اقتباس:
المشاركة الأصلية كتبت بواسطة تركي
كيف الحال ياراعي الهدد
س1/ ازعاج الباب الخلفي عند المطاب والحفر وفي البر؟
س2/ وش فائدة ترهيم المساعد الدركسون ؟
س3/ وين يباع الكشاف لي تقول عنه؟
س4/ وش رائيك في كفرات البلون في الباترول وش الافضل من كفرات وهل ترج الكفرات في السيارة ؟
س5/ وبعدين وش الورشة المفضلة في ترهيم السيارات؟وعطنا امثله على الترهيم ؟
وشكرا على المعلومات
|
هلابك ياغالي والله يقدرني على خدمتك
اليك الأجوبة على حد علمي وقلة معرفتي
س1/ ازعاج الباب الخلفي عند المطاب والحفر وفي البر؟
جواب
ممكن انك تعمل احد الأمرين
الأمر الأول / جب لك قطعة من الأستك حق الكفرات واقطعها بشكل مربع واصفطها ثنتين او ثلاث على حسب سعة التوسع في الباب وبعد ماتصفطها حطها على مكان المقبض الي يمسك الباب في السيارة وثبتها فيه وبأذن الله يكون مابه صوت
وجب لي مكيف صحراوي لي الماء المعروف الأبيض وشق تحة بالربل حق الباب ودخل الي في الربل لعشان ينتفخ ويصير كأنه مثل جدته وبأذن الله ماتسمع اصوات ولا شي
الأمر الثاني / تروح لورشة النويصر ويربطون موترك وهذا افضل لك اذا عندك مقدرة مالية
س2/ وش فائدة ترهيم المساعد الدركسون ؟
جواب
ذكرت فوائده في معرض كلامي اتمنى ترجع له وتابع الردود تستفيد اكثر
س3/ وين يباع الكشاف لي تقول عنه؟
تجده عند برق الحيا مخرج 15 الدائري الشرقي
س4/ وش رائيك في كفرات البلون في الباترول وش الافضل من كفرات وهل ترج الكفرات في السيارة ؟
كفرات البلون منضر فقط لاغير وترفع السيارة ولكن غير عملية ابد وترج بالموتر وزيادة على ذلك سعرها غالي
ماتصلح ولا بقرش للباترول
افضل كفر يناسب الباترول وعلى الإطلالالاق
كفر الشاهين الي يركب على جنط 15 اشتر ولاتشاور ابد مناسب وبقوة
يصلح للجبل وولسهل وللنفود يعطيك راحة وقوة مناسبة للسيارة
س5/ وبعدين وش الورشة المفضلة في ترهيم السيارات؟وعطنا امثله على الترهيم ؟
انا لااحب الترهيم ابد الا شي مثل هالمساعد وثبت نفعه اما الي يسوونه الشباب مثل الهدرز وغيره فلاانصح به الموتر على وكالته زين الا شي ثبت نفعه وانتفت مضرته ولم يكن الترهيم داخل في امور المحركات مكينة قير دفرنس فهذا انتبه لاتعبث فيها
اما الورش فلا اعلم عنها شي لأني ابغض الترهيم الي ماله سنع
الأمثلة وشلون امثلة اهم شي ياغالي انحش عن الترهيمات الي طايحين بها الشباب
اتمنى أن اكون خدمتك ياغالي
شكرا لك ونستفيد من بقية الأخوة