او ناشب لك يبيك تكلمه وتعطيه وجه او جوال داق او لزوم لابد تقضيه او خلها على ربك عموماً تقبلو محبتي وتقديري لكم يأعضاء ومشرفين وزوار ياشقردية ياقرووووم والله لايحرمني منكم ومن طيب كلامكم وحسن أدبكم يالله ياربي اغفر لي ولهم وادخلنا جناتك جنات النعيم محبكم ابو حمد وانتضروووو ... القاااااااادم .... القاااااااادم ..... تحت التجهيز والإعداد ..