هذه بالجيب النيسـان القصيده حمد سليمان العليان
البرد قرّب وزان وقت الإيجازة
والمزن بانت واقترب وقت الأفراج
واليوم مالي داخل المدن عازه
ودعتها ماني لها اليوم محتاج
اللي ضمانه تود دخل بالأدراج
جببٍ جديد الصنع بأحدث طرازه
خمسة بعد الفين تاريخ الانتاج
من مصنع النيسان معه امتيازه
أبيض ولونه مازج الثلج والعاج
يعجبك في صعب الدروب اهتزازه
كن المراتب بينهن دلك ومساج
متساوي درب الوعر مع عزازه
يمشي وفي مشيه غرور وتغناج
ما هو لشهادات أكثر الناس محتاج
كنه قرناس وابلجو عنه ابلاج
وليامشى كنه سنا البرق لعاج
ما بينه وبين المواتير حزازة
يا لا يمي لتقول فيك انحيازه
والخيل تشعب وللبلغل كم كرباج
فرصه وجرب والفرص بانتهازه
واسئل هل المقناص تراما به إحراج
أحدٍ نقل به طير جهَّز جهازه
واحدٍ عليه بحزت القنص دواج
لجله شهادات المقانيض حازه
شهاداتٍ بالطرد وشهادات نفاج
باقار وإلا لا قضب درب بطناج
جرفٍ عداه وجرف هازه ونازه
ولا عاقه المدخل ولا عاق مخراج